Constant de Rannay renonce au cens sur le moulin donné par Fulbert de Lavardin.

l.1 Nosse debebitis si qui eritis posteri nostri Majoris scilicet hujus habitatores Mona-
l.2-sterii sancti MARTINI, Constantium de Radenaco una[cum] filiis suis HUGONE, et Berengerio
l.3 expetisse censum de palatico molendini quem nobis vendidit filius Burchardi de
l.4 Charesmo nomine Hilgodus, et Guitburgis, mater ipsius. Nam palus ejusdem molendini, fixus
l.5 erat in terra ipsius Constancii, censum tamen de illo reddi nunquam fuit consuetudinis. Idque jam
l.6 dudum probabili fuerat ratione monstratum a Salomone de Lavarzino contra Nihardum
l.7 de Monte Aureo, cum aliquando terra illa [in] ipsius Nihardi devenisset fevum, nunquam
l.8 scilicet fuisse consuetudinis, pro palo illo reddere censum. Quod actum est eo tempore
l.9 quo molendinum ipsum tenebat Gualterius cognomento Granarius, qui testis hinc nobis
l.10 existit idoneus, et hoc ita tunc fuisse probatum omni lege probare paratus. Nec solus
l.11 quidem ipse, sed et omnes qui eundem molendinum hactenus tenuerunt, de palo illo censum
l.12 non esse reddendum similiter asserunt. Et quidem census IIIIor denariorum de terra
l.13 illa reddebatur, [non] tamen pro palatico sed pro motatico, hoc est pro eo quod ex ipsa terra
l.14 prenditur ad opus exclusȩ molendini illius. Cum ergo hunc ad palaticum vertere
l.15 voluisset ille Constancius, ad istum tandem res est deducta finem. Fulbertus [de Lavarzino],
l.16 qui censum illum motatici, dum esset [in seculo], annis multis reddiderat, [et nunc noster] monachus
l.17 factus erat, defendi fecit contra illum [per] quendam nostrum hominem, scuto baculoque cum
l.18 campione ipsius Constantii decertantem, [pro] palo illo censum nec se unquam reddidis-
l.19-se, nec esse jure reddendum. Quod et ille vellet nollet quandoque recognovit, et
l.20 omnem in perpetuum reclamationem illius palatici, superato in ipsa decertatione suo
l.21 campione, guerpivit, bellumque injuste assumptum, prout placuisset Alberico de
l.22 Monte Aureo, sub cujus haec acta sunt judicio, legaliter emendaturum se spopondit,
l.23 testibus istis, [colonne1] Alberico de Monte Aureo, Hugone de Villa Malorum, Adam filio ejus, Frotmundo senescalco, Odone Rufo, Matheo de Monte Aureo, Gausfredo [carpentario qui] fuit [noster campio], [colonne2] [Drogone] fratre Mathei, [Fulcodio] de Monte Aureo, [Damasio] filio Leodegarii, [Arnulfo de Alnezo, Hilgodo] filio Hecberti, [Fulcrado filio] Fulberti, Guicherio famulo, [colonne3] Gauffredo famulo, Rainardo fratre ejus, Girardo famulo, Rodulfo qui fuit famulus, Guarnerio monacho, Hugone monacho, Fulberto monacho.
l.24 Post ista cum adhuc filii Constantii contra justitiam jam manifestissimam pro
l.25 suo posse rebellarent, facto rursus [placito] coacti sunt omnes tam scilicet Constantius
l.26 ipse quam supranominati duo filii ejus, et adhuc tertius nomine Lisoius quicquid
l.27 circa molendinum illum reclamaverant seu reclamabant in perpetuum guerpire ex
l.28 toto, et guerpitionem suam sacramenti juratione firmare, ut nichil unquam pertineat ad eos
l.29 de molendino ipso vel de altero qui est [juxta] ipsum, neque de exclusis eorum, neque de ulla re
l.30 omnino quae fiat propter eos, illud tantum [motaticum] suum accipient, quod antiquitus accipi-
l.31-ebant, et omnia prorsus ad molendinos pertinentia, ab universa reclamatione clamaverunt
l.32 et juraverunt perpetuo quantum ad ipsos manere quieta. Ad quod tamen ne se dicerent
l.33 violentia potius quam justitia cogi, [satis] oblatum prius illis est, ut si quicquam se juris
l.34 aut rectitudinis habere putabant in his quae guerpire habebant, tota libertate
l.35 monstrarent. Quod quia nullo modo valuerunt, unacum uxore sua Costantius ipse
l.36 et filii ejus guerpitionem illam omnes sicut est superius intimata fecerunt. Ita perdonati
l.37 sunt illis XXX solidos de emendatione supramemorati belli, et alii X de forisfacto
l.38 Berengerii filii Constantii, qui ciciderat molendinarium eorumdem molendinorum.
l.39 Acta sunt haec testibus istis, [colonne4] Alberico de Monte Aureo, Odone Rufo, Hugone de Villa Malorum, Adam filio ejus, Matheo de Monte Aureo, Teduino filiastro ejus, Willelmo Bucello, Guillelmo de Ruiliaco, Fulcodio de Banasta, Fulcone filio ejus, [colonne5] Hugone Cadeberto, Achardo filio Gualdrici, Bernardo Talevato, Gausfredo filio Ermenrici, Teoderico fratre ejus, Hugone filio Aimerici, Tetbaldo sororgio ejus, Lamberto homine Drogonis, Michaele Rufo, Isenbardo filio Hervei.

METAIS (C.), Marmoutier, Cartulaire Blésois, Blois, 1889-1891, p. 101-103, n° 93.

TREMAULT (Ch. A. de), Cartulaire vendômois de Marmoutier, Vendôme, 1893, n° 87.