Robert [Ier], roi des Francs, à la prière d'Adraldus, abbé de Saint-Germain-des-Prés, obtient du comte Drogon qu'il renonce aux mauvaises coutumes qu'il prétendait avoir à Dammartin et sur les terres et les manses qui y étaient attachés et lui concède les terres qu'il tenait en fief, comme avoué de l'abbaye de Saint-Germain-des-Prés.

l.1 [chrisme] IN NOMINE SANCTAE ET INDIVIDUAE TRINITATIS, EGO ROTBERTUS, REX.
l.2 Regiȩ dignitatis et amplitudinis statum decet ut quicquid in rebus ȩcclesiastici juris perspexerit aliqua difficultate implicatum seu cuilibet occupatione obnoxium,
l.3 sua auctoritate reddat liberum et absolutum. Regalis siquidem potestas largita ȩcclesiis bona debet servando defendere et defendendo servare,
l.4 quoniam nec expers credenda est remuneratio devote custodientis a fructibus liberalis largitoris. Inde noverit tam presentium quam futurorum fidelium nostrorum
l.5 universitas quod quidam noster comes, Drogo nomine, sub advocationis jure quasdam terras de abbatia Sancti Vincentii et Sancti Germani
l.6 tenebat in beneficio, scilicet Neelphytam, Fermerii Curtem, Lovanniolas, Domerii Montem, ad quas pater et antecessores sui addiderant multas et injustas consuetudines
l.7 in villa quae dicitur Domni Martini, cum omnibus sibi adjacentibus terris et masnilibus, scilicet in Liricurte, in Lentivilla, in Suumcurte, in Genestvilla, in Badamrete, in Spicarias, in Valle,
l.8 in Aumasa, in Loputeo, in Mirebello, in Glatiniaco, in Cantamerlo, in Lauvuanias, in Trullo, in Bikerello, quarum terrarum injuriosas exactiones nostri beneficii tuebatur auctoritate et occasione.
l.9 Quarum injuriarum molestiis supercrescentibus ultra quam tolerabile est ferre humanos animos, nostram adiit presentiam, Adraldus abbas, qui tunc regiminis prefati monasterii gerebat
l.10 curam, cum monachis secum Deo servientibus lacrimosas deponens querimonias et clamores acerrimos super tantarum molestiarum injuriis, petens ut censura nostri judicii,
l.11 qui auctor injuste accusabar ipsarum molestiarum monasterio cui preerat inlatarum, cessare facerem quicquid injuste in prenominatis terris sancti Vincentii et domni Germani
l.12 agebatur, et a prenominato comite nostro contra legem usurpabatur. Quapropter nostrȩ sublimitatis placuit serenitati ut patrocinium, quo injuria, quae inlata tandiu monachis predicti
l.13 loci in Parisiacensi suburbio siti muniebatur et defendebatur, pro honore et reverentia loci dissolveremus. Cujus rei causa, adhibitis predicto Drogone, cum duobus fratribus, Fulcone
l.14 videlicet et Rodulfo, necnon uxore, cum filiis supramemorati Drogonis, omnibus ascitis ad quos ejusdem beneficii pertinebat successio, predictas consuetudines, quas injuste
l.15 omnes exigebat, nobis et conjugi nostrae dilectissimȩ Constantiȩ, necnon et filio nostro Henrico jam regi constituto reddidit et redditionem sacramentorum obligatione firmavit, cum suis
l.16 exceptis quattuor villis, scilicet Neelphytam, Firmerii Curtem, Lovanniolas, Domerii Montem, quas ei concedimus jure beneficii, ea tamen conditione ut numquam amplius aliquam consuetudinem
l.17 accipiat, vel exigat in villa Domni Martini, nec in aliquibus ad eam pertinentibus terris. Has conventiones consuetudinum nobis redditas predicto coenobio tradidimus perpetualiter habendas,
l.18 et precepti nostri auctoritate jubemus esse ratas, necnon sigilli nostri impressione signatas.
l.19 Actum publice Pisciacensi palatio, anno incarnati Verbi millesimo XXXmo regnante rege Rotberto XXXoVIIIIo.
l.20 Balduinus cancellarius scripsit et subscripsit.
l.21 Signum Rotberti [monogramme] gloriosissimi regis [sceau].

TARDIF (Jules), Monuments historiques - Paris, 1866, (Archives de l'Empire. Inventaires et documents), p. 163-164, n° 260.

PFISTER (Christian), Etudes sur le règne de Robert le Pieux (996-1031), Paris, 1885, n° 90.

POUPARDIN (René), Recueil des chartes de l'abbaye de Saint-Germain-des-Prés, des origines au début du XIIIe siècle, tome 1 : 558-1182, Paris, Champion, 1909, t. 1, p. 82-84, n° 52.

NEWMAN (William Mendel), Catalogue des actes de Robert II, roi de France, Paris : Librairie du Recueil Sirey, 1937, p. 105-106, n° 85.