Otbert Ternier, chevalier, donne aux moines de Marmoutier ce qu'il possédait dans l'église de Maves. Il vend à l'abbaye le fief qu'il tenait de Gillo, pour 30 livres.

l.1 Nulli dubium quod per incuriam sive negligentiam majorum et predecessorum damna plurima soleant minoribus
l.2 et successoribus accidere, dum res suis acta temporibus negligunt memoriȩ litterarum commendare, ac per hoc
l.3 adquisitorum tam auctoribus quam ipsorum datoribus atque testibus ignoratis, quippe per tempora succedentia a memoria
l.4 per oblivionem deletis, heredes calomniosorum versutiis facillime perdunt, quod cum labore multo atque studio patres
l.5 adquisierunt. Quapropter nos heredum et successorum nostrorum utilitati providentes, cuncta pene quȩ nostris temporibus
l.6 adquirimus, ad ipsorum noticiam et memoriam litteris commendamus, quarum auctoritate muniantur contre calum-
l.7-niatorum omnium machinationes et pervasiones. Notum sit igitur universis quod miles quidam pagi Redonensis Gi-
l.8-lo nomine dominus castri quod dicitur Ansquitilli dedit Deo et beato Martino atque nobis ejus monachis sicut in
l.9 alia carta plenius habetur, quandam sui juris villam Madivam nomine in Blesensi pago sitam, et quicquid omnino ha-
l.10-bebat in ea tam in proprietate sua quam alio quolibet modo, sicut ipsemet habebat, anno scilicet dedicationis
l.11 ȩcclesiȩ nostrȩ ab Urbano secundo papa factȩ. Cum ergo miles quidam Otbertus nomine cognomento autem Ternerius
l.12 deberet de nobis tenere sicut de prefato Gilone tenuerat tertiam partem tam memoratȩ villȩ quam etiam ȩcclesiȩ
l.13 ipsius, et omnium ad eandem pertinentium, audiens quod papa supradictus eodem anno interdixerat, ne quis amplius ȩcclesiȩ
l.14 decimas ac cetera hujus modi venderet aut emeret, et insuper docuerat, quod omnis laicus hujusmodi pertinentia
l.15 ministris ecclesiarum non sine periculo suȩ animȩ possideret, timore divino compunctus, dedit assensu conjugis suȩ no-
l.16-mine Elisendis et filii sui adhuc parvi nomine Hamelini, simul etiam filiȩ suȩ nomine Adenordis atque
l.17 etiam nepotis sui Hamelini, pro sua suorumque parentum animabus, Deo et beato Martino atque nobis ejus monachis
l.18 Majoris monasterii ipso anno, per manum quorumdam duorum fratrum nostrorum, domni scilicet Bernardi cognomento
l.19 Flagelli, tunc temporis panetarii nostri, domnique Andreȩ de Gometh, quicquid in sepedicta ȩcclesia Madivȩ
l.20 et in omnibus ad ipsam pertinentibus tenebat et possidebat. Unde et nobis donum per ipsos misit. Post aliquantum
l.21 vero temporis, eodem tamen anno locutus cum supradicto fratre nostro Bernardo Blesis in domo Harduini cognomen-
l.22-to Ruilli, soceri sui, vendidit ex integro nobis per manum ejus triginta libris Blesensis monetȩ, omne fevum
l.23 quodcumque in memorata villa Madivȩ eatenus a prefato Gilone tenuerat, et tunc de nobis tenere debe-
l.24-bat, nichil sibi omnino inde retinens, concedente memorata conjuge sua quȩ pro ipsa concessione ha-
l.25-buit a viro suo decem solidos, et filio eorum Hamelino puero concedente, qui pro hoc ipso habuit a nobis duos solidos, sed
l.26 et filia ipsorum Adenorde cujus supra meminimus, et ipsa pro concessione illa recipiens XII denarios. Insuper etiam concedente
l.27 Hamelino nepote ipsius Otberti Ternerii. In quo loco recapitulavit donationem quam nobis fecerat antea de ecclesia
l.28 Madivȩ, et aliis superius descriptis, et eam auctorizavit, annuentibus uxore sua et filiis, et nepote suo Hamelino
l.29 supradicto. Cujus rei testes sunt hi, de parte Otberti, Fulcradus Morardus, Odo, Bertelinus, Hugo de Fai-
l.30-cis, Haimericus, Gausbertus Beuronus, Amalricus, Gilduinus Rufus, Rotgerius mercator. De nostra autem parte,
l.31 Gilduinus de Maduno, Herveus prepositus, Simon nepos ejus, Belinus de Platea, Guarinus filius ejus, Paganus
l.32 Borrellus, Fulco de Vigenna, Ingelbaldus famulus sancti Martini, Rainerius, Christianus, Girbaldus, Giraldus
l.33 Gobio, Willelmus de Oscampo.