Louis VI, roi de France, confirme le diplôme de Louis le Pieux concédant aux agents des évêques de l'église de Paris les libertés de commerce et de circulation à travers le royaume, avec exemption de tonlieux et autres redevances. Il en étend les dispositions aux agents du chapitre cathédral.

l.1 IN NOMINE SANCTAE ET INDIVIDUȨ TRINITATIS,
l.2 in Christi nomine, ego L[udovicus], Dei dispensante misericordia in regem Francorum sublimatus, omnibus episcopis, abbatibus, ducibus, comitibus, vicariis, centenariis,
l.3 teloneariis, actionariis et universis res nostras procurantibus presentibus scilicet et futuris. Notum fieri volumus quia venerabilis Girbertus, Parisiorum episcopus,
l.4 Bernerus decanus, Stephanus cancellarius noster atque ejusdem ȩcclesiȩ archidiaconus totusque Parisiensis ȩcclesiȩ communis conventus detulerunt nobis preceptum predecessoris
l.5 nostri L[udovici], Karoli filii, in quo continebatur qualiter ipse et antecessores sui, reges videlicet Francorum, rectoribus ȩcclesiȩ Sanctȩ Dei genitricis et Sancti Stephani prothomartiris atque Sancti
l.6 Germani confessoris, in quorum honore ipsa sedes Parisiaca dicata est, concessissent ut, quandocumque eis libuisset famulos vel missos suos in quamcumque partem negociandi
l.7 gratia dirigere, cum carris videlicet et saumariis, sive de navigio vel quolibet negocio, licentiam pergendi ubicumque vellent, absque alicujus infestatione vel contrarietate
l.8 haberent. Pro firmitatis siquidem studio nostram regiam majestatem deprecati sunt predictus G[irbertus] episcopus atque ejusdem ȩcclesiȩ canonici ut pro mercedis nostrȩ emolumento quoddam
l.9 preceptum, quod plenarie ipsam L[udovici] predecessorum nostrorum preceptionem in se contineret et confirmando renovaret, eis fieri preciperemus. Nos itaque utile ac pernecessarium esse sentientes
l.10 unicuique nostrum ex his quȩ in hoc mundo ad tempus sibi sunt a Deo collata, propter omnipotentis honorificentiam, ȩcclesias in beatȩ Dei genitricis honore et memoria ceterorumque
l.11 sanctorum late per orbem constructas muneribus locupletare, pre ceteris etiam omnibus dignius ipsam gloriosam Dei genitricem quam optimis donis placare et ipsius ȩcclesiam, quȩ
l.12 post Deum cȩli tenens apicem ligandi atque solvendi plenam in Filio obtinet potestatem, divitiis honorifice ditare, justis ac rationabilibus eorum petitionibus adquievimus
l.13 pro remedio animȩ nostrȩ, hoc amplificando superaddentes ut, quod eisdem episcopis ab ipso L[udovico] predecessoribusque nostris antiquitus collatum fuerat, canonicis ejusdem ȩcclesiȩ omnibus inibi
l.14 Deo famulantibus et nos in perpetuum concederemus. Hoc igitur nostrȩ auctoritatis preceptum tam episcopis quam canonicis Parisiensis ȩcclesiȩ universis fieri disposuimus, per quod cunctis
l.15 fidelibus, presentibus scilicet et futuris, nostra auctoritate regia precipimus, ut, ubicumque famuli vel missi Parisiensis episcopi et ejusdem ȩcclesiȩ canonicorum infra ditionem imperii nostri,
l.16 negotiandi causa, directi fuerint, nemo teloneum neque quod vulgo dicitur ripaticum, nec rotaticum, aut portaticum, sive triaticum, aut cispiaticum, necnon et salutaticum,
l.17 aut ullum censum, vel ullam redibitionem, sive aliquam consuetudinem ab ipsis exigere vel accipere presumat, sed liceat eis pacifice discurrere et illud, ad quod missi fuerint, libere
l.18 peragere et ad quascumque civitates vel portus aut loca accessus habuerint, nullam inquietudinem, aut detentionem sive contrarietatem ab aliquo patiantur, sed ubicumque ab episcopo
l.19 vel canonicis directi fuerint, securi et quieti cum omnibus, quȩ secum detulerint, nostra auctoritate ire et redire valeant. Quod ne valeat oblivione deleri, scripto commen-
l.20-davimus et, ne possit a posteris infringi, sigilli nostri auctoritate et nominis nostri karactere firmari et corroborari disposuimus. Actum publice Parisius, anno incarnati
l.21 Verbi MoCoXoVIIII, regni nostri XIo, Adelaidis reginȩ Vo. Astantibus in palatio nostro, quorum nomina subtitulata sunt et signa. S. Guillelmi dapiferi. S. Hugonis
l.22 constabularii. S. Gisleberti buticularii. S. Guidonis camerarii. Datum per manum Stephani cancellarii. [monogramme].
l.23 [sceau].

TARDIF (Jules), Monuments historiques - Paris, 1866, (Archives de l'Empire. Inventaires et documents), p. 212-213, n° 377.

LASTEYRIE (Robert de), Cartulaire général de Paris, 1 vol., Paris, 1887, t. 1, p. 204-206, n° 183.

DUFOUR (Jean), Recueil des actes de Louis VI, roi de France : 1108-1137, Paris : De Boccard, 1992-1994, 4 vol. (Chartes et diplômes relatifs à l'histoire de France), t. 1, p. 308-311, n° 149.