Jean de Rouffignac, son frère Bernard et leur neveu Pierre concluent un accord avec Aimon, moine de Saint-Martial de Limoges, au sujet d'un manse appelé Aleissina, qu'ils tenaient à cens de l'abbaye.

l.1 In nomine Domini. Sciant omnes presentes et futuri quod Johannes de Rofinac et Bernardus de Rofinac et Petrus, nepos eorum, tenebant unum mansum Sancti MARTIALIS ad censum. Mansus vero vocatur Aleissina.
l.2 Aimoinus vero monachus, qui erat decanus de ipsa obediencia, magnam querelam et litem habebat contra illos de isto manso. Contentio vero et querela ad istum finem devenit : convenerunt ipsi Sancto
l.3 MARTIALI et Aimoino monacho ut tantum in vita sua teneant et possideant predictum mansum ad censum per singulos annos septem solidos et VII denarios. Quando vero quis eorum de hoc seculo migraverit,
l.4 tercia pars predicti mansi et pars de substantia illius, que in ipso manso fuerit, Sancto MARTIALI et monachis ejus sine calumpnia remaneat. Cum vero alter migraverit, sua pars, tercia pars de manso simili modo et de substantia, Sancto MARTIALI
l.5 nichilominus remaneat. Post mortem vero trium istorum, nullus ex parentibus eorum istum mansum amplius habeat nec in hereditate requirat. Auditores hujus convencionis fuerunt isti : Giraltus presbiter et frater ejus,
l.6 et Oto Bernardus, et Wido de Bre et Rotbertus de la Tur. Acta sunt autem hec anno ab incarnacione Domini millesimo XCVII, indictione V, regnante Philippo rege Francorum, Willelmo quoque episcopo in sede
l.7 Lemovicensi presidente, domno quoque Ademaro abbate abbatiam Sancti MARTIALIS strenue regente.

1