Philippe, évêque de Troyes, confirme les possessions et les privilèges des chanoines de Rosnay.

l.1 [croix] Quoniam omne quod canonice diffinitur privilegium canonica carta fieri debet, sicque memorie posterorum tradi, ideo ego Philippus,
l.2 Dei gratia Trecensium episcopus, notum fieri cupio omnibus scire volentibus, tam presentibus quam futuris, canonicos Rusniacensis ecclesie
l.3 meam presentiam accessisse, sumopere postulantes quatinus predicte ȩcclesiȩ cartas a predecessoribus meis diffinitas renovarem, quodque meo
l.4 tempore ipsi juste adquisiverunt vel alii pro redemptione animarum suarum eis dederunt litteris meo sigillo signatis confirmarem
l.5 quorum petitioni, quia saluberrimam eam intellexi, adquiescens, libertatem ecclesie qua tempore meorum antecessorum extitit salvo jure
l.6 ȩcclesiȩ concessi, videlicet ut in ecclesia predicta a canonicis ipsius capellanus eligatur, sive ex ipsis canonicis, sive alius, qui presentiȩ hujus
l.7 loci presulis vel archidiaconi ab eisdem representetur, eo tenore ut presens officium suum exerceat, illiusque absentis vice ȩcclesia
l.8 suppleat. Concedo etiam atque precipio quod domus Dei quȩ adjacet Rusmaco ȩcclesiȩ ipsius castri sit subdita, sicut fuit tempore
l.9 Alberti qui eam prius ȩdificavit, ut conventus ȩcclesiȩ a fratribus domus super negotiis suis consulatur, consilioque canonicorum ipsa
l.10 domus disponatur. Preterea concedo predictȩ ȩcclesiȩ illam partem quam canonici soliti sunt accipere in oblationibus, atque decimis
l.11 Vincariacensis ȩcclesiȩ cum oblationibus ȩcclesiȩ Valentiniaci, insuper ȩcclesiȩ Rusmacensi, annuo quod canonici ejusdem ȩcclesiȩ, in ecclesia
l.12 Braioli capellanum eligant quem basilice Trecensis, presentiȩ presulis, offerant. Si quis vero, quod absit, hȩc a nobis concessa
l.13 contra dicere conatus fuerit, illum qui hoc facere presumpserit non solum interdicimus verum etiam anathematis gladio ferientes
l.14 ab omni communione sanctȩ ȩcclesiȩ sequestramus. Inde sunt testes Rainaldus prepositus et archidiaconus, et
l.15 Odo archidiaconus, et Manasses archidiaconus, et Wido archidiaconus, et Teobaldus archidiaconus,
l.16 et Odo cantor, et Hugo de Viaspro et Tegerus frater ejus, et Falco filius cantoris, et Galterus filius
l.17 Angelmeri, et Petrus filius Gisleberti.