Philippe I^er, à la demande d'Isembard, abbé de Saint-Germain-des-Prés, confirme l'abandon fait à la suite d'un jugement de la cour du roi par Hugues Estevel, chevalier, et sa femme des droits d'avouerie qu'ils prétendaient exercer sur la terre de de Saint-Germain-des Prés à Dammartin.

l.1 IN NOMINE REGIS AETERNI [PHYLIPPUS, DEI GRATIA FRANCORUM REX].
l.2 Regali excellentiȩ procurandum est ac satagendum ut jura ecclesiastica, quȩ male ab iniquis [implicita] sunt vel usurpata, sua
l.3 auctoritate restituat absoluta et libera, regia siquidem potestas ȩcclesiȩ bona debet tuendo servare et servando tueri, quoniam non est
l.4 expers remuneratio devote tuentis a fructibus superni largitoris. Unde significamus noticiȩ tam prȩsentium quam futurorum,
l.5 videlicet fidelium nostrorum, quod, cum die epyphaniorum resideremus Pissiacensis castri palatio, unacum proceribus nostris, advenit abbas
l.6 coenobii Sancti Germani, Isembardus nomine, unacum quibusdam fratribus prȩdicti loci, conquerens de quodam nostro milite, Hugone nomi-
l.7-ne, agnomento Stavello, ejusque conjuge, qui quandam advocationem proclamabant in quadam possessione sancti Germani quȩ nuncupa-
l.8-tur Domnus Martinus et in villulis ad ipsam possessionem pertinentibus; quam etiam advocationem dederant cuidam militi nomi-
l.9-ne Henrico, et hac causa eadem possessio pene ad nihilum redacta fuerat. Qui videlicet Hugo ante nostram cum sua conjuge evocatus
l.10 prȩsentiam, jusque suum quod putabat in ipsa advocatione habere ex parte scilicet suȩ uxoris prosequens, juditio nostro ac procerum nostrorum sibi
l.11 refragante, quod injuste usurpaverat, annuens juditio nostrȩ curiȩ dimisit, et quod deinceps nec ipse vel uxor sua vel quilibet heredum suorum in
l.12 prȩdicta possessione domni videlicet Martini vel in villulis ad ipsam possessionem pertinentibus reclamarent quicquam promisit. Quam ejus vel
l.13 uxoris seu suorum ex hac advocatione dimissionem, orante prȩdicto abbate unacum monachis, privilegio nostrȩ auctoritatis seu nostrȩ
l.14 majestatis sigillo firmavimus coram nostris infrascriptis proceribus. Si quis vero, quod minime credimus, hoc violare vel contradicere
l.15 prȩsumpserit, eliminatus a consortio omnium Christi fidelium cum Dathan et Abiron ac Juda traditore igni perpetuo tradatur, insuperque fisco
l.16 nostro trecentas auri libras persolvere cogatur, et quod repetit minime assequatur.
l.17 Signum PHYLIPPI, REGIS FRANCORUM [croix]. Signum Herberti militis.
l.18 Signum Richerii, Senonensium archiprȩsulis [croix]. Signum Gualterii Postelli.
l.19 Signum Gausfredi, Parisiorum presulis [croix]. Signum Azonis cubicularii.
l.20 Signum Ursonis, Silvanectensium episcopi. Signum Hugonis, filii Giraldi, militis.
l.21 Signum Gualterii, Meldensium episcopi. [monogramme]. Signum Rogerii, fratris ejus, militis.
l.22 Signum Hugonis Crispeii comitis. Signum Gausfredi Ridelli militis.
l.23 Signum Rotberti, Mellensium comitis. Signum Gozmari cubicularii.
l.24 Signum Odonis, Campaniȩ comitis.
l.25 Signum Guarini Ridelli militis.
l.26 Signum Symonis de Neelfio, militis. [sceau].
l.27 Signum Amalrici de Ponte Isare, militis.
l.28 Signum Rotberti de Castello, militis.
l.29 ACTUM PISSIACO CASTRO, ANNO VERBI INCARNATI MILLESIMO LXXXmoII, REGNANTE PHYLIPPO REGE ANNO XXIII.
l.30 Gislebertus clericus, nutu Gausfredi, Parisiorum episcopi necnon etiam cancellarii, subscripsit.
l.31 Data mense januario die sexto, indictione quinta.

PROU (M.), Recueil des actes de Philippe I^er, roi de France (1059-1108), Paris, 1908 (Chartes et diplômes relatifs à l'Histoire de France), p. 270-272, n° 106.

POUPARDIN (René), Recueil des chartes de l'abbaye de Saint-Germain-des-Prés, des origines au début du XIIIe siècle, tome 1 : 558-1182, Paris, Champion, 1909, t. 1, p. 112-114, n° 69.