Henri III, empereur, restitue à l'abbaye Saint-Maximin de Trèves la cour de Brechen, dans l'Enrichgau, qu'il avait ordonné à l'abbé Thierry de donner en bénéfice à un certain Anselme et confirme des biens attribués à l'entretien des moines par ses prédécesseurs.

l.1 [chrisme] IN NOMINE SANCTAE ET INDIVIDUȨ TRINITATIS, HEINRICUS, DIVINA FAVENTE CLEMENTIA ROMANORUM IMPERATOR AUGUSTUS.
l.2 Si locis Deo dicatis, quibus beneficia non conferimus, saltem prius ab aliis tradita et injuste subtracta vel ablata restituerimus, divinitus nos procul dubio remunerari confidimus. Quapropter fidelium nostrorum tam presentium
l.3 scilicet quam futurorum industria noverit, qualiter nos ob amorem Dei et ob interventum spiritualis patris nostri domni videlicet LEONIS sanctȩ Romanȩ aecclesiȩ summi pontificis et universalis papȩ reddidimus
l.4 cȩnobitis Sancti MAXIMINI, qui in suburbio Trevirorum corporaliter quiescit, curtem quandam vocabulo Prichina in pago Einriche sitam cum omnibus appenditiis et cum omni utilitate, quȩ vel scribi vel nominari
l.5 poterit, quam nos cuidam Anshelmoni Theodericum abbatem injuste pro beneficio prestare jussimus, modo autem justicia dictante eandem curtem cum omnibus in quibuscumque locis ad eam juste et lȩgaliter pertinentibus vel
l.6 aspicientibus rebus sancto JOHANNI sanctoque MAXIMINO et fratribus eis famulantibus reddidimus firmavimus et in ȩternum Deo auctore stabilivimus, ea videlicet ratione ut nec prefatus Theodericus abbas
l.7 nec aliquis successorum suorum alicui umquam prestare vel vendere presumant, sed fratres idem inde consolati sagimen habeant, femoralia etiam mantelas ac mensalia ad usus necessarios inde percipiant, hospites
l.8 suscipiant et peregrinorum ac pauperum usibus fideliter inde deserviant. Statuimus etiam et hac nostra imperiali auctoritate ad prebendam eorundem fratrum corroborare decrevimus aeclesias, villas et possessiones, quas
l.9 sub temporibus regum et imperatorum Dagoberdi, Pippini, Karoli aliorumque predecessorum nostrorum ad nostra usque tempora ad peculiaritatem illorum pertinere videbantur, ut ex his victum atque habitum consequantur,
l.10 hoc est Apula, Suabheim, Evernesheim, Bricinheim, Hesinesheim, Mannendal, Narheim, Siemera, Bukinheim, Alsontia, Sceringesfelt, Uchinesheim, Basinbah, et de his aecclesiis Albucha,
l.11 Gozolvesheim, Weinheim, Weildistein, Husun, Flanheim et de his locis Prichina, Gunthereshusun, Ruosbah, Holzhusun, Deifenbah, Provesdervod, Folemaresbah, Decima, Vallis, Gracho,
l.12 Loavia, Rivanacho, Okisheim, Leiznih, Curmiringun, Fracturis, Ratheresdorf, Ebeno, Meisbrath, Bustat, Frankonheim, Marchedith, Billiche, Biske, Druhdildinga, Murmiringa,
l.13 Daleheim, Luzelenkircha, Wilare, Mambra, Fula et in civitate Metensi et circumcirca domos et agros, vineas et areolas, Bisanga, Wimareskiricha, Crufta, Scranna et ȩcclesia in Stensiela
l.14 et Diedenhovun. Haec igitur loca et omnes sancti Maximini aecclesias cum decimis dote et dotalibus, cum cunctis salicis decimationibus, quas in usus peregrinorum ac pauperum et hospitum constituimus, ad peculiaritatem fratrum
l.15 Deo ibi famulantium more predecessorum nostrorum regum et imperatorum tali modo et ea ratione delegamus et corroboramus, ut, sicut HEINRICUS decessor noster divȩ memoriȩ augustus instituit, postquam de eadem abbatia ea
l.16 quȩ ad expeditionem sive ad regale servitium pertinebant, abstulit, nullus imperator, nullus rex, nullus abbas de eisdem locis et aecclesiis alicui de his, qui liberi dicuntur homines, sive alterius aecclesiȩ vel
l.17 domini famulo vel ministro quicquam beneficiare vel ab eorum jure distrahere presumat, set liceat inde abbatibus luminaria aecclesiȩ restaurare, aedificia recuperare et necessaria fratribus fideliter ministrare.
l.18 Et ut hoc preceptum inde conscriptum firmum semper et stabile permaneat, non solum hoc manu nostra firmatum sigilli nostra impressione insigniri jussimus, verum etiam ut apostolicȩ defensionis auxilium, si quis eis hȩc in-
l.19-fringere voluerit, habere valeant, predicti patris nostri domni videlicet LEONIS sanctissimi papȩ privilegium inde conscriptum eidem venerabili loco optinere meruimus.
l.20 SIGNUM DOMNI HEINRICI TERTII REGIS INVICTISSIMI [monogramme] SECUNDI ROMANORUM IMPERATORIS AUGUSTI (MPR).
l.21 VUINITHERIUS CANCELLARIUS VICE BARDONIS ARCHICANCELLARII ET ARCHIEPISCOPI RECOGNOVI [sceau].
l.22 Data XII kalendas februarii anno dominicȩ incarnationis MLIo, anno autem domni HEINRICI tercii regis secundi imperatoris regni XIII, imperii vero Vo. Actum TREVERIS. In Dei nomine. Amen.

1