Henri III, empereur, atteste une décision prise en faveur de l'abbaye Saint-Maximin de Trèves contre les empiétements de l'avoué.

l.1 [chrisme] IN NOMINE SANCTAE ET INDIVIDUȨ TRINITATIS, HEINRICUS, DIVINA FAVENTE CLEMENTIA ROMANORUM IMPERATOR AUGUSTUS.
l.2 Si ecclesiis vel coenobiis divino cultui mancipatis alicujus patrocinii vel defensionis solatium adversus insolentiam perfidorum prebuerimus, divinitus nos remunerari procul dubio credimus.
l.3 Quapropter omnium sanctȩ Dei ecclesiȩ fidelium tam presentium quam futurorum comperiat sagacitas, qualiter nos ob remedium animȩ nostrȩ et progenitorum nostrorum, interventu etiam carissimȩ contectalis nostrȩ Agnetis impera-
l.4-tricis augustȩ nostrique filii dilectissimi HEINRICI quarti regis crebram et inportunam querimoniam Theoderici reverendi abbatis coenobii Sancti MAXIMINI benigne suscepimus et coram fidelibus nostris diligenter discussimus
l.5 de multis scilicet obpressionibus, quas familia Sancti MAXIMINI patiebatur a comitibus et advocatis, adeo ut jam omnino videretur destituta antiquis legibus et non quasi regalis abbatiȩ familia, sed ut propria advoca-
l.6-torum ancilla esset in servitutem redacta. Unde nostrorum consilio amicorum precipiendo decrevimus, ut coram legatis nostris BERTOLFO scilicet comite de Strumburg et Dragebodone ministro nostro et aliis nunciis nostris
l.7 et coram presente abbate Theoderico et comite Giselberto tunc temporis advocato majores et antiquiores de familia Sancti Maximini convocarentur et sacramento constricti confirmarent, quibus legibus temporibus HEINRICI ducis senioris
l.8 et HEINRICI ducis junioris familia illa subjaceret, qualiter placita et judicia fierent, ut ipsi et posteri eo[rum eodem] jure eademque lege exinde perfruerentur. Electi sunt ergo, qui hanc legem et justiciam facerent inter abbatem et advocatum
l.9 secundum jura priorum et antecessorum suorum super reliquias sanctorum confirmarent et postea Treveri in presentia episcoporum EBERHARDI Treverensis, LIUTBALDI Moguntiensis, ADELBERONIS Mettensis et DEODERICI Virdunensis episcopi et aliorum principum
l.10 nostrorum juxta petitionem predicti abbatis sacramento corroborarent. Confirmatum est itaque eorum sacramento, quia advocatus familiȩ illius nisi ter in anno et ille qui dicitur hunno tercio anno, nisi recens furtum fuerit, in abbatia
l.11 placitare non debeant. Quicquid autem illis placitis quisque reus vadiaverit, arbitrio abbatis et suorum prepositorum et villicorum secundum culpam et posse unicuique hominis cedat et duȩ partes abbati, tercia advocato cedat.
l.12 Et si forte aliquis culpam furti vel seditionis inciderit, et abbas ob rebellionem temeritatis advocatum accersierit, ex eodem vadio abbati duȩ partes, advocato tertia proveniat, ita tamen si advocatus a regia manu bannum
l.13 suscepit, aliter in abbatia placitare non presumat. Servientes vero, qui prebendarii sunt et qui fratribus infra claustrum serviunt vel qui foris ad curtes dagescalci dicuntur, nulli advocato neque hunnoni subjaceant,
l.14 sed tantum abbati ejusque prepositis pro quibuscumque culpis respondeant. Advocatus, qui bannum a regia manu suscepit, proxima die post festum sancti MAXIMINI super predia et mancipia eorum qui scaremani dicuntur illa sola die,
l.15 si jejunium vel celebre festum aut dominicus dies non fuerit, placitabit ; sin autem, jejunus prima sonante placitum intrabit et usque ad nonam horam illud tenebit, postea vero nullum diutius ibi stare cogere poterit ;
l.16 et quicquid ibi adquisierit, duȩ partes abbatis, tercia ejus erit. Eadem vero die abbas ipsi advocato servicium dabit, duos scilicet modios panis, friskingas IIII et unam amam vini. Si ecclesiȩ homo
l.17 interfectus fuerit, et abbas aut villicus ejus ab homicida wiregildum exigere poterit, totum sui juris erit ; si autem advocatum necesse fuerit accersire, tercia pars cedet ei. Potestative per abbatiam
l.18 placitare, hospicia vel servicia a rusticis exigere, petitionibus eos gravare et vi pecora eorum aut parafredos tollere et reditus ab ipsis extorquere tam comitibus quam advocatis omnimodis imperiali
l.19 auctoritate interdicimus. Et ut nostrȩ preceptionis de his omnibus firma servetur auctoritas, manu propria subter firmavimus et sigilli nostri impressione insigniri jussimus.
l.20 SIGNUM DOMNI HEINRICI TERTII REGIS INVICTISSIMI SECUNDI [monogramme] ROMANORUM IMPERATORIS AUGUSTI (MPR).
l.21 VUNITHERIUS CANCELLARIUS VICE LIUTBOLDI ARCHICANCELLARII ET ARCHIEPISCOPI RECOGNOVI [sceau].

1