Nancy, AD Meurthe-et-Moselle, 1 J 33

<< < / > >>

Numéro227

Fiabilité de l'actenon suspecté

Genrecharte

Date24/09/1085(fiabilité :édition)

Lieunon identifié

DiocèseToul

RégionLorraine

Supportparchemin

Chirographienon

Sceau sceau plaqué perdu

Etat de la traditionoriginal

Hauteur à gauche603   mm

Hauteur à droite592   mm

Largeur en haut480   mm

Largeur en bas498   mm

AuteurPibon, évêque  de  TOUL

BénéficiaireAbbaye  de  SAINT-SAUVEUR

Regeste

Pibon, évêque de Toul, atteste avoir béni la chapelle Saint-Barthélemy de Grand-Ménil sur un terrain appartenant à l'abbaye de Saint-Sauveur-en-Vosges, et confirme les biens et privilèges de cette abbaye à Grand-Ménil, Ecrouves, Choloy et Ménillot.

Fac-similé

Texte

l.1 IN NOMINE SANCTE ET INDIVIDUE TRINITATIS, PATRIS ET FILII ET SPIRITUS SANCTI, ego Pibo, sancte Tullensis ȩcclesiȩ episcopus, Sigiberto, abbati ȩcclesiȩ Sancti SALVATORIS
l.2 et Sanctȩ Mariȩ, cum ceteris fratribus ejusdem ȩcclesiȩ sitȩ in silva Vasagon, salutem. Notum sit universis Christi fidelibus tam presentibus quam futuris nos pro divinȩ religionis statu apud Masnirium quandam capellam constructam
l.3 in territorio Sancti SALVATORIS, in honore sancti Bartholomei, Sigiberto abbate Sancti Salvatoris concedente, benedixisse hoc pacto quod ipse abbas retineret ibi quicquid in primis libere possidebat, videlicet grossas decimas cum minutis
l.4 de omnibus domibus intra atrium ipsius capellȩ et extra existentibus, sicuti larga via quȩ est in dextera parte ipsius capellȩ veniens ad civitatem dividit usque ad vineam Walteri quȩ est in Pergio. Et inferius vinea Gifardi quȩ dicitur
l.5 Plantaria et superius vinea in Grisen quȩ dicitur Everardi, et sicuti supradicta via transit per medium rivulum in altera parte juxta mansum Arnaldi per mediam vallem usque ad locum qui dicitur Petreia Sancti Apri et
l.6 ab illo loco usque ad rivulum et ad locum qui dicitur Valiselle. Et ibi est vinea quam receperunt Emmalricus et Helmierus pro IIIIor sextariis vini a Gerardo villico Sancti Salvatoris, et ab illo loco usque ad rivulum
l.7 et ex utraque parte ipsius rivuli per mediam villam currentis usque ad largam viam supradictam et juxta Petereeam Sancti Apri, in loco qui dicitur In Torculari, in vineis Bligerii, quas filii sui tenuerunt. Etiam vinea quȩ
l.8 dicitur Albrici Evoin et omnes vineȩ usque ad Valisellȩ. Etiam multȩ vineȩ circa Enmageri Fontem, vinea Heduci et vinea Reheri cum campo versu Mazucas. Multȩ etiam terrȩ in circuitu cujusdam aquȩ quȩ vocatur
l.9 Pontot. Multȩ etiam terrȩ et vineȩ cultȩ et incultȩ quȩ per cumcanbio mutatȩ sunt de quibus omnibus supradictis ȩcclesia Sancti Salvatoris integras decimas habeat, omnium contradictione remota. Confirmamus etiam
l.10 vobis decimas de campo Helperici quem emit Goinus decanus Scrupulensis, ipse campus et alii inferius usque ad pratum quod est juxta aquam Ingrosin, qui campus vocatur Campus Presbyteri. Ab illo campo ex utraque parte Angrusin
l.11 in superiori parte usque ad bannum villȩ quȩ vocatur Foi integras decimas dabunt. Pro mercedis nostrȩ augmento apud Deum decernentes confirmamus vobis fratribus sanctȩ ȩcclesiȩ Salvatoris quȩ est in silva Vasagon
l.12 parvum coleum quod dicitur Masnilium cum capella in honore sanctȩ Mariȩ et cum decimis superius dictis et cum omnibus ad antedictam villam pertinentibus rebus, mobilibus et immobilibus, servis et ancillis, terris cultis
l.13 et incultis, ȩdificiis, possessionibus, pratis, pascuis sive cum pascuis, silvis usque ad silvam Rignei villȩ, aquis aquarumque decursibus, viis et inviis, exitibus et reditibus, quesitis et inquirendis, omnium contradictione remota.
l.14 Et ubicumque homines predictȩ villȩ laborabunt, sive in Harvino Monte, sive in Cuvuceio Monte, sive in collibus, sive in silva usque ad silvam Rignei, ipsi sanctȩ ȩcclesiȩ Sancti Salvatoris integras decimas dabunt.
l.15 Confirmamus etiam mansum unum existentem in magna villa Colei cum decimis grossis et minutis omnino liberum, habentem libere plenarium usum tam in pascuis quam in viis et semitis, non dantem circas ad civitatem neque
l.16 theloneum. Omnes etiam res vestras superius dictas ab omni banno et justicia seculari liberas nec admodo ulla hominum persona inde aliquid exigat nisi vicarius ipsius capellȩ Sanctȩ Mariȩ qui oblationes et dotalicium
l.17 ex integro et terciam partem decimarum accipiat. Quȩ serenissimus imperator Heinricus et venerabilis presul Bertoldus omnino vestrȩ dispositioni usque ad nostra tempora sub anathemate reliquerunt liberas, vineas vestras,
l.18 mansos, homines cujuslibet sexus, sive res, terras ubique commorantes et conjacentes, sive in barrochia vestra, sive in barrochia alterius ȩcclesiȩ cum omnibus decimis, grossis et minutis, vestris usibus libere simili modo
l.19 relinquimus. Villicus etiam vester ponet custodias in omnibus vineis et segetibus vestris.
l.20 Hȩc omnia supradicta confirmamus sub divina obtestatione ut nulla persona cujuscumque conditionis sit vel professionis contra hanc nostram constitutionem venire pertentet. Quod quicumque fecerit, nostro anathemate
l.21 usque ad condignam satisfactionem percussus existat. Signum dompni Pibonis episcopi. Signum Theomari abbatis Sancti Mansueti. Signum Vuidrici abbatis Sancti Apri. Signum Sigiberti abbatis Sancti Salvatoris. Signum Hugonis primicerii.
l.22 Signum Luctulfi decani. Signum Brunonis archidiaconi. Signum Alberonis archidiaconi. Signum Riquini archidiaconi. Signum Tetcelini archidiaconi. Signum Teoderici archidiaconi. Signum Hugonis archidiaconi. Signum Lieberti presbiteri ejusdem capellȩ Sancti Sal-
l.23-vatoris et Sanctȩ Mariȩ. Signum Constantii presbiteri Scrupulensis. Signum Heinrici advocati. Signum Rainardi comitis. Signum Hugonis villici. Signum Goini decani Scrupulen-
l.24-sis. Signum Gerardi villici Sancti Salvatoris.
l.25 Actum publicȩ anno incarnationis Domini millesimo LXXXoVo, indictione VIII, tempore Heinrici imperatoris. [sceau].

Bibliographie

CHOUX (abbé Jacques), L'épiscopat de Pibon : 1069-1107.- Nancy : Société d'Archéologie Lorraine, 1952, p. 210-211, n° 41.

Chartes originales antérieures à 1121 conservées dans le département de la Meurthe-et-Moselle, Nancy, 1977, (Cahiers du CRAL ; 28), p. 72-74.

Responsable

M.-J. Gasse

Comment citer cette notice

Acte n°227 dans Chartes originales antérieures à 1121 conservées en France , Cédric GIRAUD, Jean-Baptiste RENAULT et Benoît-Michel TOCK, éds., Nancy : Centre de Médiévistique Jean Schneider; éds électronique : Orléans : Institut de Recherche et d'Histoire des Textes, 2010. (Telma). En abrégé, citer : « Charte Artem/CMJS n°227»[En ligne] http://www.cn-telma.fr/originaux/charte227/. Date de mise à jour : 29/03/12.