Charles le Chauve, roi des Francs, donne à l'abbaye de Saint-Maur-des-Fossés divers biens situés à Fleury[-la-Rivière], dans le comté de Reims.

l.1 [chrisme] IN NOMINE SANCTAE ET INDIVIDUAE TRINITATIS, KAROLUS, GRATIA DEI REX. QUICQUID LOCIS DIVINO CULTUI MANCIPATIS LARGIENDO CONFERIMUS, PROFUTURUM NOBIS AD AETERNAM BEATITUDINEM OPTINENDAM
l.2 et ad praesentem vitam felicius transigendam omnino confidimus. Itaque noverit omnium sanctae Dei ecclesiae fidelium nostrorumque, praesentium ac futurorum, industria, quia pro absolutione peccatorum nostrorum, ad deprecationem venerabilis abbatis
l.3 monasterii Fossatis, nomine Godefredi, et monachorum ejusdem congregationis, quod est dicatum in hore beatȩ virginis Mariȩ ac principis apostolorum Petri, considerantes eorum non modicas necessitates, propter infestationem scilicet Christiani nominis Nortmannorum, complacuit
l.4 celsitudini nostrȩ in quadam villa, in Remensi comitatu sita, cui est vocabulum Floriacus, mansum unum indominicatum cum corte et structura, viridiario et orto, vineis, pratis, terris et concidibus, quo aspiciunt mansi ingenuiles septem et serviles septem, proculque inde miliario nono in corte Rucunico
l.5 mansos ingenuiles quattuor, in Mastiaco mansum unum, atque a Floriaco miliario tertio terra arabili bunuaria triginta octo, necnon et ab eadem villa miliario octavo terra arabili bunuaria trigenta duo ac dimidium praedicto abbati vel fratribus ad refugium tradere atque delegare.
l.6 Unde etiam hoc altitudinis nostrae praeceptum fieri praedicto abbati vel congregationi dari jussimus, per quod memoratas res omnes ad supradicti monasterii fratrumque subsidium atque refugium cum terris arabilibus, cultis et incultis, vineis, silvis,
l.7 pratis, pascuis, aquis aquarumque decursibus ac mancipiis utriusque sexus desuper commanentibus vel ad easdem res juste legaliterque pertinentibus omniumque rerum summa [integri]tate tradimus ac delegamus, ut secundum eorum dispositionem successorumque suorum admi-
l.8-nistrationem per futura tempora ordinentur eisque pro sua oportunitate utantur, nostrumque memoriale genitorisque nostri divi augusti genitricisque ac consortis regni nostri utriusque sexus nobilissimae prolis aeternaliter fundendo pro nobis preces inibi habeatur.
l.9 Et ut haec auctoritatis nostrae largitio nostris futurisque temporibus diligentius conservetur atque ab ipsis fratribus securius possideatur, manu propria subter eam firmavimus anulique nostri inpressione insigniri jussimus.
l.10 SIGNUM [monogramme] KAROLI GLORIOSISSIMI [REGIS].
l.11 MANCIO DIACONUS AD VICEM GOSLENI RECOGNOVI ET S[UBSCRIPSI] [ruche_notes_tironiennes] [Domna regina ambasciavit] [sceau].
l.12 Data XII kalendas julii, indictione XV, anno XXVII [regn...?...].

ligne 3 : "in hore" mis pour "in honore".

TARDIF (Jules), Monuments historiques - Paris, 1866, (Archives de l'Empire. Inventaires et documents), p. 127, n° 194.

JUSSELIN (Maurice), Liste chronologique et lecture des mentions en notes tironiennes dans les diplômes de Charles le Chauve, in Le Moyen-Age, t. 39(1929), p. 215-232, p. 229.

TESSIER (Georges), Recueil des actes de Charles II le Chauve, roi de France, 3 vol., Paris, Imprimerie nationale, 1943-1955 (Chartes et diplômes relatifs à l'histoire de France), t. 2, p. 156-158, n° 299.

LOT (F.), LAUER (Ph.), Diplomata Karolinorum. Recueil de reproductions en fac-similé des actes originaux des souverains carolingiens conservés dans les archives et bibliothèques de France, 10 vol., Paris, 1936-1949, t. 4, pl. 32 (fac-similé).