Henri V, roi, restitue à l'abbaye Saint-Maximin de Trèves divers biens qui lui avaient été enlevés injustement, dont la cour de Mandel.

l.1 [chrisme] IN NOMINE SANCTȨ ET INDIVIDUȨ TRINITATIS, HEINRICUS, DIVINA FAVENTE CLȨMENTIA QUINTUS ROMANORUM REX.
l.2 Justiciam cuique facere cum omnium sit generaliter, nostri solummodo est principaliter, quia ad hoc in regali dignitate cȩteris preminemus mortalibus, ut judicium et justiciam faciamus omnibus injuriam patientibus.
l.3 Quapropter notum sit omnibus CHRISTI nostrique fidelibus, tam futuris quam presentibus, qualiter BERENGOZUS abbas et fratres ex monasterio Sancti JOHANNIS EWANGELISTȨ sanctique MAXIMINI preciosissimi
l.4 confessoris nostram regalem adiere clementiam, flagitantes ut pro timore Dei et amore justiciȩ quasdam curtes et possessiones, agros et vineas a prebenda illorum injuste ablatas eis restitueremus, et restitutas nostro
l.5 regali precepto confirmaremus. Quorum petitionem cum propter amorem Dei, tum ob reverentiam sancti Johannis evangelistȩ et sancti Maximini, et ob interventum fidelium nostrorum, Ruothardi videlicet Mogontiacensis,
l.6 Brunonis Trevirensis, Friderici Coloniensis, Cuonradi Salzburgensis venerabilium archiepiscoporum, Gebehardi Constantiensis, Burchardi Monasteriensis, Udonis Hildinesheimensis, Ottonis Baben-
l.7-bergensis, Arlongi Wirziburgensis venerabilium episcoporum, Berhtolfi ducis, Berengeri, Sigefridi, Wicperdi, Godefridi, Herimanni comitum, aliorumque fidelium nostrorum has duas curtes unam vocabulo
l.8 Mannendal, in pago Nahgowe sitam, quam Cuono quidam de Suevia injuste detinuit, aliamque curtem Guntereshusun vocatam, quam Adelbertus quidam de Leia per aliquot annos injuste possedit, bona etiam sua quȩ in
l.9 villa Wilere juxta Metensem civitatem et in suburbio ipsius et in ipsa urbe in vineis et areolis quidam Heisso de Ruticho hactenus violenter habuit, sive quod Heinricus dux in villa Leznih per aliquot tempus fratribus abstulit, insuper
l.10 etiam duodecim mansos ultra Rhenum in villa Aschabah, quos Gerhardus quidam de Diedisse a Willihelmo comite injuste detinuit, septem vero mansos in villa Liutestarra dicta, quos Ruodolfus quidam de Marciche, a prebenda
l.11 fratrum injuste subtraxit. Has igitur curtes sive possessiones prefato abbati ac fratribus reddimus, firmamus et in ȩternum sancti Johanni sanctoque Maximino stabilimus, ea videlicet ratione ut nec aliquis successorum nostrorum regum
l.12 vel imperatorum, nec predictus abbas, nec aliquis successorum suorum quicquam de eisdem rebus alicui umquam dare, prestare vel vendere presumant, sed fratres idem inde consolati pro nostra vita temporali et aeterna obnixius Deo supplica-
l.13-re prevaleant. Et ut hoc presens regalitatis nostrȩ preceptum firmum inde semper et stabile permaneat, manu propria subtus firmavimus et sigilli nostri impressione insigniri jussimus.
l.14 SIGNUM DOMNI HEINRICI QUINTI ROMANORUM [monogramme] REGIS INVICTISSIMI.
l.15 ADELBERDUS CANCELLARIUS AD VICEM DOMNI RUOTHARDI ARCHICANCELLARII RECOGNOVI [sceau].
l.16 Data VII NONAS MAI anno incarnationis Domini millesimo CVIIo, indictione XV, anno regni domni Heinrici quinti regis VIIIIo. Actum Mogontie. In Dei nomine, feliciter. Amen.

1