Gautier donne à Saint-Hilaire de Poitiers son alleu de Noyers en Touraine et la moitié du cours de la Creuse jusqu'à Vienne.

l.1 [chrisme] Interim dum orbita hujus seculi volvitur et fabrica uniuscujusque corporis anelitu spiritus adspirat, tractare debet mens ejusdem
l.2 corporis qualiter erumnas hujus seculi possit euvadere et bonis futuri seculi non carere. Idcirco ego, in Dei nomine, Galterius,
l.3 pro animae meae metuens articulum mortis et casus humane fragilitatis seu pro nostrarum propinquarum liberatione atque remedio,
l.4 obtuli precellentissimo domno nostro Hylario alodem meum quem michi mater olim dimisit, ad stipendia fratrum inhibi Deo ex-
l.5-cubantium, videlicet alodem meum indominicatum que vocatur Nocerias cum terris arabilis, cum mancipiis, cum domibus, curtis, cur-
l.6-tiferis, pratis, vineis et medium cursum fluminis que nuncupatur Crosae cum piscationes usque in Viennam. Sint omnia ista beneficia
l.7 in pago Turonensi, in vicaria que ad istum alodum pertinet, et quantumcumque ad ipsum alodum aspicit vel aspicere videtur, totum et integrum
l.8 et mea cernitur esse possessio libenter obtuli omnia, ut ipse jamdictus confessor auxilium mihi prebeat ingrediendi caelos et sui canonici
l.9 memoriam mei perpetualiter habeant in orationibus sacrificiis. Hoc tantum deprecor adque adjuro ut hoc sacrificium quod libenter Deo
l.10 obtuli, nec vendendi, nec commutandi, neque sub quolibet censu vel beneficio ex meis propinquis vel cujuslibet personae tribuatis
l.11 ad habendum. Sed haec omnia superius inserta habendi, tenendi vel possidendi, vos vestrique successores in propriis usibus habeatis
l.12 absque cujusque contradictionem. Si quis vero, quod futurum minime credo, si fuerit ego ipse aut ullus meus heres vel propincus contra hanc
l.13 censionem, quem in sacrificio Deo obtuli, cupiditate ductus ac diaboli instigatione deceptus item generale ausus fuerit, in primis
l.14 iram Dei incurrat et sub ejus maledictione sine recuperatione in aeterna pereat confusus, beatum vero Hylarium perpetuum adquirat inimicum.
l.15 Signum Galterius qui censionem istam firmare precepit.
l.16 Data MENSE aprili, REGNANTE HUGO REGE. SALOMON [scripsit].

1