Henri V, roi, restitue à l'abbaye Saint-Maximin de Trèves la cour de Mandel possédée à tort par Cuno de Suevia.

l.1 [chrisme] IN NOMINE SANCTȨ ET INDIVIDUȨ TRINITATIS, HEINRICUS, DIVINA FAVENTE CLEMENTIA QUINTUS ROMANORUM REX.
l.2 Justiciam cuique facere cum omnium sit generaliter, nostrum est principaliter, quia ad hoc in regali culmine cȩteris preminemus, ut judicium et justiciam faciamus omnibus injuriam patientibus.
l.3 Quapropter notum sit omnibus CHRISTI nostrique fidelibus, tam futuris quam presentibus, qualiter BERNGOZUS abbas et fratres ex monasterio Sancti JOHANNIS EWANGELISTȨ, sanctique MAXIMINI CONFES-
l.4-SORIS, qui in suburbio Trevirorum corporaliter in eodem cȩnobio quiescit, nostram regalem adiere clementiam, flagitantes ut pro timore Dei et amore justiciȩ quandam curtem, vocabulo
l.5 Mannendal, in pago Nahgowe sitam, quam quidam Kuono de Suevia injuste jamdiu possederat, eis restitueremus et restitutam nostro regali precepto confirmaremus.
l.6 Quorum petitionem propter amorem Dei, et ob venerationem sancti Johannis sanctique Maximini, et ob interventum domni RUOTHARDI Mogonciensis archiepiscopi, et BURCHARDI Monaste-
l.7-riensis, Gebehardi Constantiensis, Ottonis Babenbergensis, Arlongi Wirziburgensis, Udonis Hildinesheimensis, Johannis Osenbruggensis, Kuononis Strazburgensis,
l.8 Ruodolfi Basiliensis, venerabilium episcoporum, aliorumque fidelium nostrorum adimplere cupientes, prefatam curtem Mannendal, et quod in villa Narheim ad eandem curtem pertinet, prefato abbati
l.9 ac fratribus reddimus, firmamus, et in eternum sancto Johanni sanctoque Maximino stabilimus, ea videlicet ratione ut nec aliquis successorum nostrorum regum vel imperatorum nec predictus abbas nec
l.10 aliquis successorum suorum eandem curtem alicui umquam dare, prestare, vendere vel invadiare presumant, ut fratres idem inde consolati pro nostra vita temporali et ȩterna, et pro animabus parentum
l.11 nostrorum, et pro omnibus fidelibus vivis et defunctis, obnixius Deo supplicare prevaleant. Et ut hoc prȩsens regalitatis nostre preceptum firmum semper et stabile permaneat, manu propria
l.12 subtus firmavimus et sigilli nostri impressione insigniri jussimus.
l.13 SIGNUM DOMNI HEINRICI QUINTI ROMANORUM [monogramme] REGIS INVICTISSIMI [sceau].
l.14 ADELBERDUS CANCELLARIUS VICE RUOTHARDI ARCHICANCELLARII ET ARCHICAPELLANI RECOGNOVI.
l.15 Data VI NONAS MAI anno incarnationis Domini ICVIIo, indictione XV, anno regni domni Heinrici quinti regis VIIIIo. Actum Mogoncie. In Dei nomine. Amen.

1