Charles le Chauve, roi des Francs, exempte de tonlieux et d'autres redevances les bateaux du monastère de Saint-Germain-des-Prés circulant sur la Seine et ses affluents, la Marne, l'Yonne, l'Oise, l'Aisne, et les autres cours d'eau du royaume.

l.1 [chrisme] IN NOMINE SANCTAE ET INDIVIDUAE TRINITATIS, KAROLUS, GRATIA DEI REX. CUM PRECES SACERDOTUM CHRISTI, QUAS AURIBUS EXCELLENTIAE NOSTRAE UTILITATIBUS ET NECESSITATIBUS ECCLESIARUM SIBI COMMISSARUM [PROVIDENTES HUMILITER]
l.2 di[rigun]t, clementer exaudivimus, regiae celsitudinis opera frequentamus ac per hoc aeternam beatitudinem facilius nos adepturos liquido credimus. Itaque notum sit omnibus episcopis, abbatibus, ducibus, comitibus, vicariis, centenariis, telonariis, actionariis vel omnibus rem publicam ad[ministrantibus, seu caeteris] fidelibus
l.3 sanctae Dei ecclesiae et nostris, praesentibus sive futuris, quia vir venerabilis Ebroinus episcopus, monasterii praeclarissimi confessoris Christi Germani abbas necnon et sacri palatii nostri archicappellanus, postulavit serenitatem nostram ut praefato monasterio et congregationi ibidem Deo famulanti, t[eloneum de navibus eorum, quae]
l.4 per fluvium Sequanam, sive per alia flumina in ipsum confluentia, id est per Matronam, per Ionam, Isam, et Axonam, vel per cetera flumina regni nostri, propter diversas utilitates ipsius ecclesiae discurrunt, in elimosina genitoris nostri ac nostra concedere seu indulgere dignaremur. [Cujus, inquam, petitioni]bus,
l.5 ob amorem Dei et reverentiam sancti Germani, libenter adquievimus, et beneficium quod postulavit praescripto monasterio clementer concessimus ac proinde magnitudinis nostrae hoc praeceptum fieri jussimus, per quod praecipimus atque jubemus ut naves potestatis ejusdem Sancti Germani monasterii, per pr[ae]-
l.6-scripta vel alia quaelibet regni nostri flumina discurrentes, ob utilitatem scilicet et necessitatem praemissae ecclesiae, ut dictum est, ejusque congregationis ibidem Deo servientis, ad quascumque civitates, castella aut portus vel cetera loca accessum habuerint, nemo fidelium nostrorum nec quislibet ex[actor]
l.7 judiciariae potestatis nec ullus telonarius de ipsis aut hominibus qui eas praevident ullum teloneum aut ripaticum aut portaticum aut pontaticum aut salutaticum aut cespitaticum aut cenaticum aut pastionem aut laudaticum aut trabaticum aut pulveraticum aut ullum occursum vel ullum c[ensum aut]
l.8 ullam redibitionem accipere aut exigere audeat, sed licitum sit absque alicujus contrarietate vel detentione per hanc nostram auctoritatem ipsis navibus vel hominibus qui eas praevidere debent, cum his quae deferunt, per universum regum nostrum libere atque secure ire et redire. Et [si aliquas moras in quo]-
l.9-libet loco fecerint aut aliquid mercati fuerint aut vendiderint, nihil ab eis prorsus, ut dictum est, exigatur, sed quicquid exinde res publica exigere poterat, pro mercedis nostrae augmento, utilitatibus saepedictae ecclesiae proficiat in augmentum. Et ut haec magnitudinis nostrae auctoritatis, ut ab omnibus
l.10 melius credatur et diligentius in omnibus conservetur, de anulo nostro subter eam jussimus sigillare.
l.11 AENEAS NOTARIUS AD VICEM HLUDOVUICI RECOGNOVIT ET S[UBSCRIPSIT] [ruche_notes_tironiennes] [Hludovicus praeceptor fieri jussit] [sceau].
l.12 Data VII idus augusti, anno VII regnante Karolo glorioso rege, indictione VIIII. Actum Vero palatio regio. In Dei nomine, feliciter. Amen.

Gallia Christiana in provincias ecclesiasticas distributa, Paris, 1715-1785 et 1856-1865, 16 vol., t. 7, Instr, col. 12, n° 11.

Recueil des historiens des Gaules et de la France (Bouquet, RHF), Paris, 1737-1904, 24 vol. in folio, t. 8, p. 484, n° 63.

TARDIF (Jules), Monuments historiques - Paris, 1866, (Archives de l'Empire. Inventaires et documents), p. 99-100, n° 153.

LASTEYRIE (Robert de), Cartulaire général de Paris, 1 vol., Paris, 1887, t. 1, p. 57, n° 39.

POUPARDIN (René), Recueil des chartes de l'abbaye de Saint-Germain-des-Prés, des origines au début du XIIIe siècle, tome 1 : 558-1182, Paris, Champion, 1909, t. 1, p. 51-53, n° 32.

JUSSELIN (Maurice), Liste chronologique et lecture des mentions en notes tironiennes dans les diplômes de Charles le Chauve, in Le Moyen-Age, t. 39(1929), p. 215-232, p. 222.

TESSIER (Georges), Recueil des actes de Charles II le Chauve, roi de France, 3 vol., Paris, Imprimerie nationale, 1943-1955 (Chartes et diplômes relatifs à l'histoire de France), t. 1, p. 238-241, n° 88.

LOT (F.), LAUER (Ph.), Diplomata Karolinorum. Recueil de reproductions en fac-similé des actes originaux des souverains carolingiens conservés dans les archives et bibliothèques de France, 10 vol., Paris, 1936-1949, t. 3, pl. 20 (fac-similé).