Louis VI, roi de France, abandonne aux moines de Notre-Dame-des-Champs de Paris le cens de six sous qu'ils lui versaient chaque année à la saint Remi (1er octobre).

l.1 IN NOMINE SANCTE ET INDIVIDUE TRINITATIS,
l.2 in Christi nomine, ego Lucdovicus, Dei dispensante misericordia in regem Francorum sublimatus. Notum
l.3 fieri volo tam presentibus quam futuris quoniam presenciam nostram adiit donnus Willelmus de
l.4 Warlanda, fidelis noster, rogans ac obnixe deprecans quatinus, pro animarum patris mei et matris
l.5 mee predessorumque nostrorum remedio, sex solidos quos nobis unoquoque anno in festo beati Remigii
l.6 censualiter persolvebant monachi Beate Marie in Canpis, eidem ecclesie in perpetuum cundonaremus.
l.7 Cujus peticionem misericorditer amplexus, rememorans non solum quod teneo, quod possideo, verum etiam quod valeo
l.8 ex Dei solius misericordia habere et, quia ejus manus anplissima, ut idem in evangelio testatur, centuplum
l.9 retribuet, supradictum censum eidem eclesie dedi et cuncessi. Et ut hoc ratum et firmum permaneat
l.10 in sempiternum, presentem cartam nostri actoritate sigilli signatam et corroboratam fieri disposui, que
l.11 et hanc elemosinam nostram perfecte exponat et in munimentum stabilitatis perpetuo existat.
l.12 Erant tunc temporis in palacio nostro quorum nomina subtitulata sunt et signa. S. Anselli dapiferi. S. Hugonis cunstabularii.
l.13 S. Gisleberti buticularii. S. Widonis camerarii. Testes adfuerunt Burcardus, Frogerius, Nivardus.
l.14 Actum Parisius, in palacio nostro puplice, anno incarnati Verbi MoCoXVo, anno nostre cunsecracionis VIIo, primo anno
l.15 cunsecracionis Adelaidis regine.
l.16 [sceau] [monogramme].
l.17 Data per manum Stephani cancellarii.

TARDIF (Jules), Monuments historiques - Paris, 1866, (Archives de l'Empire. Inventaires et documents), p. 206-207, n° 361.

LASTEYRIE (Robert de), Cartulaire général de Paris, 1 vol., Paris, 1887, t. 1, p. 194-195, n° 170.

DUFOUR (Jean), Recueil des actes de Louis VI, roi de France : 1108-1137, Paris : De Boccard, 1992-1994, 4 vol. (Chartes et diplômes relatifs à l'histoire de France), t. 1, p. 217-219, n° 102.