Louis VI, roi de France, confirme à l'abbaye de Saint-Martin-des-Champs de Paris toutes les donations de biens et de privilèges qui lui ont été faites par ses prédécesseurs et par tout baron, clerc ou laïque.

l.1 In nomine sanctissime et individue Trinitatis. Ego LUDOVICUS, Dei gratia, Francorum rex. Quia cuncta quȩ mundo
l.2 fiunt nisi cyrografi memoria recensentur, vel fere vel penitus humanȩ levitatis incuria ad nichilum deduci
l.3 cognoscuntur, dignum ac valde necessarium ducimus ut universa memoriȩ digna et ea precipue que nobis ipsis
l.4 catholicȩ thesaurizamus, providentes in posterum ne poenitus oblivioni tradantur vel alicujus usurpatoris invidia
l.5 infirmari vel irrita fieri valeant, litterarum memoriȩ commendemus.
l.6 Universis igitur sanctȩ Dei ȩcclesiȩ cultoribus, tam posteris quam et presentibus, notum fieri ac certum haberi volumus quia
l.7 ista quȩ subscripta sunt, quȩ predecessores nostri Francorum reges, de morte animȩ meditantes, Deo et Beato
l.8 Martino de Campis caritative tribuentes tradiderunt, ipsam videlicet in primis Beati Martini de Campis
l.9 ȩcclesiam cum terris quȩ circa eandem ȩcclesiam habentur, immo cum theloneis et fredis et justitiis earundem terra-
l.10-rum, preterea Parisius unum molendinum, terram Haubertivillaris, Noisiacum villam cum omnibus redditibus terrȩ
l.11 tam silve quam vinearum et pratorum, Anetum villam cum omnibus redditibus terrȩ tam in silvis quam in vineis et pratis,
l.12 omnem decimam pastionis Leigii et Bierie, Bunzeias cum omnibus redditibus libere adjacentibus, altare Hienville
l.13 et Nove ville, in territorio Laudunensi Disiacum villam, quȩ fratribus monachis inibi Deo militantibus donaverunt,
l.14 ipsis viam universȩ carnis ingressis, perpetualiter possidenda concessimus et habenda. Gordum etiam piscium apud
l.15 Pissiacum in Sequana quem, dum adviverent, non dederunt, nos in diademate regni viventes, prefate ȩcclesiȩ Beati Martini
l.16 perpetuo possidendum donavimus. Preterea cuncta beneficia, cunctas videlicet terras cum cȩteris possessionibus quas
l.17 cȩteri barones in [to]to regno nostro tam clerici quam laici prenominatȩ Beati Martini ȩcclesiȩ in remedio animarum
l.18 suarum donave[runt] more regio cum suprascriptis confirmantes, nostri nominis karactere et sigillo signari et
l.19 corroborari precepimus. Viventibus et in palatio nostro degentibus, quorum nomina subtitulata sunt et signa.
l.20 S. Anselli, tunc temporis dapiferi nostri. S. Hugonis, constabularii nostri. S. Widonis, buticularii nostri. S. Widonis, ca-
l.21-merarii nostri.
l.22 Actum Parisius in palatio publice, anno [monogramme] incarnati Verbi MCXI, anno vero con-
l.23-secrationis nostrȩ IIIo.
l.24 Stephanus cancellarius relegendo subscripsit.
l.25 [sceau].

LASTEYRIE (Robert de), Cartulaire général de Paris, 1 vol., Paris, 1887, t. 1, p. 182-183, n° 158.

DEPOIN (Joseph), Recueil des chartes et documents de Saint-Martin-des-Champs, Ligugé-Paris, 1912 (Archives de la France monastique, 13), t. 1, p. 220-222, n° 140.

DUFOUR (Jean), Recueil des actes de Louis VI, roi de France : 1108-1137, Paris : De Boccard, 1992-1994, 4 vol. (Chartes et diplômes relatifs à l'histoire de France), t. 1, p. 112-115, n° 55.