Henri IV, empereur, restitue Schwabenheim et Ebersheim à l'abbaye Saint-Maximin de Trèves, avec l'interdiction de les aliéner.

l.1 [chrisme] IN NOMINE SANCTȨ ET INDIVIDUAE TRINITATIS, HEINRICUS, DIVINA FAVENTE CLEMENTIA TERTIUS ROMANORUM IMPERATOR AUGUSTUS. NOTUM SIT OMNIBUS TAM FUTURI
l.2 quam prȩsentis tempris fidelibus, quoniam duas curtes Suabheim et Ebernesheim, quȩ jure fratribus de sancto Maximino Treverensi servire debebant, sed ob negligentiam abbatum et malorum hominum cupiditatem fratribus abalienatȩ fuerant
l.3 et in beneficium datae fuerant, nos quoque in beneficium donavimus, quia ipsos abbates eas in beneficium dedisse cognovimus. Sed divina misericordia nos exterius gravi corporis molestia corripientȩ interius vero occulta
l.4 sua inspiratione clementer monente contra Deum et sanctum Maximinum nos peccasse recognovimus et quod deliquimus ex toto corde corrigere proposuimus sperantes nobis divinam gratiam meritis et intercessionibus beati Maximini
l.5 reconciliari. Gravi igitur corporis ȩgritudine liberati, prȩdictas curtes ob nostram ibi memoriam a fratribus perhenniter faciendam, simul etiam pro remedio animarum parentum nostrorum, avi videlicet Cuonradi et patris nostri
l.6 Heinrici imperatorum, Gisilȩ avae nostrae, Agnetis matris nostrae imperatricum et filii nostri dilectissimi Heinrici quinti aliorumque nostrorum parentum libere reddidimus, ea videlicet ratione ut Folcmarus ejusdem loci
l.7 abbas ipsiusque successores prȩdictas curtes ad usus fratrum Deo sanctoque Maximino servientium possideant et nulli umquam dare beneficiare vel vendere vel in vadimonium alicui ponere aut aliquo modo
l.8 abalienare presumant. Decernimus quoque, ut in anniversario die nostrae ordinationis ad imperium, quȩ est pridie kalendas aprilis fratres servitium inde habeant et trecenti pauperes pascantur et ex his duodecim
l.9 vestiantur et, quod nobis vivente de pauperibus et fratribus fieri constituimus, idem post obitum nostrum in anniversario nostro observari disponimus. Et ut haec traditio firma et inconvulsa in perpetuum
l.10 permaneat, cartam prȩsentem sigilli nostri impressione insigniri precepimus.
l.11 SIGNUM DOMNI HEINRICI TERTII ROMANORUM IMPERATORIS INVIC-[monogramme]-TISSIMI. (MPR).
l.12 HUMBERTUS CANCELLARIUS VICE ARCHICANCELLARII RECOGNOVIT.
l.13 Data VII kalendas aprilis, anno ab incarnatione Domini millesimo CI, indictione VIIII, regnante HEINRICO tertio Romanorum imperatore augusto anno XLVII, imperante XV.
l.14 Acta est Spire. In Dei nomine, feliciter. Amen. [sceau].

1