Renaud, vicarius du château de Chaumont, donne aux moines de Marmoutier le droit de cens qu'il exigeait de Marmoutier sur la terre de Corbon.

l.1 Nosse debebitis si qui eritis posteri nostri, Majoris scilicet hujus habitatores
l.2 monasterii Sancti MARTINI, quendam Rainaldum Calvimontis castri vicarium
l.3 cum sua uxore vocabulo Hildeburge, donasse sancto MARTINO et nobis censum
l.4 de terra Mansi Corbonis, quantum sibi debitum quotannis eisdem persolveba-
l.5-mus, hoc est ex dimidio totius terrȩ illius, duos scilicet solidos atque dimidium,
l.6 ut quantum attinet ad medietatem, eandem deinceps terram et propriam obtineamus
l.7 et liberam. Et hoc insuper spopondisse, ut adquietaret nobis Rainaldus ipse
l.8 censum eundem ab Hugone quodam milite Balgenciacensi, qui illum asserebat
l.9 sibi deberi. Fecerunt hȩc pro redemptione animarum suarum, parentumque suorum,
l.10 filiorum quoque ac filiarum, patris videlicet Rainaldi nomine Gualterii,
l.11 et matris Ingelbergȩ, patris item uxoris ejus, quȩ et ipsa Hildeburgis vocabatur,
l.12 nomine itidem Galterii, et Hailuisȩ matris, et Gauterii fratris. Nomina perinde
l.13 filiorum eorumdem ac filiarum, qui etiam donum ipsorum auctorizaverunt, ista sunt,
l.14 Hato, Herveus, Odo, Hugo, Petrus, Godefredus, Milesindis, Florentia. Acta sunt
l.15 hȩc in capitulo nostro, quando uterque pro hoc societatem beneficii nostri accepit.
l.16 Testibus istis, hoc etiam testificantibus quod praeter societatem XXti a nobis solidos
l.17 Rainaldus accepit. [colonne1] De hominibus Rainaldi, Burchardo, Rainerio, Durando, Tetbaldo. De nostris, Durando Risello, [colonne2] Rainaldo pistore, Tetbaldo majore, Rainaldo fratre Michaelis Rufi, Otberto filio Hervei, Letardo carpentario, Ingranno fratre Ansegisi, Rainaldo clerico, [colonne3] Guarino clerico de Semita, Rainaldo Morino cellarario, Beringerio fratre Christiani canonici Sancti Martini.

1