Gerbert, évêque de Paris, affranchit l'église Saint-Germain-l'Auxerrois d'une redevance annuelle de deux muids d'avoine et d'un cheval pour l'armée du roi.

l.1 Quoniam juxta sanctarum scripturarum auctoritatem, pastoralis est officii non solum preesse sed prodesse,
l.2 nostrȩ incombit sollicitudini, presentia si qua sint in ȩcclesia Dei gravamina, falce caritatis amputare, et futura
l.3 virili custodia previdere et precavere. Noverint igitur omnes quoniam ammonitione et suggestione quorumdam
l.4 nostrorum ab ȩcclesia SANCTI GERMANI, per singulos annos, duos avenȩ modios et equum unum in exercitu regis ex
l.5 debita consuetudine requirere habebam, sed canonici illius loci, nostram adeuntes presentiam, consuetudinem illam
l.6 omnino negabant, et nullum redditionis inditium se vidisse asserebant, illud quidem pretendentes et sepius incul-
l.7-cantes quod, si ab illa non consuetudinis sed novȩ exactionis requisitione vel redditione non desisterem, predictus
l.8 locus usque ad ipsam parietum destructionem gravaretur, et a nobis in extremo examine procul dubio requireretur.
l.9 Ego vero GIRBERTUS, Dei misericordia Parisiorum minister, communicato religiosorum consilio, tum quia consuetudinis testes
l.10 deficiebant et nulla veritatis inditia apparebant, tum quia domum Dei novis exactionibus gravare, non est ȩcclesiam
l.11 regere sed vastare, communi assensu capituli nostri, ut predicta SANCTI GERMANI ȩcclesia his gravaminibus et exactionibus, predicto
l.12 equo videlicet et predicta annona, libera et imperpetuum quieta exsisteret, annuimus, et presentem cartam hujus
l.13 concessionis testem quasi ȩternum memoriale fieri precepimus, signisque canonicorum nostrorum et sigilli nostri impressione corrobo-
l.14-ravimus.
l.15 Actum publice Parisius, in capitulo Beatȩ MARIȨ. S. Girberti episcopi. S. Berneri decani. S. Adȩ cantoris. S. Stephani archidiaconi.
l.16 S. Henrici archidiaconi. S. Rainaldi archidiaconi. S. Durandi sacerdotis. S. Landonis sacerdotis. S. Theoderici sacerdotis. S. Roberti diaconi. S. Willelmi diaconi. S. Tebaldi diaconi.
l.17 S. Hugonis subdiaconi. S. Alberti subdiaconi. S. Fulberti subdiaconi. S. Petri pueri. S. Anselli pueri. S. Andreȩ pueri.
l.18 Anno incarnationis dominicȩ MoCoXVIIIIo, indictio XIIa, epactȩ VII, concurrens IIo, terminus paschalis,
l.19 IIII kalendas aprilis, Ludovico rege, anno XIo, Girberto episcopo anno IIIo.
l.20 Tetbaldus cancellarius scripsit.
l.21 [sceau]. CIROGRAPHUM.