Renaud, archevêque de Reims, à la prière d'Adalbéron, abbé de Saint-Vincent de Laon, et avec le consentement de Hugues, comte de Rethel, concède l'église d'Omont à l'abbaye Saint-Vincent de Laon.

l.1 IN NOMINE SANCTȨ ET INDIVIDUȨ TRINITATIS, PATRIS ET FILII, ET SPIRITUS SANCTI.
l.2 Quanta patrum prȩcedentium liberalitatis munificentia erga Dei ȩcclesias exstiterit recolentes, quam saluberrimum quȩ minus suppetere videbantur
l.3 supplevisse, et servorum Dei usibus erogare crediderint, quȩ centuplicato fȩnore et vitȩ aeternȩ possessione recompensanda, fide indubitata, et
l.4 spe tenebant permanentissima liquido perpendentes, tantorum virorum imitatores fieri, et aliquantisper pro modulo nostro informari exoptavimus,
l.5 et inter cȩteras quȩ antecessorum donis, et nostra partim munificentia feliciter excrevisse comprobantur, ȩcclesiam Sancti Vincentii de Lauduno
l.6 nostrȩ liberalitatis omnino exortem relinquere inconsultum putavimus. Quocirca prefatȩ ȩcclesiȩ ad peticionem domni Adalberonis,
l.7 abbatis, fratrumque ibidem sub Christi tyrocinio degentium, quod in ȩcclesia de Altomonte nostrum fuerat, totius terreni quȩstus abacta procul ambitione,
l.8 pro nostra, nostrorumque antecessorum successorumque salute, perpetualiter et absque personarum successione tenendum concessimus. Ac ut eandem ȩcclesiam, per canonicorum ibidem
l.9 prius habitantium incuriam, rebus suis interius exteriusque spoliatam ac pene adnullatam, comes HUGO, sub cujus ipsa ditione tenebatur, jam predicti martyris ȩcclesiȩ contraderet,
l.10 assiduis et indefessis precibus obtinuimus. Visum itaque nostrȩ est discretioni sub hac conventionis ratione, hanc a nostra manu debere emancipari ȩcclesiam, quatinus domnus abbas
l.11 monachum quem eidem priorem deputaret in nostram adduceret presentiam, Remensi ȩcclesiȩ, ac nobis, nostrisque successoribus quamdiu ibi esset, subjectionem et obedientiam promissurum, et
l.12 si forte aliqua in eadem ȩcclesia quȩ nostrȩ referenda essent audientiȩ acciderent, quȩ judicii nostri examine pensenda viderentur super omnibus responsurum.
l.13 Denique et hoc additum firmiterque adnexum fuit, quatinus in eadem ȩcclesia presbiter substitueretur, qui et synodis nostris interesset, et archidiacono et decano,
l.14 exactiones, collationes, cȩterasque consuetudines redderet. Signum domni Rainoldi archiepiscopi. Signum domni Elinandi Laudunensium episcopi. Signum Henrici
l.15 abbatis Sancti Remigii. Signum Nocheri abbatis Autovillarensis. Signum Burchardi abbatis Sancti Basoli. Signum Radulfi abbatis Sancti Teoderici. Signum Rogeri archi-
l.16-diaconi. Signum Manassȩ prepositi. Signum Leuvini decani. Signum Richeri cantoris. Signum Mainardi, Ascelini, et Johannis presbiterorum. Signum Guidonis, Walteri, et Radulfi diaconorum.
l.17 Signum Fulconis, Lamberti, et Odalrici subdiaconorum. Actum Remis [anno] incarnati Verbi millesimo XCVo, ind[ictione IIIa],
l.18 regnante Philippo Francorum rege anno XXXoIIIo, archiepiscopatus autem domni Rainoldi anno XIIo. Radulfus cancellarius
l.19 [...10...]sit et subscripsit.