Isembard, comte de Rosnay, fonde et dote dans son castrum de Rosnay une église dédiée à Notre-Dame dans laquelle il installe des desservants.

l.1 IN NOMINE SANCTE ET INDIVIDUE TRINITATIS PATRIS ET FILII ET SPIRITUS SANCTI, EGO PIETATE COMES
l.2 Isenbardus, cogitans de omnipotentis Dei justitia et de peccatorum meorum sarcina, volui ab dominatoris omnium furore ad clemen-
l.3-tiam redemptoris piissimi Jhesu confugere quod nimia diu et gravi presumptione postponens, sicut recognosco, valde mertum et
l.4 peccatorem confiteor et sentio, sed hoc denique culpis meis exigentibus et juvenili meditatione frustratus nimium prolongans Dei mi-
l.5-sericordia preduce qua potius cuncti salvantur quam operare nullarum meritis, existimavi salutare et repperi consilium
l.6 quatinus sanctam Dei ecclesiam de rebus meȩ hereditatis, pro meo scilicet posse et si non regio vel potentialium cultu construerem et inibi Deo
l.7 servientes ordinarem ut quod debilitas carnis in me macularet, Dei pietas eorum orationibus piissime mundaret. Est igitur apud Rosinaicum
l.8 castrum ȩcclesia in honore sanctȩ semperque virginis Dei ac redemptoris nostri Jhesu genitricis Mariȩ consecrata, in qua Deo servientes
l.9 statuo et unde habeant vivere ordino. Quȩ enim predictȩ sanctȩ dei genitrici ad opus sibi servientium concedo, subter inscri-
l.10-bi dignum esse credo. Maxima siquidem pars prȩdictȩ ȩcclesiȩ meum erat predium et reliqua coheredum meorum, excepto altari quod pro-
l.11-prie tenebam. Ergo hȩc antequam fieri decrevissem, erant ibi capellani qui accipiebant pro ea ratione tertiam partem de communi
l.12 quod meum erat dare seu vendere. Et postea accipiebat altare suam tertiam quȩ similiter erat mea et de duabus reliquis partibus
l.13 erat quarta mea. Has meas partes ȩcclesiȩ dono et trado sanctȩ Dei genitrici Mariȩ cum altari quod nuper ab Deo nobis destinato pontifice
l.14 Maynardo liberum emi, unde ab ipso cartam promerui; de terris mansi Sanctȩ Mariȩ in villa Jusanvinnei cum pratis, terris cultis et in-
l.15-cultis atque silvis quȩ omnia propriȩ tenebam sine meis heredibus inperpetuum trado, totas consuetudines de censualibus Sanctȩ Mariȩ quas per me
l.16 tenebam eidem jam semperque advocandȩ concedo et de censibus partem alteris id est tertiam et de duabus reliquis partibus meam partem id est quar-
l.17-tam; similiterque meorum unus nepotum nomine Tietbaldus suam partem id est quartam et omne luminare totius anni ut accipere solebant
l.18 capellani sine cunctis heredibus, excepto censu ut supra retulimus. Concedo etiam furnum bannualem in suburbio mei predicti castri sicut
l.19 tenebam et silvam unde calefieret et mansum Sanctȩ Mariȩ in villa Eula quod tenebam cum omni consuetudine et mansum in villa Brah Sanctȩ Mariȩ et
l.20 terram quam Liegardis pro filia sua Eva Sanctȩ Mariȩ tradidit in villa Clarei et simul illam quam emi. Et mansum in Lorciaci Corte quod Macelinus presbiter
l.21 dedit Sanctȩ Mariȩ. Et mansum quod Vuido pro fratre suo Hildefrido in villa Brais eidem tradidit; et mansum Sanctȩ Mariȩ in eadem villa et villulam nomi-
l.22-ne Viridumellam cum appenditiis suis et cum omni justitia intra sepes. Et in silva nomine Beraires pastionem ad quantoscumque porcos
l.23 indominicatos habuerint et ad ȩcclesiam construendam et ad alias officinas et ad focum indominicatum. Et quandam vineam juxta castrum
l.24 secus viam quȩ ducit ad Agri Montem ad dextram et omnem costam ejus de montis ab illo loco ubi prefata vinea sumit exordium in
l.25 antea. Reddo denique predictȩ singulari sanctȩ Dei et sibi servientibus homines et feminas cum pratis et terris quȩ Sanctȩ Mariȩ
l.26 erant et proprie tenebam, ubicumque invenerint omnia habeant et inperpetuum teneant, ita ut non sit aliquis ex ministris meis ausus
l.27 manum imponere super eos pro forifacto quod faciant nisi clamore canonicorum ejusdem ȩcclesiae, nec aliquid capere in terris semper advocate
l.28 sanctae nisi precio comparando. Ac si aliquis ex hominibus sanctȩ ȩcclesiȩ quos de me milites tenent in feo, non valens dominationem eorum
l.29 pati, has partes accesserit causa remanendi, servientes suprarelati eum vel eam habeant, inperpetuum teneant. Dono etiam Deo
l.30 et sanctȩ Mariȩ aquam que vocatur Vera a molendino quod est juxta castrum quod vocatur Rosnacum usque ad fractam terrȩ de Becrieia Curtȩ ut
l.31 habeant servientes sibi solide et teneant inperpetuum. Ea siquidem ȩcclesia qua hȩc statuo presentialiter habetur intra castrum, et ad presens Deo
l.32 servientes ibi cum denominatis rebus relinquo tali conventione ut quod Deo sanctȩque ejus matri ad vitam illorum trado, id est eandem ecclesiam et
l.33 altare et cetera suprascripta; si locum conmutavere extra castrum propter amplitudinem edificiorum quietemque ipsorum, sicut facere existimo cum Dei
l.34 adjutorio seu aliquis inscripti loci previsor, libere et solide teneant et habeant. Si quislibet homo huic ȩcclesiae de omnibus predictis
l.35 rebus voluerit nocere, aeternȩ excommunicacioni subjaceat. Existentibus Hanrico rege, Maynardo episcopo, Stephano comite.
l.36 Hujus autem constitutionis sunt testes: Vualterius, Anxerus, Vualterius de Ponte, Ogerus, Dudo vicecomes.
l.37 [sceau].

Mainard est évêque de Troyes entre 1035 et 1049 ; le comte de Troyes et de Meaux Etienne meurt entre 1045 et 1048.