Les comtes Godefroid et Hermann remplacent les moines par des moniales dans l'abbaye Saint-Rémi de Lunéville, fondée par leur père.

l.1 IN NOMINE SANCTE ET INDIVIDUE TRINITATIS. GODEFRIDUS, HERMANNUS FRANCORUM COMITES. CATHOLICI
l.2 conmonemur censura priorum exortati gestis, ut ea quȩ ad augmentum nostri pertinent, ȩcclesie solliciti instemus,
l.3 quo tam nobis quam successoribus nostris preveniat solacium, ut ȩcclesia ipsa sumat incrementum. Notum itaque sit omnibus
l.4 ȩcclesie Dei cultoribus tam presentibus quam futuris, quod cum paterna dispositione quoddam monasterium in loco Lienatisville,
l.5 in honore sancti Remigii construeretur, ibi ut Deo militare studerent, monachos pater apposuit. Nunc vero monachos illos violatores et
l.6 raptores esse sancte ȩcclesie percipientes, catholico consensu ab hoc loco pepulimus; et ne domus ista Dei ab ullo grege fidelium
l.7 ȩvacuetur, abatisse Adeledi et gregi monialium hunc locum procurandum concedimus, quem enim locum proprio deputantes proficere
l.8 predio, concedimus bona infra notata: mansus scilicet duos inibi jacentes, molendina duo, altare Sancti
l.9 Remigii cum decimis atque appendiciis suis, necnon et pontem inibi jacentem, et pontem Odenville. Ad hec itaque alia
l.10 bona eidem ȩcclesie pro remedio animarum nostrarum tradidimus habenda scilicet Bernardi vicum cum ȩcclesia omnibusque
l.11 suis appendiciis, campis, pratis, silvis, pascuis, aquarumve decursionibus, Aldenh etiam vicum cum omnibus appendiciis
l.12 suis, ad Pecin autem Curtim quinque mansus cum duabus partibus capelle tradimus, ad Wihoth quatuor mansus cum
l.13 saltu, ad Fraimon Villam sex mansus cum ȩcclesia, apud vicum Eneum unum cum duobus sessibus, ad hec enim dedimus
l.14 decimam omnium prediorum nostrorum, ea tamen ratione, ut in perpetuo moniales regulariter viventes inibi habeantur.
l.15 SI QUIS hec temptaverit prescripta permutare, et moniales inibi positas deviare, ante tribunal Christi adsistat dampnatus, atque inferni barathro conclusus.
l.16 Anno incarnationis dominice MXXXIIII, indictione VI, regnante rege Henrico, Brunone existente episcopo.

Gallia Christiana in provincias ecclesiasticas distributa, Paris, 1715-1785 et 1856-1865, 16 vol., t. 13, Pr, col. 463, n° 18.

DUVERNOY (Emile), Catalogue des documents des archives de Meurthe-et-Moselle, antérieurs à 1101, in Le bibliographe moderne. Courrier international des archives et des bibliothèques, 11 (1907), p. 1-31, n° 68.

Chartes originales antérieures à 1121 conservées dans le département de la Meurthe-et-Moselle, Nancy, 1977, (Cahiers du CRAL ; 28), p. 55-56.