Henri II, empereur, remet en bénéfice à trois de ses fidèles des manses de l'abbaye Saint-Maximin de Trèves, à charge pour eux de remplir envers lui les services dus par l'abbé ; il interdit d'aliéner les autres biens destinés à l'entretien des moines, qui seront administrés par leur propre avoué.

l.1 [chrisme] IN NOMINE SANCTȨ ET INDIVIDUȨ TRINITATIS, HEINRICUS, DIVINA FAVENTE CLEMENTIA ROMANORUM IMPERATOR AUGUSTUS. QUAMVIS ANTIQUOS TERMINOS PRETERGREDI FAS NON SIT ET
l.2 quamvis ab aecclesiasticis institutionibus et a paternis prejudiciis nulli sit licitum deviare, nostri tamen juris est pre cȩteris id solum et speciale, ut, unde fideles nostri infra regnum nostrum gravantur aut unde aecclesiȩ Dei detrimentum magis quam commodum
l.3 patiuntur, in melius semper commutare debeamus. Idcirco fidelium nostrorum presentium scilicet et futurorum sollertiȩ notum fieri cupimus, qualiter nos ex abbatia Sancti MAXIMINI, quȩ in suburbio Trevirorum sita est, ubi Haricho venerabilis
l.4 abbas preesse videtur, quasdam curtes et territoria, scilicet ad sex milia sexcentos quinquaginta VI mansos, a prefato abbate in beneficium accepimus et his fidelibus nostris : Heinrico duci et Ezzoni palatino comiti necnon Ottoni comiti, qui
l.5 nihil a regno vel a nobis usque adhuc habere visi sunt, ea ratione beneficiavimus, ut quia predictus abbas jam senio confectus commode nobis domi militieque servire non poterat, ipsi et heredes eorum pro eodem abbate suisque successoribus curiam regalem
l.6 petant et in expeditionem eant, abbas vero suique successores a curia regia et omni expeditione, quemadmodum abbas de sancto WILLIBRORDO, omnino sint liberi, nisi in Mogontiensem sive Mettensem aut Coloniensem civitatem ad genera-
l.7-le concilium sive colloquium, aliqua magna necessitate cogente, fuerint invitati. Et ne animȩ nostrȩ detrimentum inde patiamur, si ea, quȩ a fidelibus Christi eidem sacratissimo loco collata sunt, nos injuste auferre videamur, timore Dei
l.8 et amore justiciȩ tacti necnon Aribonis Mogonciacensis et Popponis Trevirensis ac Piligrimi Coloniensis venerabilium archiepiscoporum aliorumque fidelium nostrorum cohortatione commoniti servitium, quod nobis et quibusdam predecessoribus nostris
l.9 de eadem abbatia in secundo semper anno persolvebatur, pro eisdem bonis et possessionibus, quȩ inde abstulimus, Deo sanctoque JOHANNI EWANGELISTȨ et beato MAXIMINO cunctisque per eos inibi abbatibus in perpetuum ignoscendo indulgemus
l.10 et indulgendo ignoscimus, et ne quis successorum nostrorum regum vel imperatorum idem servitium in periculum animȩ nostrȩ ac suȩ inde ulterius exigat, nisi ea bona, quȩ non tam in nostrum quam in eorum servitium inde distraximus, ex integro reddat
l.11 aut restituat, nostra imperiali auctoritate constituendo precipimus et precipiendo confirmamus. Precipimus etiam atque interdicimus prefato abbati suisque successoribus in perpetuum, ne de reliquis curtibus sive bonis, quȩ ad prebendas fratrum
l.12 a nostris predecessoribus regibus et imperatoribus et per nos etiam specialiter delegata sunt, alicui de majoribus sive liberis hominibus aut alienȩ familiȩ vel alterius aecclesiȩ quibuslibet servitoribus quicquam beneficiare presumant, in his videlicet
l.13 locis : Prichina quod in pago Einriche situm est, Gunthereshusun quod in pago Drechere jacet cum suis pertinentiis quȩ ad sagimen fratrum et ad infirmorum curam pertinent, Suabheim, Hesinesheim, Evernesheim, Bricinheim,
l.14 Weildestein, Albucha, Bingin, Holzhusa, Sceringesfelt, Hukinesheim, Bukinheim, Alsontia, Apula, Furnivelt, Siemera, Mannendal, Narheim, Folemaresbach, Pruovesdervod, Okesheim, Arnolfesberc, Meis-
l.15-braht, Rateresdors, Ebeno, Bikendorf, Liezniha, Decima, Vallis, Burnacha, Haneuuilire, Meroldi Villa, Vuimari ȩcclesia, Crufta, Scranna, Luzelenkiricha, Wilare, Tavena, Bessiaco, Druhdeldinga, Murmi-
l.16-ringa, et in civitate Metensi et circumcirca vineas, domos et areolas, et in pago Sallmgouue Dincriche, Iuolkurt, Bisanga, item in pago Musolensi villa quȩ vocatur Lukesinga, Loavia et Rivanacha, et inter Mosellam et Suram
l.17 Marchidith et Billiche et Kriske. Ex his ergo villis et eorum pertinentiis, ut antea precepimus, nullus audeat aliquid beneficiare alicui libero vel alieno homini, sed liceat inde abbati suisque successoribus luminaria aecclesiȩ restaurare, ȩdi-
l.18-ficia recuperare et cȩtera, quȩ necessaria sunt fratribus, procurare, quatinus pro pace et unitate ȩcclesiȩ et pro statu regni nostri et imperii ac successorum nostrorum misericordiam Domini eo valeant exorare liberius, quo ab expeditione pariter et a curia necnon
l.19 ab omni regali servitio hac nostra imperiali preceptione liberos eos et absolutos esse constituimus atque firmamus. Constituimus preterea hoc et hac nostra imperiali preceptione firmamus, ut, si quis fortasse illorum fidelium nostrorum aut filii
l.20 filiorum suorum, quibus eadem bona et possessiones sancti Johannis euvangelistȩ et sancti Maximini in beneficium commodavimus, sine hȩrede fuerit defunctus, beneficium, quod ab eadem abbatia habere visus est, sub juramentum prefatorum sanctorum Dei et
l.21 abbatis ipsius monasterii ac fratrum redeant et pertranseant et ad amplificandam congregationem fratrum necnon ad regale servitium, quantum abbas inde sine detrimento aliarum rerum aecclesiȩ bene perficere possit, absque omni contradictione permaneat,
l.22 addentes videlicet hoc et firmiter precipientes, ne de aecclesiis abbatiȩ et de omnibus salicis decimationibus, sive in silvis sive in agris, quȩ ad sanctum Maximinum pertinent, abbas nihil in alienam partem vertere vel prestare presumat,
l.23 et ut res monasterii melius defensare et adjuvare valeat, advocatias omnes, quȩ ad sanctum Maximinum pertinent, cui velit dandi cuique velit tollendi potestatem in perpetuum habeat. Et ut hȩc nostrȩ imperialis aucto-
l.24-ritatis preceptio pleniorem postmodum in Dei nomine habeat firmitatem, non solum hoc nostrum preceptum inde conscriptum manu propria subter firmavimus et sigilli nostri impressione insigniri jussimus, verum etiam, ut firmiori
l.25 auctoritate polleret, beatissimi patris nostri domni videlicet BENEDICTI sȩdis apostolicȩ presulis sanctissimi privilegium inde conscriptum et apostolica auctoritate corroboratum prefato cȩnobio obtinere meruimus, ut,
l.26 si, quod absit, aliquis successorum nostrorum regum vel imperatorum diabolica aviditate corruptus quicquam de his, quȩ predicto monasterio pro tantis bonis, quȩ inde abstulimus, ad quietem monachorum inibi Deo famulantium constituimus
l.27 atque firmavimus, imminuere temptaverit, abbas, qui tunc ibi preesse videbitur, et fratres libere apostolicam sedem appellent et ad eam quasi ad matrem confugiant, ut ab ea, sicuti dignum est, fulciti aut ea quȩ inde abstu-
l.28-limus bona Sancti MAXIMINI recipiant aut, quod nos pro eisdem bonis ad illorum quietudinem eis indulsimus, optinere prevaleant.
l.29 SIGNUM DOMNI HEINRICI ROMANORUM INVICTISSIMI [monogramme] IMPERATORIS AUGUSTI.
l.30 GUNTHERIUS CANCELLARIUS VICE ARIBONIS ARCHICAPELLANI RECOGNOVI [sceau].
l.31 Data II kalendas DECEMBRIS, indictione VI, anno dominicȩ incarnationis millesimo XXIIIo, anno vero domni secundi Heinrici regnantis XXIIIo, imperii autem Xo. Actum Mogontie. In Dei nomine, fȩliciter. Amen.

2