Emma, entrant en religion au monastère de Saint-Wandrille, donne les villae de Ticheville et du Breuil situées sur la Touques, et la villa de Croisille sur le Lesme, avec l'assentiment de Richard, duc de Normandie. Robert, archevêque de Rouen, confirme cette donation ; le roi Henri I^er souscrit.

l.1 QUICQUID INVIOLABILE SERVATUR IN POSTERUM, LITTERARUM NOTICIE COMMENDATUR
l.2 AD MEMORIAM FUTURORUM. Aeternae bonitatis habundantiam et divinȩ caritatis excellentiam
l.3 in aliis omnibus creaturis videre, in nobis ipsis autem habemus sentire. Nam dum omnibus jam institutis
l.4 hominem tantum ad imaginem et similitudinem suam creavit, in hoc procul dubio se velle nos tractare ostendit,
l.5 non tam per dominatus potentiam quam per piȩ paternitatis benivolentiam. Quapropter ei, et ut domino servi,
l.6 oboedire debemus inter singulas, et ut sibi patrem diligere eumque honorare super universas. Quibus omnibus quasi
l.7 uni hoc ipsum de se ipso ac sua sponsa adoptiva, virgine semper sed non infecunda, nostra matre, sancta scilicet
l.8 ecclesia, pie et paterne dignatus est loqui : Honora patrem tuum et matrem, ut sis longevus super terram quam
l.9 dominus Deus tuus daturus est tibi. Quod ego peccatrix Imma cum gratiarum actione accipiens, atque in eo permanere
l.10 cupiens, cujus gratuita pietate filia et sponsa fieri ardeo, ac per hoc ipsi me et mea omnia dedo. Quȩ ut re-
l.11-bellibus in testimonium, subditis vero sint in exemplum, his volo litteris liquido exprimere, quae
l.12 reddo ipsi, ipso inspirante, amicorum meorum voluntate et consilio, volente et au[ctorizante piissimo]
l.13 comite Ricardo, trado scilicet ad opus fratrum divinis cultibus insistentium, in loc[o qui Fontanella dicitur]
l.14 ac in beati PETRI apostoli, sanctique doctoris gentium Pauli, et sancti Vuandregisili honore c[onsecratur, duas]
l.15 villas super Tolcam fluvium sitas, quarum u[na] vocatur Tegisvilla et [Br]oil altera, cum
l.16 molendinis et pratis, nemoribus et omnibus e[a]rum appendiciis. Trado etiam ad eundem
l.17 usum aliam villam nomine Crusillam, super Elesmam fluvium sitam, cum molendino [et]
l.18 aquarum decursibus et omnia ad eandem villam pertinentia. Cujus d[o]natio[nis cartule],
l.19 si quis presumpserit contradicere, et Dei omnipotentis iram incurrat, et omnes maledic[tiones]
l.20 quas illi merentur qui dixerunt domino Deo : Recede a nobis, scientiam viarum tuarum nolumus adquirat.
l.21 EGO ROTBERTUS nutu Dei archiepiscopus, jubentibus piissimis principibus, RICHARDO scilicet secundo et tertio, manu et ore
l.22 hanc donationem confirmo, et omnes contradicentes episcopali sententia anatematizo.
l.23 Signum HUGONIS [croix] Baiocensis episcopi. Signum [croix] ROTBERTI ARCHIEPISCOPI. Signum [croix] Richardi secundi ducis. [croix] Signum Richardi tertii ducis.
l.24 Signum Rotberti comitis [croix]. Signum Vuillelmi comitis. Johannes abbas, Nigellus, Tursten Guiz, Humfredus, Gauzfridus, Roge[rus], Rotbertus, Vui[llemus].
l.25 Nomina testium hujus donationis : Nigellus vicecomes, Baldericus, Roztelinus cubicularius,
l.26 Ansfridus, Rotzelinus, Rodulfus, Erchengerus.
l.27 Goisfridus, Rotbertus, Bernardus, Eustachius. Signum [croix] OIDILONIS [a]bbatis. [croix] Signum. Signum [croix] Henrici regis.
l.28 [croix] Signum Heltonis. Testis ipsius confirmationis : Albericus, Osbernus, Hugo filius Nortmanni,
l.29 Vuarnerius, Rotgerius, Gerardus, Ospac, Petrus, Osbernus vel Ravenellus.

qui dixerunt Deo recede a nobis et scientiam viarum tuarum nolumus (Job 21, 14) 1

LOT (F.), Etudes critiques sur l'abbaye de Saint-Wandrille, Paris, 1913 (Bibliothèque de l'Ecole des Hautes Etudes, 204), p. 50-52, n° 12.

FAUROUX (Marie), Recueil des actes des ducs de Normandie de 911 à 1066, Mémoires de la Société des Antiquaires de Normandie, t. 36(1961), p. 174-176, n° 55.

POTTS (Cassandra), Une charte de Saint-Wandrille, in BEAUREPAIRE (François de), CHALINE (Jean-Pierre) (éd.), La Normandie vers l'an mil, Rouen, 2000, p. 112-115, p. 112-115 (traduction).