Macaire, évêque de Meaux, concède aux chanoines de la cathédrale de Paris, à la prière de l'évêque Renaud, la possession des autels de Rozoy et de Moret.

l.1 IN NOMINE SANCTE ET INDIVIDUAE TRINITATIS. EGO MACHARIUS, SANCTE MELDENSIS AECLESIAE, NON MEIS EXIGENTIBUS
l.2 meritis, sed divina miseratione predestinatus pontifex, notum fieri volo omnibus sanctȩ Dei aeclesiae fidelibus, tam
l.3 futuris quam aetiam presentibus, quia nostram presentiam convenit domnus et in officii munere socius, pontifex Rainaldus
l.4 cum Alberico decano et ceteris Sanctȩ Mariae senioribus mihi in canonicatu confratribus, petens et postulans ut Sanctȩ Mariae canonicis
l.5 duo altaria sub precepti testamento in perpetuum habenda in nostro episcopatu concederemus, unum videlicet in loco qui dicitur
l.6 Rosetum, in honore sanctȩ Mariȩ dicatum, alterum apud Moretum, in honore sancti Petri pretitulatum. Quorum petitioni aurem favoris accommodans, per deprecationem Fulconis,
l.7 archidiaconi nostri, et Gisonis, vice Lisiardi archidiaconi in archidiaconatu residentis, et per assensum cleri nostri reliquorumque fidelium, eis predicta altaria contulimus
l.8 perpetuo possidenda, ita ut circada et sinodus jure debito persolvatur. Et ut hȩc precepti assertio per cuncta tempora rata permaneat, manu propria subter firmavimus,
l.9 fidelibusque nostris clericis et laicis roborandam dedimus, sanctȩque sinodo aetiam ad firmandum offerendam decrevimus. Quod si quis succedentium,
l.10 quod futurum non credimus, hoc dampnare temptaverit, aeternȩ malecdictioni mancipatus, cum Dathan et Abiron, Simone et Juda, cunsortium mereatur,
l.11 nec sui voti conpos existat alicubi. Actum Meldis publice sub die VItoXmo kalendas februarii, regnante Rotberto rege,
l.12 anno II episcopatus nostri. Signum Fulchonis archidiaconi. Signum Gisonis. Signum Warnerii decani.
l.13 [croix] Signum Macharii presulis. Signum Walterii. Signum Bernardi sacerdotis. Signum item Bernardi sacerdotis. Signum item Bernardi sacerdotis.
l.14 Signum Helmoini sacerdotis. Signum Haganonis sacerdotis. Signum Hadeberti sacerdotis. Signum Gisloldi sacerdotis. Signum Gosberti sacerdotis. Signum Rogrimi sacerdotis.
l.15 Signum Arnulfi diaconi. Signum Bernardi diaconi. Signum Rogeri diaconi. Signum Odonis diaconi. Signum Richardi diaconi.
l.16 Signum Johannis diaconi. Signum Roberti diaconi. Signum Ivonis. Signum Stephani. Signum Alcheri archipresbiteri et eunuchi.
l.17 Hoc preceptum Walterus episcopus, Imberti presulis peticionibus, in Meldensi refectorio firmavit, cum Hugone decano et ceteris fratribus, necnon etiam aliis suis fidelibus.
l.18 [chrisme] SIGNUM HENRICI CANCELLARII.