Charles le Chauve, roi des Francs, confirme l'immunité accordée à l'abbaye de Saint-Germain-des-Prés par les empereurs Charlemagne et Louis le Pieux, et le privilège pour les serfs de l'établissement d'être reçus à témoigner en justice contre les hommes libres.

l.1 IN NOMINE DOMINI ET SALVATORIS NOSTRI JHESU CHRISTI, KAROLUS, DIVINA ORDINANTE PROVIDENTIA FRANCORUM REX. Cum petitionibus
l.2 sacerdotum justis et rationabilibus divini cultus amore favemus, superna nos gratia muniri non dubitamus. Proinde noverit omnium
l.3 fidelium nostrorum, presentium scilicet et futurorum, sollertia, quia Ebroinus venerabilis episcopus, rectorque monasterii Sancti Germani confessoris, ubi ipse
l.4 corpore requiescit, siti non procul ab urbe Parisiaca, detulit nobis emunitates avi nostri Karoli, Hludovici piissimi augusti, in quibus invenimus
l.5 insertum, quomodo ipsi et antecessores eorum priores reges Francorum, prefato monasterio, propter divinum amorem, et reverentiam sancti Germani, ubi plerique illorum,
l.6 ob nimium amorem, sua sepeliri corpora preoptaverunt, semper sub plenissima defensione, et emunitatis tuitione habuissent. Ob firmitatem
l.7 tamen rei postulavit nobis, predictus Ebroinus episcopus et abbas, ut eorumdem regum auctoritates, ob amorem Dei et reverentiam ipsius sancti Ger-
l.8-mani, nostra confirmaremus auctoritate. Cujus petitioni libenter adquievimus, et ita in omnibus concessimus, ac per hoc preceptum nostrum confirma-
l.9-vimus, ut nemo fidelium nostrorum, vel quilibet ex juditiaria potestate, in aecclesias, aut loca, vel agros, seu reliquas possessiones memorati monaste-
l.10-rii, quas moderno tempore tam in Frantia quam in Burgundia, seu in Neustria, sive etiam in Aquitania, vel ubicumque in regnis, Christo propitio nostris juste
l.11 et rationabiliter possidet, vel quȩ deinceps a catholicis viris, eidem collate fuerint ȩcclesiȩ, ad causas, aut freda, vel tributa exigenda, aut man-
l.12-siones vel paratas fatiendas, nec fidejussores tollendos, aut homines ejusdem aecclesie, tam ingenuos quam servos, super terram ipsius conmanentes distringen-
l.13-dos, nec ullas redibitiones, aut illititas occasiones requirendas, nostris et futuris temporibus ingredi audeat, vel ea que supramemorata sunt exigere presumat,
l.14 sed liceat jamdicto abbati suisque successoribus res predicti monasterii, sub emunitatis nostre defensione quieto ordine possidere. Et homines de capite
l.15 contra liberos in omni platito testimonium ferre concedimus, ut in alimonia pauperum et stipendia monachorum ibidem Deo famulantiam, profitiat
l.16 perhennibus temporibus in augmentis, quatinus servos Dei qui ibidem Deo famulantur, pro nobis et conjuge ac prole nostra, atque stabilitate totius imperii
l.17 nostri a Deo nobis concessi, atque conservandi jugiter [Dominum] exorare delectet. Et hanc auctoritatem, ut firmior in Dei nomine habeatur, et a fidelibus sancte Dei
l.18 aecclesie et nostris diligentius conservetur, manu propria subter firmavimus, et anuli nostri impressione signari jussimus.
l.19 SIGNUM KAROLI [monogramme] REGIS GLORIOSISSIMI.
l.20 EBROINUS EPISCOPUS ET ARCHICAPELLANUS RELEGIT ET RECOGNOVIT [sceau].

Recueil des historiens des Gaules et de la France (Bouquet, RHF), Paris, 1737-1904, 24 vol. in folio, t. 8, p. 485, n° 64.

TARDIF (Jules), Monuments historiques - Paris, 1866, (Archives de l'Empire. Inventaires et documents), p. 95, n° 140.

LASTEYRIE (Robert de), Cartulaire général de Paris, 1 vol., Paris, 1887, t. 1, p. 54-56, n° 37.

POUPARDIN (René), Recueil des chartes de l'abbaye de Saint-Germain-des-Prés, des origines au début du XIIIe siècle, tome 1 : 558-1182, Paris, Champion, 1909, t. 1, p. 53-56, n° 33.

TESSIER (Georges), Recueil des actes de Charles II le Chauve, roi de France, 3 vol., Paris, Imprimerie nationale, 1943-1955 (Chartes et diplômes relatifs à l'histoire de France), t. 2, p. 562-566, n° 472.