Louis le Pieux, empereur, donne à l'abbaye de Saint-Germain-des-Prés une pêcherie établie sur la Seine, à Rueil en Pincerais.

l.1 [chrisme] IN NOMINE DOMINI DEI ET SALVATORIS NOSTRI JHESU CHRISTI, HLUDUVICUS, DIVINA ORDINANTE PROVIDENTIA IMPERATOR AUGUSTUS. QUICQUID OB AMOREM DEI PRO OPORTUNITATE SERVORUM
l.2 Dei agimus, hoc nobis ad aeternam beatitudinem obtinendam pertinere confidimus. Igitur notum sit omnibus fidelibus nostris presentibus scilicet et futuris, quia, ob emolumentum
l.3 animae nostrae, quandam piscariam, quam olim proavus noster bone memoriae Karolus in pago Pinciacense, in villa quȩ vocatur Rioilus, in fluvio videlicet Sequanȩ fieri jussit, ad monasterium Sancti Germani, ubi sanctum
l.4 et venerabile ejus corpus requiescit, et ubi Hirmino vir venerabilis pastorali fungitur offitio, ad subsidium monachorum in eodem sancto loco Deo famulantium libentissime concessimus, et per hos apices confirma-
l.5-vimus, ea scilicet conditione ut illam nocturnam quam monasterium Sancti Dyonisii exinde accipit, et Sancti Petri monasterium nullatenus eis a quoquam subtrahatur; sed eadem monasteria omni
l.6 tempore pro sua portione restaurationi Vennȩ atque emendationi adminiculum prestent, prout necesse fuerit. Reliqum vero in integrum eidem venerabili sancti quidem Germani cessimus
l.7 monasterio. Jubemus quoque atque decernimus ut de memorata piscaria nullus praedictum monasterium ejusque procuratores inquietare nostris futurisque temporibus presumat,
l.8 neque aliquam contrarietatem ex ipsa eidem monasterio facere aut aliquid inde abstrahere pertemptet, sed amodo et deinceps ita libere teneant ipsi monachi hanc Karoli Vennam,
l.9 quemadmodum genitor noster Karolus serenissimus imperator et augustus, avus etiam noster Pippinus atque proavus Karolus, qui eandem construere jussit capturam, nos quoque tandem tenuimus actenus,
l.10 scilicet uti omni tempore sit salva undique ab omnibus obstaculis aqua sicuti apud nos adhuc extat, nec fiant unquam ulla opera huic Vennȩ nocitura, nec ante vel retro; siquidem cujus-
l.11-cumque potestatis sint littora nostra, tamen est regalis aqua. Ergo super hanc cessionis auctoritatem hoc nostrum regale preceptum fieri jussimus, per quod decernimus atque jubemus ut nullus
l.12 quilibet christianitatis cultor audeat vel praesumat nostrae salutis donativum infringere, neque per violentiam neque per ullum calliditatis praejuditium Karoli Vennȩ nociturum; sed potius sine
l.13 ulla subtractione vel diminutione atque dampnatione liceat monachis Sancti Vincentii Sanctique Germani cum omni integritate hoc munus, quod eis conferimus, ad nostram requiem sempiternam perpetua-
l.14-liter possidere et frui. Ergo hec nostrae auctoritatis praeceptio ut firmiter continuationis vigorem obtineat per succedentia annorum curricula, manu propria subter roborantes, anulo nostro
l.15 ea jussimus insigniri. SIGNUM [monogramme] HLUDOVICI SERENISSIMI IMPERATORIS. [chrisme] DURANDUS DIACONUS AD VICEM HELISACHAR
l.16 RECOGNOVI [ruche] [sceau].
l.17 Data tertio kalendas septembris, anno Christo propitio IIIo imperii domni Hludovici piissimi augusti, indictione decima. Actum Aquisgrani palatio regio. In Dei nomine, feliciter. Amen.

Recueil des historiens des Gaules et de la France (Bouquet, RHF), Paris, 1737-1904, 24 vol. in folio, t. 6, p. 505, n° 81.

TARDIF (Jules), Monuments historiques - Paris, 1866, (Archives de l'Empire. Inventaires et documents), p. 79, n° 110.

POUPARDIN (René), Recueil des chartes de l'abbaye de Saint-Germain-des-Prés, des origines au début du XIIIe siècle, tome 1 : 558-1182, Paris, Champion, 1909, t. 1, p. 39-41, n° 26.

LOT (F.), LAUER (Ph.), Diplomata Karolinorum. Recueil de reproductions en fac-similé des actes originaux des souverains carolingiens conservés dans les archives et bibliothèques de France, 10 vol., Paris, 1936-1949, t. 2/1, pl. 26 (fac-similé).