Henri II, empereur, remet en bénéfice à trois de ses fidèles des manses de l'abbaye Saint-Maximin de Trèves, à charge pour eux de remplir envers lui les services dus par l'abbé ; il interdit toute autre aliénation, confirme le libre choix de l'avoué et l'affectation des dîmes saliques à l'entretien des hôtes, des pauvres et des pélerins.

l.1 [chrisme] IN NOMINE SANCTAȨ ET INDIVIDUȨ TRINITATIS, HEINRICUS, DIVINA FAVENTE CLEMENTIA ROMANORUM IMPERATOR AUGUSTUS. QUAMVIS AB AECLESIASTICIS INSTITUTIONIBUS ET A PATERNIS PRȨJUDICIIS
l.2 nulli sit licitum deviare, nostri tamen juris est pre cȩteris id solum et speciale, ut, unde fideles nostri infra regnum nostrum gravantur aut unde aeclesiȩ Dei detrimentum magis quam commodum patiuntur, in melius debeamus comutare. Idcirco fidelium nostrorum tam presentium quam futurorum
l.3 sollertiȩ notum fieri cupimus, qualiter nos ex abbatia Sancti JOHANNIS EWANGELISTȨ et Sancti MAXIMINI, quȩ in suburbio Trevirorum sita est, ubi Haricho abbas preesse videtur, quasdam curtes et territoria, villas et possessiones, scilicet sex milia sescentos quinquaginta sex mansos, ut
l.4 verius computari potuit, a prefato abbate in beneficium accepimus et his fidelibus nostris, Ezzoni videlicet palatino comiti et Heinrico duci necnon Ottoni comiti, ea conditione beneficiavimus, ut, quia prefatus abbas jam senio confectus comode nobis domi militieque servire
l.5 non poterat, ipsi et hȩredes, qui haec beneficia haberent, pro eodem abbate suisque successoribus curiam regalem petant et in expeditionem eant, abbas vero suique successores a curia regia et ab omni expeditione omnino sint liberi, nisi in Mogontiensem, sive Metensem, aut Coloniensem
l.6 civitatem ad generale concilium sive colloquium, aliqua necessitate cogente, fuerint invitati. Et ne animȩ nostrȩ detrimentum inde patiamur, si ea, quȩ a fidelibus Christi eidem sacratissimo loco tradita sunt aut collata, nos injuste auferre videamur, servitium, quod nobis et quibusdam predeces-
l.7-soribus nostris in secundo semper anno de eadem abbatia traditum est, pro timore Dei et veneratione sancti Johannis ac sancti MAXIMINI et ob interventum ARIBONIS Mogonciacensis ac PILIGRIMI Coloniensis et POPPONIS Trevirensis venerabilium archiepiscoporum aliorumque
l.8 fidelium nostrorum Deo sanctoque Johanni et beato MAXIMINO cunctisque per eos inibi abbatibus in perpetuum indulgendo ignovimus et ignoscendo indulsimus, et ne quis successorum nostrorum regum vel imperatorum idem servitium in periculum animȩ nostrȩ ac suȩ inde ulterius exigat, nisi eadem
l.9 bona, quȩ nos non tam in nostrum quam in eorum servitium inde distraximus, ex integro reddat aut restituat, nostra imperiali auctoritate constituendo precipimus et precipiendo confirmamus. Jubemus etiam atque interdicimus prefato abbati suisque successoribus in perpetuum, ne de reliquis
l.10 curtibus aecclesiis ac possessionibus, quȩ ad peculiarem prebendam fratrum Deo ibi famulantium a nostris predecessoribus regibus aut imperatoribus, DAGOBERTO videlicet, PIPPINO, KAROLO, LUDEWICO, ARNOLFO, item KAROLO, ZIENDIBOLDO necnon a tribus Otto-
l.11-nibus in nostra usque tempora et per nos etiam delegata sunt et concessa, alicui de majoribus sive liberis hominibus aut alterius aecclesiȩ vel alienȩ familiȩ quibuslibet servitoribus quicquam beneficiare vel ab eorum jure quoquomodo abalienare presumant, hoc est in his locis :
l.12 Suabheim, Hesinesheim, Bricinheim, Everesheim, Weldinstein, Albucha, Gozolvesheim, Bingin, Holzhusa, Apula, Alsontia, Sceringesfelt, Hukinesheim, Bukinheim, Siemera, Mannendal, Narheim, Folemaresbah, Provesdervoth, Gracho, Decima,
l.13 Vallis cum pertinentibus, Rateresdorf, Bikendorf, Meisbrath, Ebeno, Arnolfesberc, Lieznih, Okisheim, Rivenacha, Loavia, Windingis, Lukesingis, et in pago Sallingowe Dincrihe, Iuolkurt, Bisangis, et in civitate Metensi et circum-
l.14-circa domos, vineas, agros et areolas, et in his locis Diedenhovun, Wilare, Bessiaco, Luzelenkiricha, Tavena, Druhdelingis et Murmiringa, Meroldi uilla, Wimareskiricha, Straza, Crufta, Scranna, Markidiht, Kriske, Billihe,
l.15 Curmiringun, Brunnacha, Haniuuileri, insuper etiam in pago Drachere locus qui vocatur Gunthereshusun necnon in pago Einriche locus alius vocabulo Prichina cum omnibus ad se juste et lȩgaliter pertinentibus vel aspicientibus rebus, has duas curtes ad sagimen
l.16 et ad femoralia, mantelas etiam et mensalia fratrum necnon ad infirmorum curam et debilium et ad susceptionem hospitum necnon ad recreationem pauperum et peregrinorum, sicut antecessores nostri constituerunt, ita et nos specialiter constituimus atque firmamus. Et ut ex his
l.17 locis et aecclesiis nullus abbas, nulla alia persona magna sive parva alicui libero aut alieno homini, ut antea diximus, aliquid beneficiare vel a prebenda fratrum quoquomodo abalienare presumat, firmissime precipimus, sed liceat inde abbati suisque successoribus lumina-
l.18-ria aecclesiȩ restaurare, aedificia recuperare et quȩ necessaria tantummodo fratribus sunt procurare ; de aecclesiis vero et de omnibus per totam abbatiam salicis decimationibus nulli omnino beneficium aliquod concedi permittimus, sed in usus hospitum pauperum ac peregrinorum perpetualiter
l.19 constituimus atque sancimus. Constituimus preterea hoc et hac nostra imperiali auctoritate firmamus, ut, si quis fortasse illorum aut filii filiorum suorum, quibus bona et possessiones sancti MAXIMINI beneficiavimus, sine hȩrede fuerit defunctus, beneficium vel quicquid ab eodem loco
l.20 habere visus est sub jus et dominium prefatorum sanctorum et abbatis ac fratrum ipsius monasterii redeat et transeat et ad amplificandam congregationem necnon ad regale servitium, quantum abbas inde sine detrimento aliarum rerum aecclesiȩ bene perficere possit, absque
l.21 omni contradictione permaneat. Insuper etiam concedimus atque precipimus, ut idem abbas suique successores potestatem habeant advocatias omnes monasterii sui cui velint dandi, cui velint justo judicio tollendi, et ut advocati nullum post se ponere aude-
l.22-ant, qui vocetur postadvocatus, nullumque placitum preter tria jure debita in abbatia tenere presumant, nec cuiquam illorum liceat aliqua violentia homines gravare aut vi paraveredos eorum aut pecora tollere vel quicquam super officiales aut ministros sive
l.23 mansionarios seu omnia jura abbatis constituere. Et ut hoc auctoritatis nostrȩ preceptum inde conscriptum firmum et stabile semper permaneat, non solum hoc manu propria firmavimus et sigilli nostri impressione insigniri jussimus, verum etiam, ut firmiori
l.24 auctoritate polleret, beatissimi patris nostri domni videlicet BENEDICTI sedis apostolicȩ presulis privilegium inde conscriptum et apostolica auctoritate roboratum prefato cȩnobio optinere meruimus, ut, si, quod absit, aliquis successorum nostrorum regum vel
l.25 imperatorum diabolica aviditate corruptus quicquam de his, quȩ prefati sȩpe monasterii fratribus ad quietem illorum constituimus, imminuere temptaverit, abbas, qui tunc ibi preesse videbitur, ac fratres libere apostolicam sȩdem, cui idem locus sacratissimus sub antiquis
l.26 temporibus CONSTANTINI IMPERATORIS et HELENȨ matris illius addictus esse dinoscitur, fiducialiter appellent et ad eam quasi filii ad matrem confugiant, ut ab ea, sicuti dignum est, fulciti aut ea quȩ inde abstulimus bona sua recipiant
l.27 aut, quod nos pro tantis bonis et possessionibus sancti JOHANNIS et sancti MAXIMINI inde ablatis ad quietudinem illorum ordinavimus atque firmavimus, apostolica auctoritate roborati optinere prevaleant.
l.28 SIGNUM DOMNI HEINRICI ROMANORUM INVICTISSIMI IMPERATORIS AUGUSTI [monogramme]. GUNTHERIUS CANCELLARIUS VICE ARIBONIS
l.29 ARCHICAPELLANI RECOGNOVI.
l.30 Data IIII idus DECEMBRIS, indictione VI, anno dominicȩ incarnationis millesimo XXIIIo, anno vero domni secundi Heinrici regnantis XXXIIIo, imperii autem X. Actum in Triburia regia villa, palacio publico. In Dei nomine. Amen. Amen.

2