Foucaud, de Sens, passe un accord avec Bernier, doyen, et le chapitre cathédral de Paris au sujet des coutumes de la terre de Champigny.

l.1 IN CHRISTI NOMINE, ego Bernerus, decanus Sanctȩ Mariȩ Parisiensis ecclesiȩ, omnisque congregatio canonicorum, gratia memoriȩ tam presentium quam futurorum, scripsimus, quoniam,
l.2 cum disceptatio esset de terra de Campiniaco, quȩ nostra est, inter nos et Fulcaldum, Senonis, ante prȩsentiam domni Demberti, Senonensis
l.3 archiepiscopi, ad placitandum de supradicta terra convenimus. Ibi multis utrimque habitis rationibus, tandem placuit tam
l.4 nobis quam ipsi Fulcaldo, quatinus adquiesceremus his quȩ juraret Galterus, Burcardi filius, de supradicta terra, et de con-
l.5-suetudinibus quas in ipsa terra ipse Fulcaldus habere debet, ne amplius disceptatio sit inter nos et ipsum, de terra.
l.6 Statutum est autem ut sacramentum illud fieret apud Vernoum, in presentia nostra, et nostrorum hominum. Huic autem constitu-
l.7-tioni sacramenti predicti, fuit domnus Dembertus archiepiscopus, Stephanus prȩpositus, Ansellus archidiaconus, Girardus
l.8 archidiaconus, Galterus archidiaconus, Hugo precentor, Hilduinus noster concanonicus, Algerus, Havinus, Drogo,
l.9 Hescelinus, Hato capellanus. Laici etiam isti, ex parte nostra fuerunt: Manasses de Serginniaco, Galterus prepositus,
l.10 Hieronimus, Galterus Burcardi filius, Robertus miles, Godefridus noster major, Stephanus de Cellis. Ex parte
l.11 autem Fulcaldi fuerunt, Dembertus, Havinus, Wibertus de Campiniaco, Hugo frater ejus, Wido Revellus, Paganus
l.12 de Varennis, Hilduinus de Campellis. Cum autem a Senonis apud Vernoum convenissemus, pro sacramento supra-
l.13-dicto, disraciocinatum est primitus ab ipso supradicto Galtero, quid ipse juraret. Dixit autem quia
l.14 in manufirma nichil ipse Fulcaldus habere debet nisi minam avenȩ, pro salvatione, si hospes ibi
l.15 fuerit aut ad hospitalicium aliquis eam tenuerit. Si de hoc Fulcaldo injusticia fiat, faciet clamorem
l.16 ministro canonicorum Sanctȩ Mariȩ, et si ipse minister de hoc sibi justiciam facere noluerit, ipse Fulcaldus
l.17 sibi postea justiciam faciet. In terra de vineis Grimaldi et Nerberti, nichil prorsus habet ipse
l.18 Fulcaldus. In alia terra de Campiniaco, si hospes ibi fuerit, aut ad hospitalicium aliquis eam tenuerit,
l.19 de hospite vel de hospitalicio habebit Fulcaldus duos panes, et duos capones, et duas minas de
l.20 avena, et duos denarios. Et ubi ipse hoc capiet, canonici Sanctȩ Mariȩ capient IIIIor denarios
l.21 de censu, duos in festo sanctȩ Columbȩ, et duos in medio marcio. In ista etiam terra si latro captus
l.22 fuerit, erit Fulcaldi, et sanguis, et incendium, et justicia sua; et terraticum erit Sanctȩ Mariȩ
l.23 et decima inter sacerdotes de Vernoo et de Cellis. Ab ipsis etiam hospitibus, et ab eis qui terram ad
l.24 hospitalicium tenuerint, corveas et quadrigatum et taliones et demandationes habebimus, et ipse Fulcaldus.
l.25 Hanc autem terram dabit Fulcaldus aut minister ejus ad hospitalicium, aut ad laborandum, nec pro dono
l.26 aliquid habebit, nisi denarium, ad emendam denariatam vini. Si autem cupiditate majoris precii terram
l.27 dare noluerit, reddet canonicis Sanctȩ Mariȩ terraticum; fructum autem terrȩ habebit ille in
l.28 cujus hospitalicio erit, et fructus, qui non erit in hospitalicio, erit canonicorum Sanctȩ Mariȩ.
l.29 Et si latro ad fructum captus fuerit, erit Fulcaldi, et justiciam faciet. Hoc autem juravit ipse
l.30 Galterus, vidente et audiente Fulcaldo, et his qui nobiscum et qui cum eo erant apud Vernoum.
l.31 Ex parte Fulcaldi fuerunt: Wibertus, Garinus Rufus, Goifridus presbiter, Herbertus presbiter. De parte
l.32 nostra: Galterus prepositus, Alexander filius ejus, Robertus miles, Richerus, Haganus, Theodericus
l.33 Hagani filius, Paganus filius Elisabet, Herbertus, Godefridus major, Galterus decanus, Amalbertus decanus,
l.34 Fulco Senonensis, Hilo, Menardus Parisiensis, Teulfus, Giraldus, Willelmus, alter Giraldus, Henricus
l.35 filius Willelmi, Goifridus, Archenbaldus, Robertus cellarius, Odo, Hernaldus, et Petrus filii Roberti,
l.36 Isenbardus, Johannes de Rupe, Framenbertus, Rusellus filius Guidonis, Tebertus Restard, Garnerus car-
l.37-pentarius, Letericus filius ejus, Petrus furnerius, Odo carnifex, Goifridus filius Heltrudis, Euvrardus
l.38 pellitarius, Radulfus molendinarius, Herveus, Rainardus comes, Rainerus Tescelini, et Gar-
l.39-nerus frater ejus, Arnulfus, Frodo, Gerricus, Adelardus, Garnerus, Odo bubulcus, Belinus, Hernaldus,
l.40 Giraldus Berta, Hugo monacus, Durandus.