Adalbert donne, à titre de douaire, à son épouse Berthe, des terres situées dans le comté de Verdun, avec une soixantaine de serfs.

l.1 IN NOMINE SUMMȨ ET INDIVIDUȨ TRINITATIS. LIQUET OMNIBUS QUOS ILLUSTRAT RATIO VERI INTELLECTUS DOMINUM IN INITIO POST CUNCTA SUAE CREATIONIS OPERA HOMINEM EX LIMI EFFICIASSE
l.2 materia, eumque ad [sua]e [in]star imaginis animasse, inspiratione vivifici flaminis. Cui etiam ad propagandam posteritatis lineam muliebre addidit solatium, non ab aliunde sed ab ejus
l.3 proprio corpore dirivatum. Quod in libro Geneseos sic repperitur scriptum : misit Dominus soporem in Adam, et tulit unam de costis ejus, et edificavit eam in mulierem, et adduxit
l.4 eam ad Adam. In qua ille in plenitudine conditus sapientiȩ cognoscens unionem suaptȩ carnis et nature, in eodem libro sic legitur dixisse : hoc nunc os ex ossibus meis, et caro
l.5 de carne mea. Ac post subditur : propter hoc relinquet homo patrem et matrem, et adherebit uxori suae, et erunt duo in carne una. Et a discipulis Dominus interrogatus si oporteret uxorem quacumque
l.6 ex causa dimittere, dixit : quod Deus conjunxit, homo non separet. Hinc apostolus magistri sententiam secutus ait : viri, diligite uxores vestras, sicut et Christus sanctam ecclesiam. Et Petrus in epistola sua :
l.7 mulieres, inquit, subditȩ sint viris, quia hoc beneplacitum est Deo. Honorabiles enim nuptiȩ ait Solomon, et cubicule inmaculatum. His horumque multis similibus preceptis instructus, ego ADALBERTUS te
l.8 dilectissimam BERTAM nobilem elegi in copula l[eg]itimi matrimonii, non causa explende libidinis, sicut equus et mulus quibus non est intellectus, sed ut benedicatur Deus in generationibus nostris qui est benedictus in secula.
l.9 Et ut mos est nubentibus desponsatas sibi dotaliciis dotare, do tibi ex possessione meȩ hereditatis medietatem, quantum mihi pervenerit post obitum matris in parte mea, id est, in episcopatu Virdunensi, in comitatu comitis Godefridi :
l.10 alodium de Moleneicurte, in pratis, campis, et omnibus appenditiis, in eodem comitatu alodium de Goberticurte, in pratis, campis cultis et incultis, et omnibus appenditiis, item in eodem comitatu alodium de Domnobasla, in pratis, campis cultis et incultis,
l.11 silvis, domibus et omnibus appenditiis, item in comitatu eodem alodium de Rogisicurte, in pratis, campis, silvis et omnibus appenditiis, item ad Austraudicurtem alodium, cum omnibus appenditiis. Horum autem alodiorum, hȩc sunt nomina mancipiorum : Robertus et uxor ejus Doda,
l.12 cum IIIIor infantibus, Lambertus et uxor ejus Holdiarda cum infantibus V, Constanz, Vuido frater ejus, Letardus, Ernaldus, Elpricus, Lambertus, Reilendis cum duabus filiabus, Emma cum infante, Azzelina cum infantibus II, Ingla cum III infantibus, Girberga cum III infantibus, Odila, Haibertus, et uxor ejus Johanna, cum III infantibus,
l.13 Osanna, Azzelina cum II infantibus, Ava cum infante, Sehaidis, Rocela cum infante, Beria cum tribus filiabus. Item ad Rampedonem post obitum avunculi mei G[odefridi], talem partem alodii quanta mihi pervenit, in pratis, terris, silvis, ad Algeivillam, partem alodii quod in vadio est quȩ mihi pervenit medietatis
l.14 in pratis, campis, et mancipiis : Cilinia cum VII infantibus, Ermengarda cum II infantibus, Odila cum II infantibus, Rainaldo. Hȩc autem trado tibi sub attestatione cartȩ hujus, et ut firma permaneat, testes sunt : Angelbertus, Drogo, Warnerus, Vualterus, Isembaldus, Otto, Rodulfus,
l.15 Rainardus, Herbertus, Romerus, Hugo, Albricus, Hecelinus.
l.16 Acta publice Virduni X kalendas mai, anno ab incarnatione DOMINI MLXVIIII, INDICTIONE XXV, epacta VII, concurrente III, regnante rege HEINRICO, presidente cathedrȩ VIRDUNENSIS domino Teoderico episcopo, comite et MARCHIONE G[odefrid]o. ALVEZONE SUBCANCELLARIO.

1