Charles le Chauve, roi des Francs, confirme la vente faite par son fidèle Atton au monastère de Saint-Maur-des-Fossés, où il s'est fait moine, de biens situés dans la villa d'Airan, dans le pagus appelé Otlinga Saxonia et en un autre lieu nommé Fontenay, situé en Bessin.

l.1 [chrisme] IN NOMINE SANCTAE ET INDIVIDUAE TRINITATIS, KAROLUS, GRATIA DEI REX. SI JUSTI DESIDERII PRECIBUS DEI NOSTRORUMQUE FIDELIUM CELSITUDINIS NOSTRAE AUREM ACCOMODAMUS.
l.2 Regiae praecellentiae operibus consuescimus ac per hoc facilius nos aeterne beatitudinis gloriam adepturos liquido credimus. Itaque notum sit omnibus sanctae Dei ecclesiae fidelibus et nostris, praesentibus atque
l.3 futuris quia adiens sublimitatis nostrae fastigia quidam dilectus et amabilis nobis fidelis noster, cui nomen Atto, innotuit mansuetudini nostrae res quasdam a nobis sibi in jus proprietarium
l.4 quondam largitas monasterio quod dicitur Fossatus, sub honore sanctae semperque virginis Domini genetricis Mariae ac sancti Petri apostolorum principis constructo, pro absolutione peccatorum suorum, per cartam venditionis
l.5 contulisse seu delegasse, ubi etiam abrenuntians seculo et vanis ejus omnibus pompis cingulum militiae deposuit comamque tondens habitum sacre religionis monastici quoque ordinis adsumpsit. Nos denique non inrationabi-
l.6-libus petitionibus illius clementi favore annuimus atque, ut propositi sui votum in omni spatio vitae suae alacrius devotiusque, proveniente misericordia Dei, expleret, ita illi omnimodis concessisse cunctis notum esse volumus.
l.7 Sunt autem memoratae res sitae in pago qui dicitur Otlinga Saxonia, in centena Nortrinse, in loco qui nuncupatur Heidra villa, cum mancipiis scilicet utriusque sexus et aliarum possessionum integritate, necnon et in alio loco, in pago siquidem
l.8 Baiocassino, in centena Cingalinse, in loco qui appellatur Fontanetum. Has igitur res cum omni earum plenitudine, ut supradictum est, magnitudinis nostrae largitate in jus proprietatis quondam sibi concessas, memoratus
l.9 fidelis noster Atto praefato monasterio contulit ac delegavit. Cujus, inquam, collationem vel delegationem, secundum ej[usdem .....] efflagitationem, per hanc magnificentiae nostrae praecepti auctori[tat]em plenius roborantes,
l.10 statuimus atque firmamus ut, sicut ab eodem per prescriptam venditionis cartam praedictae res praefato monasterio conlatae sunt et delegatȩ, sic pleniter ac firmiter potestas ejusdem monasterii sine cujuspiam contra-
l.11-dictione aut repetitione sive minoratione eas per omnia saeculorum tempora teneat atque possideat et quicquid ex eis ecclesiastico jure facere decreverit sine alicujus resultatione sicut ex aliis rebus ipsius monasterii
l.12 licenter omnino perfitiat. Ut autem haec reverentiae nostrae auctoritas inprevaricabilem semper in Dei nomine obtineat firmitatem, de anulo nostro subter jussimus sigillari. [chrisme].
l.13 [chrisme] MEGINARIUS NOTARIUS AD VICEM HLUDOVUICI RECOGNOVI ET S[UBSCRIPSI] [ruche_notes_tironiennes] [Meginarius ad vicem Ludovici recognovi, scripsi et subscripsi] [sceau].
l.14 Data kalendis maii, anno VI regnante domno Karolo rege, indictione VIII. Actum Salmontiaco palatio regio. In Dei nomine, feliciter. Amen.

TARDIF (Jules), Monuments historiques - Paris, 1866, (Archives de l'Empire. Inventaires et documents), p. 98, n° 151.

JUSSELIN (Maurice), Liste chronologique et lecture des mentions en notes tironiennes dans les diplômes de Charles le Chauve, in Le Moyen-Age, t. 39(1929), p. 215-232, p. 221 (fac-similé des notes).

TESSIER (Georges), Recueil des actes de Charles II le Chauve, roi de France, 3 vol., Paris, Imprimerie nationale, 1943-1955 (Chartes et diplômes relatifs à l'histoire de France), t. 1, p. 233-235, n° 84.

LOT (F.), LAUER (Ph.), Diplomata Karolinorum. Recueil de reproductions en fac-similé des actes originaux des souverains carolingiens conservés dans les archives et bibliothèques de France, 10 vol., Paris, 1936-1949, t. 3, pl. 19 (fac-similé).