Robert [Ier], roi des Francs, confirme à l'abbaye de Saint-Maur-des-Fossés les donations de biens situés à Neuilly, Noisy, Lisses, Courcy et Sceaux, faites par le comte Bouchard et Renaud, évêque de Paris.

l.1 [chrisme] IN NOMINE SANCTAE ET INDIVIDUAE TRINITATIS, RODBERTUS, DIVINA PROPITIANTE CLEMENTIA FRANCHORUM REX. SI ERGA LOCA DIVINIS EX CULTIBUS MANCIPATA, PROPTER AMOREM DEI
l.2 eorumque in eisdem locis famulantium, beneficia oportuna largimur, praemium nobis apud Dominum aeternae remunerationis rependi non diffidimus. Idcirco noverit sagacitas seu industria omnium nostrorum fidelium tam praesentium quam et futurorum quia quidam vene-
l.3-rabilis sanctae Parisiacensis aecclesiae episcopus, nomine Rainoldus, et pater ejus, Deo amabilis comes, nomine Burchardus, adierunt serenitatem nostram, humiliter petentes quatinus res de beneficiis eorum quas monasterio Fossatensi, quod est dedicatum in honore beatissime virginis Mariae et beato-
l.4-rum apostolorum Petri et Pauli seu beati Mauri, patris Benedicti discipuli, qui in eodem loco requiescit, contulerunt et abbati ejusdem loci, nomine Teutoni, et fratribus ibidem Deo militantibus, pro aeternae remuneratione vitae et pro animarum suarum absolutione et animae
l.5 Helisabeth comitissȩ, tradiderunt, auctoritatis nostrae precepto concedere et confirmare dignaremur, suggerentibus itaque ac intervenientibus dilectis nostris videlicet dulcissima genetrice nostra Adelaide atque conjuge nostra Berta, nos, precibus eorum libentissime faventes,
l.6 tradicionem abbati seu reliquis monachis prefatae aecclesiae, munificentiae nostrae precepto confirmamus, per quod precipimus atque jubemus, ut, ab hodierna die ac deinces, predictus abba aliique monachi prȩfati monasterii illas res quae sunt in pago Parisiacensi libere possideant,
l.7 villam videlicet quae vocatur Nobiliacus, cum advocatione et vicaria, cum aecclesia et altare, absque sinodo et circada, cum silvis, vineis, pratis, terris cultis et incultis, et cum omnibus suis apendiciis; item in eodem pago, aecclesiam quae sita est in vico qui Nosiacus dicitur, per deprecationem
l.8 Goscelini vicecomitis Milidunensis, tradiderunt, qui eam de illorum tenebat beneficio; item in eodem pago, in villa quae vocatur Licias, mansum Algardis cum vineis, terris cultis et incultis, et omnibus ad illum pertinentibus; et in comitatu Milidunensi, alodum unum
l.9 qui vocatur Curciacus, cum advocatione et vicaria, cum pratis, terris cultis et incultis, et cum his quae ad ipsum respiciunt; et in Vuastinensi pago, alium alodum qui nuncupatur Seia, cum advocatione et aecclesia et aqua cum piscaria, pratis, terris cultis
l.10 et incultis, absque ulla vicariorum potestate, congrue teneant atque possideant. Ob hoc prȩcipimus etiam ut nullus rex, nullus episcopus, nullus comes aut ulla potestas illas res disponere aut in sua potestate quicquam horum decernere vel delegare praesumat,
l.11 sed perpetua soliditate in supradictorum fratrum potestate consistat disponendi seu faciendi ex his quicquid elegerint, et ut hujus nostrae preceptionis aedictum atque roborationis preceptum per cuncta aevi tempora inviolabilem obtineat firmitatis
l.12 vigorem, manu propria subter confirmavimus et anuli nostri inpressione insigniri jussimus.
l.13 ROTGERIUS CANCELLARIUS SCRIPSIT. SIGNUM RODBERTI GLORIOSISSIMI [monogramme] REGIS [sceau].
l.14 [croix] Ego Johannes, sanctȩ catholicȩ et apostolicȩ ȩcclesiȩ prȩsul, hoc scriptum propriis manibus corroboravi et nostrum sigillum subter imponi jussi. Si quis autem, quod non credimus,
l.15 eum quacumque occasione violare temptaverit, sit excommunicatus atque maledictus, et a communione ȩcclesiȩ sequestratus. Amen.
l.16 Data XIII kalendas maii, indictione XI, anno X regnante Rodberto rege glorioso. Acta publice Parisiaca urbe, anno incarnati Verbo DCCCCXCVIII.

Recueil des historiens des Gaules et de la France (Bouquet, RHF), Paris, 1737-1904, 24 vol. in folio, t. 10, p. 574.

TARDIF (Jules), Monuments historiques - Paris, 1866, (Archives de l'Empire. Inventaires et documents), p. 151, n° 241.

NEWMAN (William Mendel), Catalogue des actes de Robert II, roi de France, Paris : Librairie du Recueil Sirey, 1937, p. 9-12, n° 9.

BOUSSARD (Jacques), µActes royaux et pontificaux des X° et XI° siècles du chartrier de Saint-Maur-des-Fossés, in Journal des Savantsµ, 1972, p. 81-109, p. 92-94.