Louis VI, roi de France, affranchit sa serve Sancilina, fille d'Aschon, et s'engage à ne pas remettre en cause sa liberté, au cas où elle épouserait un serf de Notre-Dame.

l.1 [croix] IN NOMINE SANCTȨ ET INDIVIDUȨ TRINITATIS, AMEN.
l.2 Quȩcumque in mundo fiunt, quia temporalem finem habent, vento
l.3 oblivionis facile delentur, nisi memoriȩ litterarum infigantur. Quapropter
l.4 ego Lugdovicus, Dei gracia, Francorum rex, notum facio presentibus
l.5 et futuris quoniam, ob remedium animȩ meȩ et pro requie animarum
l.6 nostrorum predecessorum, quandam ancillam nostram debite servitutis
l.7 nobis obnoxiam, nomine Sancilinam, Aschonis scilicet filiam, pretaxa-
l.8-te servitutis nexibus omnimode absolvimus, illam perpetue libertati
l.9 dantes, ut, quasi orta ingenuis parentibus, amodo habeat potesta-
l.10-tem et licentiam nubendi cui voluerit, etiam faciendi conjugium
l.11 cum homine Beatȩ MARIȨ nec propter hoc ex nostra parte recindatur
l.12 illius libertas, sed penitus quieta et, ut dictum est, in ȩternum
l.13 permaneat. Quod ut firmum et inconvulsum permaneat, notati-
l.14-one litterarum et sigilli nostri impressione confirmari precepimus.
l.15 Si quis vero deinceps hujus libertatis firmitati obviare temp-
l.16-taverit, quasi temerarius contemptor et reus nostrȩ majestatis
l.17 habeatur, irrita tamen et vacua calumpnia ejus.
l.18 Actum publice Parisius, anno incarnationis dominicȩ MoCoXIIIIo,
l.19 anno quoque regni nostri septimo. [croix] S. Lugdovici regis.
l.20 S. Anselli dapiferi. S. Hugonis constabularii. S. Gisleberti buticularii.
l.21 S. Guidonis camerarii. Presentes vero adfuerunt Guilelmus de
l.22 Garlanda, Gislebertus, frater ejus, Nivardus de Pissiaco, Tebertus, Gemardi filius,
l.23 Bartolomeus camerarius.
l.24 Data per manum Stephani cancellarii.
l.25 [sceau].

GUERARD (Benjamin), Cartulaire de Notre-Dame de Paris, 4 vol., Paris, 1850, t. 1, p. 449, n° 7.

LASTEYRIE (Robert de), Cartulaire général de Paris, 1 vol., Paris, 1887, t. 1, p. 191-192, n° 166.

DUFOUR (Jean), Recueil des actes de Louis VI, roi de France : 1108-1137, Paris : De Boccard, 1992-1994, 4 vol. (Chartes et diplômes relatifs à l'histoire de France), t. 1, p. 211-212, n° 97.