Louis VI, roi de France, règle les droits respectifs de l'église cathédrale de Paris et du roi à Bagneux et renonce aux redevances et aux services imposés aux hôtes de Notre-Dame qui habitent cette villa.

l.1 IN NOMINE SANCTȨ ET INDIVIDUE TRINITATIS.
l.2 Quoniam juxta sanctorum patrum traditiones regiȩ incumbit sollicitudini ȩcclesias Dei earumque possessiones in omnibus et pre omnibus honorare et
l.3 sustentare, necessarium est ut, si qua inoleverit prava consuetudo, regia manu amputetur, regia potestate coherceatur, ne per aliquam
l.4 exactionis molestiam sancta mater ȩcclesia conturbetur et capud ȩcclesiȩ Christus membrorum suorum offensione offendatur. Ego igitur Ludovicus,
l.5 Dei gratia Francorum rex, motus tam ratione quam pietate, quasdam consuetudines, quasdam exactiones quas in terra Beatȩ Mariȩ apud [Bal-
l.6-neolum] villam diu habueram, scilicet talliam super hospites, ammonitiones hospitum in exercitu, quibus predicta terra plus [justo
l.7 vexabatur], insuper et viaturam et omnia ad viaturam pertinentia, pro salute animȩ meȩ et antecessorum meorum supradictȩ ȩcclesiȩ [condono
l.8 et relinquo] totamque terram illam, cum terra capellani episcopi, ab his consuetudinibus et exactionibus in perpetuum absolvo. Concedo etiam [quod, si aliquis
l.9 ex hospitibus vel] servis Beatȩ Mariȩ, in predicta terra commanentibus aliquid forisfecerit in viatura illa quam rex habet apud predictam villam,
l.10 tam in sua quam in aliorum terra nichil prorsus inde emendabit, nisi homicidium vel incendium fecerit; de his enim duobus tantummodo regi
l.11 respondebitur nec tamen, nisi prius facto clamore, apud majorem Beatȩ Mariȩ, emendabitur. Hospites similiter regis, si quippiam forisfe-
l.12-cerint in viatura Beatȩ Mariȩ, nichil nisi de homicidio vel incendio respondebunt et illa duo per manum sui majoris emendabunt.
l.13 Determinatum est etiam, quod rotaticum tam de regis quam de canonicorum viatura, quod prius erat commune regi et canonicis, proinde dividatur
l.14 hoc modo: rotaticum enim de viatura regis regi proprium erit et de viatura canonicorum totum ex integro canonicorum erit. Diffinitum est
l.15 etiam, quod hospites regis, apud Balneolum stationarii et commanentes, in supradicta canonicorum terra numquam hospites fient; et similiter
l.16 canonicorum hospites regis hospites nullatenus existent. Tensamentum vero, quod hospites illius terrȩ regi debent per singulos annos ex con-
l.17-suetudine, avenam scilicet et vinum, insuper et denarios quos debent pro legibus, omnia ista regiȩ potestati, sicut antiqua habet consuetudo, suis
l.18 terminis persolvant. Quod si terminum transgrediuntur, minister regis clamorem inde faciat apud majorem Beatȩ Mariȩ; major vero,
l.19 prius audito clamore, justitiabit hospites et reddere faciet tensamentum et denarios, lege qua debet, ministro regis. Ut autem hȩc nostra
l.20 concessio perpetuȩ firmitatis vigorem obtineat, presentem cartam sigillo nostro corroboravimus et caractere nostri nominis eam signavimus.
l.21 Asstantibus de platio nostro quorum subtitulata sunt et signa.
l.22 S. Anselli dapiferi. S. Gilliberti buticularii. S. Hugonis constabularii. S. Guidonis camerarii.
l.23 Actum Parisius publice, anno ab incarnatione Domini MoCoXVIIImo, anno regni nostri VIIIIno, Adelaidis reginȩ IIIo.
l.24 [monogramme].
l.25 Data per manum Stephani cancellarii.
l.26 [sceau].

GUERARD (Benjamin), Cartulaire de Notre-Dame de Paris, 4 vol., Paris, 1850, t. 1, p. 256-258.

TARDIF (Jules), Monuments historiques - Paris, 1866, (Archives de l'Empire. Inventaires et documents), p. 210, n° 369.

DUFOUR (Jean), Recueil des actes de Louis VI, roi de France : 1108-1137, Paris : De Boccard, 1992-1994, 4 vol. (Chartes et diplômes relatifs à l'histoire de France), t. 1, p. 256-259, n° 124.