Frédéric, archevêque de Cologne, restitue à l'abbaye Saint-Pantaléon de Cologne des biens qu'elle avait été obligée de concéder en bénéfice à un officier de l'église.

l.1 IN NOMINE SANCTȨ ET INDIVIDUȨ TRINITATIS, FRITHERICUS, DEI GRATIA SANCTȨ COLONIENSIS ȨCCLESIȨ ARCHIEPISCOPUS. Notum fieri desideramus nostris successoribus, immo cunctis Christi et ȩcclesiȩ fidelibus,
l.2 Richezonem beati Petri et nostrum ministerialem, domni Annonis predecessoris nostri cogente jussione, beneficium quoddam ab Heinrico abbate extorsisse, quod antiquitus fratrum stipendio deputatum, ante predictum Richezonem
l.3 in beneficio nulli fuerat commodatum. Unde divinȩ ȩquitatis inspiratione ammoniti, necnon peticione venerabilis fratris nostri Herimanni abbatis ejusdem cenobii, cum idem Richezo sine herede obisset,
l.4 et possessiones ȩcclesiȩ liberas reliquisset, easdem usui fratrum resignari decrevimus, confirmantes beati Petri et domni papȩ Gelasii, seu nostra auctoritate, ne quis postmodum presumat ȩcclesiam Sancti
l.5 Pantaleonis inquietare in omnibus his possessionibus quas Richezo tenuerat per hȩc loca, videlicet Hartene, Roden et Assemere. Si vero quisquam temerarius
l.6 attemptaverit cassare, quod testamenti hujus astipulatione, et sigilli nostri impressione curavimus ȩcclesiȩ confirmando corroborare, banno subjaceat, et nisi
l.7 resipuerit, collata beato Petro potestate, et domni papȩ Gelasii nostraque auctoritate sententiam dampnationis incurrat. Actum est autem hoc et
l.8 confirmatum a nobis in ipsa Beati Pantaleonis ȩcclesia, anno dominicȩ incarnationis MCoXoVIIo, indictione undecima, anno etiam cathedrȩ nostrȩ XoVIIIo, presidente
l.9 domno Gelasio Romanȩ sedi, anno pontificatus sui Io, cujus vices apud nos tunc temporis agens venerabilis Cuono Prenestinus episcopus, auctoritatis
l.10 suȩ presentia una nobiscum hȩc confirmavit omnia. Hujus rei testes sunt : Leodegarius Vivariensis episcopus, Teodricus Monasteriensis electus, Marcuuardus abbas
l.11 Tuiciensis, Cuono abbas Sigebergensis, Johannes prepositus de Sancto Petro, Heinricus dekanus, Herimannus prepositus de Sancto
l.12 Gereone, Egibertus Sancti Severini, Heinricus Sanctorum Apostolorum, Theodericus Sancte Mariȩ in Gradibus, Theodericus, Heribertus,
l.13 Arnolfus, canonici Sancti Petri. Nobiles : Gerhardus de Wassenberg, Heinricus frater ejus, Heinricus de Sutfenna, Fridericus de Arnes-
l.14-berg, Godefridus de Cappenberg, Adolfus de Saffenberg, Herimannus de Heingebach, et plures alii. Ministeriales : Almarus advo-
l.15-catus, Heinricus de Aldentorph, Thitmarus de Thornslar, Guncelinus, Richolfus, Bruno, Thiemo de Susatio, Cuonradus et plures alii.
l.16 De familia ejusdem ȩcclesiȩ : Marcuuardus, Razo, Godefridus, Waldo, Wolbero, Herimannus, Adelbertus, et plures alii. [sceau].

1