Henri III, roi, confirme à l'abbaye Saint-Maximin de Trèves, concédée à sa femme Agnès, la protection royale, les droits de l'abbé à la cour et la possession des biens consacrés à l'entretien des frères, des pauvres et des malades.

l.1 [chrisme] IN NOMINE SANCTAE ET INDIVIDUȨ TRINITATIS, HEINRICUS, DIVINA FAVENTE CLAEMENTIA REX. CUM REGIȨ DIGNITATIS OFFICIUM SIT DIVERSARUM PARTIUM NEGOTIA PIA SOLLICITUDINE
l.2 previdere, maxime tamen et magis proprie illius aecclesiȩ utilitatibus consulere nos decet in omnibus, per quam regni nostri statum confirmare et contectalem nostram dotali lȩge et lȩgitimo jure in regnum nobis associare et sublimare debemus. Quapropter fidelium nostrorum tam presentium
l.3 quam futurorum universitati notum esse volumus, qualiter nos de nostri statu regni tractantes dilectissimam nobis in Christo contectalem AGNETEM a cunctis regni nostri principibus electam et rȩgali more ac pia omnium fidelium nostrorum devotione in MOGONTINA civitate sollempniter consecratam
l.4 et rȩgalibus insignibus decoratam ad honorem regni nostri sublimavimus et corroboravimus et secundum morem et institutionem piissimi genitoris nostri CHUONRADI imperatoris invictissimi aliorumque predecessorum nostrorum HEINRICI et trium OTTONUM, ARNOLFI, magni KAROLI,
l.5 PIPPINI, DAGOBERTI et aliorum regum et imperatorum usque ad nos cum abbatia Sancti MAXIMINI preciosissimi confessoris Christi, quȩ in suburbio TREVIRORUM sita est, quam CONSTANTINUS et HELENA regina Christo sacratissima in honorem sancti JOHANNIS
l.6 apostoli et evangelistȩ primitus construxerant. Hac igitur et cum omnibus rebus aecclesiis et possessionibus ad eam in quibuscumque locis juste et lȩgaliter pertinentibus prefatam conjugem nostram AGNETEM scilicet nobis in Christo karissimam dotali lȩge et lȩgitima regni dote ad thronum
l.7 et honorem regni nostri dotavimus, sublimavimus et confirmavimus, ut sicut re vera per beatum PETRUM APOSTOLUM et discipulos ejus sanctissimos EVCHARIUM, VALERIUM, MATERNUM in TREVIRENSI episcopio et inde per totam Galliam catholicȩ fidei primitus cȩpit pullulare
l.8 et iniciare sacramentum, ita et per hanc predictam abbatiam omnes rȩges et imperatores cum suis conjugibus propagandȩ subolis incrementum et regiȩ potestatis ac dignitatis semper percipiant testamentum. Decernimus etiam atque hujus nostrȩ raegiȩ auctoritatis confirmamus edicto, ne eadem abbatia
l.9 alicui sȩdi vel aecclesiȩ famula aut appendex umquam subjaceat, sed sicut sub predecessorum nostrorum, sic sub nostro quoque successorumque nostrorum mundiburdio libera semper permaneat, addentes videlicet et constituentes, ut POPPO ejusdem loci abbas suique successores prenominatȩ conjugi nostrȩ
l.10 AGNETI scilicet aliisque post illam rȩginis in rȩgali curia semper serviant et obsequantur ; et quia sub HEINRICO imperator[e] ea bona illis ablata sunt, unde ad militiam ire vel nobis in secundo semper anno rȩgale servitium persolvere vel unde se suosque victitasse videbantur,
l.11 volumus atque constituimus, ut, [quotiescumque ad c]uriam rȩgiam venerint sive vocati fuerint, de rȩgia mensa pascantur et inter curiales et d[omest]icos rȩgis et rȩginȩ non infimi semper habeantur, sicut re vera magistros ac provisores illius aecclesiȩ decet, per quam rȩgum et [imperatorum conjuges in]
l.12 regnum et imperium semper consecrari et confirmari videbuntur. Constituimus preterea et ad prebendam fratrum inibi Deo [famulantium specialiter delegamus quicqu]id sub temporibus KAROLI, prout ipse disposuit, aliorumque predecessorum nostrorum rȩgum vel imperatorum ad peculiaritatem illorum pertinere
l.13 cognovimus, id est has aecclesias : Gozolvesheim, Albucho, Wieldestein, Husun, Wienheim, Diedenhovun, Winuelde ; insuper [omnes sancti Maximini aecclesias] cum decimis et decimationibus et omnes salicas decimationes, quas in usus hospitum peregrinorum ac pauperum destinamus,
l.14 vel quicquid in his locis habere videntur hactenus, hoc est Suaueheim, Evernesheim, Hesinesheim, Mannendal, Narheim, Apula, [Alsontia, Scheringesuelt, Bukinheim, Symera], Basinbah, Ukinesheim, Gunthereshusun, Ruosbah, Holzhusun, Dieffenbah, Sueppenhusen,
l.15 Rivenacho, Luovun, Ochisheim, Lieznih, Ratheresdorf, Bustat, Miesbraht, Buocheneburi, Folemaresbah, Decima [et Vallis cum suis pertinenciis, Marchedith, Dalheim, Frisinga, Mormirdinga], Druhdildinga, Tavena, Scitelinga, Merske, Mambra, Linnich,
l.16 Everlinga et Fula, Arewilere, Wuindengun, vel quod in pago Sallingowe aut [juxta Metensem civitatem] in villa [Wilre vel in ipsa urbe in vineis aut areolis aut agris] habere videntur, et ultra Rhenum fluvium curtem quȩ Prichina dicitur cum omnibus ad eam
l.17 pertinentibus, quam ad sagimen et femoralia, mantelas et mensalia fratrum et ad susceptionem hospitum ac pauperum et [infirmorum curam specialiter constituimus atque firmamus. Et ne aliquis su]ccessorum nostrorum rȩgum vel imperatorum neque abbas quicquam de his rȩbus
l.18 prȩter hȩreditaria illius aecclesiȩ ministris beneficia alicui prestare vel apprebenda fratrum quoquomodo abalienare presumat, firmiter [precipimus et] precipiendo firmamus. Cujus rei testem cartam [hanc inde conscribi] et sigilli nostri impressione jussimus insigniri.
l.19 SIGNUM DOMNI HEINRICI TERCII REGIS INVICTISSIMI [monogramme]. EBERHARDUS CANCELLARIUS VICE DOMNI BARDONIS ARCHICANCELLARII RECOGNOVI [ruche] [sceau].
l.20 Data VIII kalendas augusti, anno incarnationis Domini millesimo XLIIIIo, indictione XII, anno autem domni HEINRICI tercii ordinationis ejus XVIo, regni vero V. Actum Mogoncie. In Dei nomine, feliciter. Amen.

2