Jean, évêque de Thérouanne, donne à l'abbaye de Saint-Martin-des-Champs de Paris l'église de Frévent, à la prière d'Eustache III, comte de Boulogne, de sa femme Marie d'Écosse, et du chanoine Hugues de Ribemont.

l.1 Notum sit omnibus futuris et presentibus quod ego Johannes gratia Dei Tarvanensis episcopus, pro amore Dei et sanctorum apostolorum Petri et Pauli,
l.2 ȩcclesiam de Frevenz ex integro dedi monasterio Sancti Martini de Campis, in manu scilicet domni Pontii, Cluni-
l.3-acensis abbatis, presentibus quibusdam suis monachis, quibusdam etiam clericis nostris, salva subjectione et obȩdientia
l.4 quam predicta ȩcclesia debet mihi et ȩcclesiȩ Tarvanensi, salvis quoque reditibus consuetudinariis. Hoc autem feci rogatu Eusta-
l.5-chii, comitis Boloniȩ et Mariȩ uxoris ejus, rogatu etiam Hugonis Ribomontensis, canonici nostri, qui ipsam ȩcclesiam
l.6 tenebat, et assertione ac favore clericorum nostrorum. Factum publice apud Sanctum Michahelem de Wasto, anno dominicȩ
l.7 incarnationis MCXII, regnante Lodovico rege Francorum.