Robert [Ier], roi des Francs, confirme la donation de l'alleu d'Evry, situé près de Corbeil, faite à l'abbaye de Saint-Maur-des-Fossés par Ermenfrid, chevalier, et Ermesinde, sa femme, et de la villa voisine de Lisses donnée par le comte Bouchard.

l.1 [chrisme] IN NOMINE SANCTAE ET INDIVIDUAE TRINITATIS, RODBERTUS, DIVINA PROPICIANTE CLEMENTIA FRANCHORUM REX. SI ERGA LOCA DIVINIS CULTIBUS MANCIPATA
l.2 propter amorem Dei eorumque in eisdem locis famulantium beneficia oportuna largimur, praemia nobis apud Dominum aeternae remunerationis rependi non diffidimus. Idcirco noverit sagacitas seu industria omnium nostrorum fidelium tam praesentium quam
l.3 et futurorum quia miles quidam noster, nomine Ermenfredus, et uxor sua, nomine Ermensendis, nostram adierunt serenitatem, humiliter petentes, quatinus res eorum, quas in pago Parisiaco sitas, super fluvium Sequanae, habebant, scilicet alodum, nomine
l.4 Ayvreum, ab oppido Corbolii distantem miliariis duobus, cum aecclesia et vicaria et advocacione, cum silvis, vineis, pratis, aquis, terris, cultis et incultis ad eundem pertinentibus, monasterio Fossatensi, quod est dedicatum in honore beatae Dei genitri-
l.5-cis MARIAE et beatorum apostolorum Petri et Pauli seu beati Mauri patris Benedicti discipuli, qui in eodem loco requiescit et abbati ejusdem loci nomine Teutoni, et fratribus ibidem Deo militantibus, pro aeternae remuneratione vitae, et pro
l.6 animarum suorum sive Gelonis atque parentum eorum absolutione tradiderunt, auctoritatis nostrae praecepto, concedere et confirmare dignaremur. Similiter pecierunt obsecrantes, ut roboraretur nostro regali munimine donatio de villa in eodem
l.7 pago sita, quae vocatur Licias, prope jamdictum alodum miliariis duobus, quam de beneficio Burchardi comitis et filii ejus honore pontificali precluenti Rainaldi tenent, quorum consensu et voluntate hoc donationis praeceptum contulerunt,
l.8 suggerentibus itaque ac intervenientibus dilectis nostris, videlicet dulcissima genetrice nostrae Adelaide atque conjuge nostra Berta, nos precibus eorum libentissime faventes, superius inserta, jamdicto monasterio, munificentiae nostrae precepto
l.9 confirmamus, per quod jubentes firmiter autorizamus, ut ambobus ab hac luce migrantibus, Ermenfredo videlicet conjugeque ejus, predicto in coenobio regi militantes superno, villas jam superius nominatas, cum aecclesia et advocacionibus et cum
l.10 his quae ad ipsas respiciunt, absque ulla contradictione vel aliqua vicariorum potestate, perpetuo teneant atque possideant. Quapropter precipimus ut nullus rex, nullus episcopus, nullus comes, sive qualisbet potestas, illas res jam superius
l.11 nominatas disponere aut in sua potestate quicquam horum decernere vel delegere prȩsumat, sed in perpetua soliditate consistens per cuncta aevi tempora inviolabilem obtineat firmitatis vigorem, manu propria subter firmavimus
l.12 et sigilli nostri inpressione insigniri jussimus.
l.13 FRANCO CANCELLARIUS SCRIPSIT. SIGNUM RODBERTI GLORIOSISSIMI [monogramme] REGIS.
l.14 Data VII kalendas NOVEMBRIS, indictione XII, anno XII regnante Rodberto rege glorioso. Acta publice Parisiaca urbe, anno incarnati Verbi millesimo [sceau].

Recueil des historiens des Gaules et de la France (Bouquet, RHF), Paris, 1737-1904, 24 vol. in folio, t. 10, p. 577.

TARDIF (Jules), Monuments historiques - Paris, 1866, (Archives de l'Empire. Inventaires et documents), p. 152, n° 242.

PFISTER (Christian), Etudes sur le règne de Robert le Pieux (996-1031), Paris, 1885, n° 18.

NEWMAN (William Mendel), Catalogue des actes de Robert II, roi de France, Paris : Librairie du Recueil Sirey, 1937, p. 14-15, n° 13.

BOUSSARD (Jacques), µActes royaux et pontificaux des X° et XI° siècles du chartrier de Saint-Maur-des-Fossés, in Journal des Savantsµ, 1972, p. 81-109, p. 95-96.