Henri IV, roi, confirme à l'abbaye Saint-Maximin de Trèves, concédée à sa femme Bertha, la protection royale, les droits de l'abbé à la cour et la possession des biens consacrés à l'entretien des frères, des pauvres et des malades.

l.1 [chrisme] IN NOMINE SANCTAE ET INDIVIDUE TRINITATIS, HEINRICUS, DIVINȨ PIETATIS ADJUANTE CLȨMENTIA REX.
l.2 Si locis divino cultui mancipatis et inibi Deo famulantibus digne consulimus, multo magis illi loco sacratissimo aliqua pietatis opera impendimus, per quem et a quo regni nostri statum semper confirmabimus et conjugem nostram legitimo jure
l.3 nostrae regalitati in regnum associare dotare et sublimare debemus. Proinde cunctis fidelibus nostris tam presentibus scilicet quam futuris notum esse volumus, qualiter nos de nostri statu regni tractantes BERHDAM contectalem nostram in
l.4 Christo nobis dilectissimam a cunctis regni nostri principibus electam rȩgalibus nuptiis in villa TRIBURIA nostrȩ rȩgalitati copulavimus et secundum morem et institutionem piissimi genitoris nostri avique nostri HEINRICI videlicet
l.5 atque CHUONRADI invictissimorum imperatorum aliorumque predecessorum nostrorum regum et imperatorum HEINRICI necnon trium OTTONUM, ARNOLFI, Magni KAROLI, PIPPINI, DAGOBERTI, CONSTANTINI
l.6 et omnium regum et imperatorum a tempore prefati Constantini et HELENȨ matris illius sanctissimȩ usque ad nos cum abbatia Sancti MAXIMINI, qui in suburbio TREVIRORUM corporaliter quiescit, cum omnibus rebus et aecclesiis ac
l.7 possessionibus ad eam in quibuscumque locis juste et lȩgaliter pertinentibus prenominatam conjugem nostram BERHTAM scilicet reginam lȩgitimo jure in regnum nobis associavimus dotavimus ac perpetuo jure firmavimus,
l.8 ut sicut re vera primitus per beatum PETRUM APOSTOLUM et discipulos illius sanctissimos EUCHARIUM, VALERIUM, MATERNUM et postea per beatum AGRITIUM, MAXIMINUM atque PAULINUM in Trevirensi
l.9 episcopio et inde per totam Galliam catholicȩ fidei et christianȩ devotionis cȩpit pullulare et iniciare sacramentum, ita et per prefatam abbatiam Sancti MAXIMINI omnes reges et imperatores ac conjuges illorum regiȩ digni-
l.10-tatis et propagandȩ subolis percipiant fundamentum. Volumus etiam atque hujus nostrȩ rȩgalitatis edicto precipimus atque firmamus, ut eadem abbatia nulli aecclesiȩ vel sȩdi sive personȩ quoquo pacto umquam famula aut appendex
l.11 subjaceat, sed sicut sub predecessorum nostrorum, sic sub nostro quoque mundiburdio et defensione aliorumque successorum nostrorum tuitione libera semper permaneat, addentes videlicet et per hoc nostrȩ regiȩ auctoritatis privilegium firmissime decer-
l.12-nentes, ut THEODERICUS ejusdem loci abbas suique successores prenominatȩ contectali nostrȩ BERHDȨ scilicet in Christo nobis carissimȩ aliisque post illam reginis et imperatricibus in rȩgia curia semper serviant et obsequantur ; et, quia
l.13 sub HEINRICO piȩ memoriȩ augusto ante avum nostrum CUONRADUM proximo ea bona illis ablata sunt, unde ad militiam ire vel nostrȩ rȩgalitati servire aut unde se suosque prius victitare videbantur, volumus atque constituimus,
l.14 ut, quotiescumque ad regalem curiam venerint sive vocati fuerint, de rȩgia mensa pascantur et inter curiales ac domesticos atque capellanos rȩgis et reginȩ non infimi semper habeantur, sicut re vera ministros et procuratores illius aecclesiȩ decet,
l.15 de qua et per quam rȩges et imperatores et conjuges illorum lȩgitimo jure in regnum et imperium semper dotari et confirmari videbuntur. Constituimus preterea et ad prebendam fratrum inibi Deo famulantium specialiter delegamus quicquid per privi-
l.16-lȩgia HEINRICI genitoris nostri atque CUONRADI avi nostri aliorumque predecessorum nostrorum regum et imperatorum a CONSTANTINO videlicet et HELENA matre ejus usque ad nos ad peculiaritatem illorum pertinere cognovimus, id est has aecclesias :
l.17 Gozolvesheim, Albucho, Weildestein, Wienheim, Husun, Diedenhovun, Winueldun et insuper omnes sancti Maximini aecclesias cum decimis, cuicumque curtes beneficiatȩ sint, necnon omnes salicȩ terrȩ decimationes, quas
l.18 in usus hospitum peregrinorum ac pauperum constituimus, vel quicquid in his locis habere videntur hactenus, hoc est Suaueheim, Evernesheim, Mannendal, Narheim, Apula, Sceringesfelt, Bukinheim, Hesinesheim, Siemera,
l.19 Gunthereshusun, Ruosbah, Holzhusun, Sueppenhusun, Rivenacho, Lovuin, Okisheim, Lieznih, Fracturis, Ratheresdorf, Bustat, Meisbrath, Frainkingun, Miezriche, Decima et Vallis cum suis pertinentiis,
l.20 Markideth, Daleheim, Murmirdinga, Druhdildinga, Pische, Scitilinga, Mambro, Linniche, Miersche, Everlinga, Fula, Astilabrunna et quod in pago Blesense sive Salnense aut Sallingowe
l.21 vel juxta Metensem urbem in villa Wilere aut in ipsa civitate in vineis aut areolis habere videntur ; curtem etiam quandam vocabulo Prichina ultra Rhenum fluvium sitam, quam genitor noster HEINRICUS piȩ memoriȩ imperator
l.22 augustus per prefatum Theodericum abbatem cuidam Anshelmo ministro suo beneficiari precepit, sed postea pȩnitentia ductus et beati LEONIS PAPȨ atque AGNETIS genitricis nostrȩ piissimȩ interventu comonitus ejusdem loci
l.23 fratribus reddidit atque firmavit, ita et nos illius exemplum sectantes eandem curtem cum omnibus rȩbus ad eam juste et legaliter pertinentibus Sancto MAXIMINO et fratribus sibi servientibus ab ista die et deinceps per interventum BERHTȨ
l.24 contectalis nostrȩ dilectissimȩ reddimus atque firmamus et, ut sagimen et fȩmoralia, mantelas et mensalia inde habeant et hospites ac pauperes inde suscipiant, statuimus atque jubemus
l.25 et, ut nullus successorum nostrorum regum vel imperatorum neque abbas aliquid de predictis curtibus vel aecclesiis preter hereditaria servientium beneficia cuiquam prestare presumat, firmissime interdicimus.
l.26 Harum omnium rerum testem cartam hanc inde conscribi et sigilli nostri impressione jussimus insigniri. SIGNUM DOMNI HEINRICI [monogramme] QUARTI REGIS [sceau].
l.27 SIGEHARDUS CANCELLARIUS AD VICEM SIGEFRIDI ARCHICANCELLARII RECOGNOVI.
l.28 Data III idus julii, anno dominice incarnationis millesimo LXVIo, indictione IIII, anno ordinationis domni HEINRICI quarti regis XIIo, regni vero Xo. Actum in TRIBURIA. In Dei nomine. Amen.

1