Roger de Montgomery cède à l'abbaye Saint-Étienne de Caen le bourg de Trum, dont il garde la possession jusqu'à sa mort, et la maison d'Aiulfus Guirellus en pleine propriété.

l.1 EGO ROGERIUS de Montegomerico fidele domini mei WILLELMI [Normannorum] et Cenomannorum principis, ob amorem Dei et ejusdem domini mei et pro
l.2 salute anime meȩ trado coenobio quod ab eo in burgo Cadomo in honorem beati STEPHANI primi martyris construitur, burgum quem Trum vocant, cum
l.3 omnibus ad ipsum burgum pertinentibus, exceptis molendinis et decimis quȩ jam aliis concessi ȩcclesiis, ea conditione servata, ut quamdiu ego vixero, vel
l.4 idem dominus meus, liceat michi si voluero ipsum burgum in meo habere dominio. Post mortem vero alterutrius nostrum deveniat in jus et possessionem prȩfati
l.5 coenobii ut liberum sit abbatibus et monachis inibi Deo servientibus canonice ipsum disponere, dare, tenere et quicquid regulariter et secundum Deum utile de eo
l.6 prospexerint adimplere. Et ut certum hoc de reliquo fiat, et in posterum dubitatio nulla remaneat, concedo inprȩsentiarum domum Aiulfi Guirelli cum omnibus
l.7 consuetudinibus de ea domo ad me pertinentibus, tam de indigenis quam de extraneis mercatoribus in ea aliquid ementibus vel vendentibus, seu aliquid unde
l.8 commodum provenire soleat contrahentibus. Hoc donum idem dominus meus sua auctoritate firmavit et in memoriam ipsius donationem viam quȩ extra burgum
l.9 ducebat per burgum ire concessit. Testes Henricus, filius Rogerii de Bellomonte, Haimo, Gislebertus Haretel,
l.10 et alii plures. S. Wilelmi [croix] Normannorum comitis. S. Henrici [croix] filii Rogerii de Bellomonte. S. Rogerii de Montegomerico. [croix] S. [croix] Haimonis.

FAUROUX (Marie), Recueil des actes des ducs de Normandie de 911 à 1066, Mémoires de la Société des Antiquaires de Normandie, t. 36(1961), n° 223, p. 425-426.

MUSSET (Lucien), Les actes de Guillaume le Conquérant et de la reine Mathilde pour les abbayes caennaises, Caen, 1967 (Mémoires de la Société des Antiquaires de Normandie, 37), p. 51-52, n° 1.