Helgaud, évêque de Soissons, concède aux chanoines de Sainte-Geneviève de Paris les autels de Sainte-Geneviève à Marizy et de Saint-Vaast près de La Ferté-Milon, moyennant cinq sous de rente.

l.1 In nomine sanctȩ et individuȩ Trinitatis. Ego Hilgotus, Dei gratia Suessionensis ȩcclesiȩ episcopus, omnibus sanctȩ matris ȩcclesiȩ fidelibus
l.2 tam futuris quam prȩsentibus, cognitum fieri volo, quoniam Sevuinus, Sanctȩ Genovefȩ decanus, cum
l.3 cȩteris fratribus nostram adiit prȩsentiam, prece supplici orans atque postulans, quatinus predictȩ ȩcclesiȩ
l.4 fratribus duo altaria in episcopio nostro, unum in villa Marisiaca situm, in honore sanctȩ Genovefȩ virgi-
l.5-nis dedicatum, aliud vero beato Vedasto consecratum, juxta Firmitatem super Urcam fluvium,
l.6 sub precepti testamento in perpetuo concederemus habenda. Quorum petitionibus satis volens
l.7 facere, atque utilitati ȩcclesiȩ beatȩ Genovefȩ, cujus alumnus et decanus extiteram, totis caritatis
l.8 visceribus praevidens, ea altaria beati Gervasii canonicis, quibus pastorali dignitate prȩeram,
l.9 et ejusdem ȩcclesiȩ decano quicumque sit in personatico habenda, ex consensu Hugonis
l.10 prȩscriptorum altarium archidiaconi, et Gotberti eorumdem archipresbiteri, tali dedi ratione, ut
l.11 canonici prȩdictȩ sanctȩ Genovefȩ virginis illa duo altaria ab illis imperpetuum habeant,
l.12 ita ut unoquoque anno, in festivitate sancti Gervasii, V solidos prȩter ullam aliam exactionem
l.13 persolvant, excepto quod ex jure debito sinodus et circada persolvantur. Quod si hunc censum in
l.14 constituto termino aliqua interveniente occasione solvere distulerint, infra XL dies, lege duorum
l.15 solidorum reddant censum prȩscriptum, et altaria quiete et cum omni tranquillitate semper, ut dictum
l.16 est, habeant. Et ut hoc nostrum preceptum firmiorem in futurum obtineat vigorem manu propria firma-
l.17-vimus, nostris quoque fidelibus tam clericis quam laicis corroborandum dedimus. Quod si quis succedentium
l.18 quocumque modo quod hic firmavimus infirmare voluerit, quod minime credimus, maledictionem incurrat
l.19 perpetuam, et ejus qualiscumque calumpnia infructuosa permaneat. [colonne1] [croix] Signum Helgoti episcopi. [croix] Signum Lisiardi prepositi. [croix] S. Ingelranni archidiaconi. S. Hugonis [horum al]tarium archidiaconi. S. Hugonis prȩcentoris. S. Hugonis presbiteri. S. Gualteri presbiteri. S. Hilduini presbiteri. S. Guidonis diaconi. S. Bonardi diaconi. S. Rainardi diaconi. S. Erchenaldi diaconi. S. Petri diaconi. [colonne2] S. Fulchonis archidiaconi atque thesaurarii. S. Hugonis archidiaconi. S. Adȩ sacerdotis. S. Petri Remensis. S. Rotberti scolastici. S. Guarneri subcentoris. S. Johannis subdiaconi. S. Odonis subdiaconi. S. Ivonis subdiaconi. S. Rotberti Ansch[er] subdiaconi. S. Leonis subdiaconi. S. Gualteri subdiaconi. S. Berneri sacerdotis. S. Anselli subdiaconi. S. Adȩ subdiaconi. S. Rotberti subdiaconi. [colonne3] S. Godefridi militis atque casati. S. Guillelmi militis atque casati. S. Maineri militis. S. Hescelini dapiferis. S. Godefridi militis. S. Giraldi militis. S. Rainaldi militis et casati. S. Gualcheri. S. Leterici militis et casati. S. Hatonis. S. Guidonis militis. [S. Hu]gonis militis et casati. [sceau].
l.20 [croix] Ranaldus cancellarius et decanus scripsit et subscripsit, anno incarnationis dominicȩ MLXXXV,
l.21 regnante PHYLIPPO REGE anno XXV, indictione VIII, epacta XXII, concurrente II,
l.22 domno Rainaldo Remensi archiepiscopo anno I, domno Hilgoto Suessionensi episcopo similiter ann[o I].