Louis VI, roi de France, abolit une coutume contraire aux canons et dispense les chanoines de Sainte-Geneviève de Paris, impliqués dans toute cause judiciaire, de venir à la cour du roi ; désormais ils seront jugés dans leur chapitre en présence du roi ou de son envoyé ; seul le doyen continuera à répondre devant la cour royale pour toute affaire le concernant personnellement. L'acte est confirmé à Melun le 12 mars 1111 par les évêques qui le souscrivent.

l.1 [croix] IN NOMINE UNIUS ET INDIVIDUE TRINITATIS. Catholici regis multimoda pietate orthodoxe religionis cultores canonici
l.2 benigniter sunt consolandi, et a seculari exactione penitus liberandi, quatinus ad orationum instantiam, pro pace et stabilitate imperii christiani, devoti reddantur et
l.3 quieti. Unde ego, Dei gratia Francorum rex, Ludovicus, universis ecclesiȩ filiis notificari volumus, quia cujusdam antecessoriȩ consuedinis inquietudinem, ministris Dei
l.4 canonicis valde onerosam, in tabernaculo Dei, super altare apostolorum P[etri] et P[auli] et Sanctȩ GENOVEFE virginis linquentes et deponentes, sacrificamus, quatinus Deum misericordem ipsosque Dei
l.5 apostolos nostris excessibus propitios in tempore necessitatis habeamus. Erat igitur consuetudo, in tempore regum preterito, quod prelibate aecclesiȩ canonici veniebant ad curiam regis, de qualibet
l.6 causa, accusatione et querela responsuri, judicio tamen ejusdem ecclesiȩ decani et canonicorum solummodo judicandi. Hanc itaque consuetudinem sacris institutis contrariam, pro anima patris
l.7 mei, piȩ memoriȩ, Philippi, et rogatu cujusdam familiaris nostri, donni videlicet Stephani, ejusdem ȩcclesiȩ tunc decani, omnino imperpetuum dimisimus; et predictos canonicos, tam
l.8 presentes quam futuros, hac precepti regii prerogativa honestamus, ut ab hodierno nullus, neque precentor, neque canonici, de qualibet culpa vel clamore accusati, de ecclesia vel eorum capitulo
l.9 exeant, sed regi vel regio legato, in capitulo justa sacra instituta respondeant, et singuli accusati decanum et universos canonicos, secundum justas ecclesiȩ traditiones, consili-
l.10-arios habeant et judices, et in eorum judicio justa permittatur discretio. Solus vero decanus, de proprio commisso personaliter accusatus, juxta morem predecessorum, ad curiam regis presentetur; de commu-
l.11-ni vero negotio, sicut ceteri canonici, audiatur in capitulo. Quod ne regium preceptum aliquo, quod absit, usupatore valeat infirmari, nostri nominis karactere et sigillo signari
l.12 et corroborari precepimus, presentibus de palatio nostro; quorum nomina subtitulata sunt et signa.
l.13 S. Anselli de Guarlanda, tunc temporis dapiferi nostri. S. Hugonis, constabularii nostri. S. Widonis, buticularii nostri.
l.14 S. Widonis, camerarii nostri. [monogramme].
l.15 Actum publice Parisius in palatio nostro, anno incarnati Verbi MCXI, anno vero consecrationis nostrȩ III.
l.16 STEPHANUS CANCELLARIUS RELEGENDO SUBSCRIPSI.
l.17 Signum Denberti, Senonensis archiepiscopi. S. Walonis, Parisiensis episcopi. S. Johannis, Aurelianensis episcopi. S. Ivonis, Carnotensis episcopi.
l.18 Firmatum Meleduni, sub anathemate predictorum episcoporum, IIIIto IDUS martii, in festo sancti Gregorii.
l.19 [sceau].

LASTEYRIE (Robert de), Cartulaire général de Paris, 1 vol., Paris, 1887, t. 1, p. 181-182, n° 157.

DUFOUR (Jean), Recueil des actes de Louis VI, roi de France : 1108-1137, Paris : De Boccard, 1992-1994, 4 vol. (Chartes et diplômes relatifs à l'histoire de France), t. 1, p. 100-102, n° 50.