Hugues, prévôt de Vendôme, exige le rachat de la moitié du moulin de Landes qu'Ulric Mauclerc avait donné à saint Martin.

l.1 Successorum nostrorum notitiae, monachorum scilicet sancti Martini Majoris Monasterii, insinuare curamus, quendam virum Ulricum nomine, cogno-
l.2-mine Malum Clericum, donasse eidem sancto confessori et ejus monachis medietatem molendini in villa quȩ dicitur Lenda, unumque arpennum
l.3 prati. Quȩ multis annis quiete habuimus, quamdiu videlicet jamdictus donator advixit. Eo vero defuncto, mox Hugo prepositus
l.4 castelli Vindocini calumniavit nobis supradictam molendini medietatem, invadens ipsum auferensque exinde ferrum. Interrogatus cur hoc
l.5 faceret, respondit, illum virum id est Ulricum a patre suo Archembaldo libertate donatum, et pro hoc beneficio omnia quȩ emendo
l.6 adquisierat de eodem suo domino tenuisse, ac si de ejus fevo ea haberet. Quia ergo medietas illa molendini hac ratione de ejus
l.7 beneficio erat, dicebat non nos posse hanc sine patris sui vel suo, qui ejus heres erat, assensu recte habere. Nos autem nec litteras
l.8 habentes quibus probaremus patrem ejus vel ipsum auctorasse donum quod Ulricus nobis dederat, nec testes idoneos inde invenientes,
l.9 coacti sumus pretio redimere ab eo sepedictam donationem. Dantur itaque ipsi Hugoni a domno Hugone priore tunc Lavarzinen-
l.10-sis cellȩ propter hoc auctoramentum L solidi. Fratri ejus Gausfredo, ut ipse quoque huic rei assentiret, II solidi, alteri fratri eorum cui nomen erat
l.11 Guillelmus, quique tunc noluit hoc auctorare quando fratres ejus, dati sunt postea quinque solidi, ut hoc ipse quoque assensu suo firmaret. Quod et fecit, prȩ-
l.12-sente fratre suo Hugone, et comite Burchardo, set et Landrico homine sancti MARTINI.
l.13 Testium qui huic placito et auctoramento affuerunt nomina, subter ascripta tenentur. Hugo praepositus, Gausfredus frater ejus, Burchardus comes,
l.14 Hugo Calvus, Gervasius filius Lancelini, Nihardus Rufus, Arnulfus frater ejus, Arnulfus de Spelteriis, Drogo filius Fulberti, Rotbertus de Carco, Hugo Pertus,
l.15 Guarinus Grossus, Ludovicus de Loches, Hulbertus de Loches, Gausfredus filius Tedonis, Hilgodus filius David vicarii, Alcuinus coquus, Hugo monachus, Rotbertus monachus,
l.16 Gausfredus praepositus noster.

1