Umberga donne à l'abbaye Saint-Martial de Limoges un manse situé dans la villa Alpoz, dans le pagus de Limoges.

l.1 Divinae legis documento didicimus, quod elemosina a morte liberat, et ipsa est quae tollit
l.2 omne peccatum. Itemque illud sapientis eloquium : diviciae viri, precium animae ejus. Quo-
l.3-circa ego Unberga tribuo omnipotenti Deo et beato MARCIALI et ejus monachis unum mansum mei ju-
l.4-ris pro sepultura et anima filii mei Rotgerii et pro animabus Odonis, et Rotgerii, et Uniae, et est ipse mansus
l.5 in pago Lemovicino in villa quae vocatur Alpoz, in parroechia Sancti Michaelis de Floiraco, ut ab odierna
l.6 die teneant et possideant neminem habentes rector vel monachi domini SALVATORIS et beati
l.7 MARCIALIS interpellatorem, sed in perpetuum liceat eis eum possidere et tenere. Post haec autem
l.8 si ego ipsa vel filius meus, vel filii filiorum meorum, aut aliqua emissa persona hanc nostrae donationis
l.9 cartam infringere praesumpserit, in primis iram Dei et beatae Mariae ac beati MARCIALIS et
l.10 omnium sanctorum incurrat, et sua prava voluntas nichil ei proficiat, insuper legali judicio coac-
l.11-tus decem libra[s a]uri conponat.
l.12 Signum Unbergae, quae hanc cartam fieri et firmare jussit. Signum Atonis. Signum Giraldi. Signum Losfredi.
l.13 Signum Rotgerii. Signum Stephani. Signum item Stephani.
l.14 Facta est CARTA ISTA MENSE APRILIO, REGNANTE ROTBERTO REGE ANNO XVmo.

1