Carloman, roi des Francs, sur les instances du comte Gui, donne en toute propriété au fidèle Adelongus le fisc de Goilius, situé dans le comté de Chambly, avec une chapelle dédiée à sainte Geneviève.

l.1 [chrisme] IN NOMINE DOMINI DEI AETERNI ET SALVATORIS NOSTRI JHESU CHRISTI, KARLOMANNUS, GRATIA DEI REX. SI FIDELIUM NOSTRORUM JUSTIS POSTULATIONIBUS AUREM NOSTRAE SERENITATIS ACCOMODAMUS ET AFFECTUM PIȨ PROSPERATIS PERDUCIMUS, EA
l.2 nimirum agimus unde prosperitatem praesentis vitae percipere gaudebimus et ad futuram beatitudinem omnimodis profuturos credimus. Quocirca notum esse volumus
l.3 omnium sanctae Dei aecclesiae nostrorumque fidelium, praesentium scilicet ac futurorum, industriae quod, ad depraecationem Nortmanni fidelis nostri, adiens genua sublimitatis nostrae,
l.4 Vuido, illuster comes nobisque admodum dilectus, coram frequentia procerum primatumque nostrorum, humiliter petiit ut quendam fidelem nostrum, nomine Adelongum, pro assidua
l.5 fidelitate qua in nostro decertat servitio necnon et pro totius regni stabilimento [honorare] deberemus, scilicet fiscum Goilius in comitatu Camblisiense, super fluvium [...]onae,
l.6 cum universis sibi aspicientibus rebus quesitis et inquirendis et mancipiis utriusque sexus tam desuper commanentibus quam fuga lapsis, et cum capella in sanctae Genovefae honore,
l.7 in proprietatem concederemus. Placuit itaque nostrae celsitudini ejus saluberrimis adquiescere postulatibus, et promptissima voluntate praefatum fiscum Goilius cum omnibus ad se pertinentibus tam propinquis quam procul positis
l.8 et mancipiis utriusque sexus tam ibi commanentibus quam fuga lapsis ac cum capella in honore sanctae Genovefae eidem Adelongo in proprietatem concessimus cum vineis, silvis, pratis, pascuis, campis, molendinis, aquis et earum decursibus, quesitum et inquirendum, qualiter ex hoc et in
l.9 omne tempus habeat ex predicto fisco et suis appendiciis tenendi et possidendi, dandi et commutandi, venundandi et largiendi, transfundendi et distribuendi sine alicujus contradictione liberrimam ac firmissimam potestatem. Ut autem hoc prae-
l.10-ceptum nostrae altitudinis firmius habeatur ac diuturnis valeat durare temporibus et ab omnibus diligentius et melius conservetur, manu propria illud subter firmavimus et anuli nostri impressione subter insigniri jussimus.
l.11 SIGNUM [monogramme] KARLOMANNI GLORIOSISSIMI REGIS.

TARDIF (Jules), Monuments historiques - Paris, 1866, (Archives de l'Empire. Inventaires et documents), p. 137, n° 214.

LOT (F.), LAUER (Ph.), Diplomata Karolinorum. Recueil de reproductions en fac-similé des actes originaux des souverains carolingiens conservés dans les archives et bibliothèques de France, 10 vol., Paris, 1936-1949, t. 5, pl. 39 (fac-similé).

GRAT F.-DE FONT-REAULX J.-TESSIER G.-BAUTIER R.H, Recueil des Actes de Louis II le Bègue, Louis III et Carloman II, rois de France (877-884) (Chartes et Diplômes relatifs à l'Histoire de France), Paris, 1978, p. 225-227, n° 88.