Otton III, roi, confirme les privilèges accordés à l'abbaye Saint-Maximin de Trèves par ses prédécesseurs, la prend sous sa protection, lui accorde l'élection libre de l'abbé et de l'avoué et limite le pouvoir de ce dernier.

l.1 [chrisme] IN NOMINE SANCTAE ET INDIVIAE TRINITRINITIS, OTTO, DIVINA FAVENTE CLEMENTIA REX. QUONIAM OMNIA REGUM IMPERIA CONSISTUNT IN DIVINAE MANUS POTENTIA, MISERICORDISSIMA DEI EA GUBERNARI MISERATIONE CREDIMUS, SI DIGNIS SERVORUM DEI PETITIONIBUS AURES PIETATIS
l.2 accommadamus. Unde noverit omnium industria fidelium tam presentium quam et futurorum, qualiter venerabilis abbas Volcmarus cenobii Sancti Maximini regulari secundum regulam sancti Benedicti religione insigniti quod constructum in suburbio Trevirorum in honore sancti Johannis apostoli et aevuangelistȩ,
l.3 predictus Christi pontifex insignitus corpore, adierit clementiam nostrae regalitatis Vuilligisi sanctae Mogontiensis aecclesiae archiepiscopi necnon et Ottonis comitis fultus presidio interventionis, quatinus nostri privilegii decreto juxta morem precessorum nostrorum regum vel imperatorum predicto coenobio tranquillitatem juxta
l.4 quod illius religio exposcit, concederemus. Igitur amore religionis accensus, quo in eodem loco absque ullius impedimenti scrupulo servetur finetenus, juxta propriae deliberationis arbitrium fideliumque nostrorum petitionem et consilium privilelegia antecessorum nostrorum regum vel imperatorum, Dagaberti videlicet, Pipini, magni Karoli, Luthuvuici pii
l.5 successorumque eorum, avi etiam nostri Ottonis patrisque nostri aeque Ottonis, divorum scilicet augustorum, nostrae auctoritatis decreto corroboramus, ut et benivola antecessorum nostrorum pietas non a nobis neglecta debilitetur et monachorum Deo inibi sub regula sancti Benedicti servientium tranquillitas ab aliqua subintroducenda
l.6 persona non inquietetur, decernentes ut hoc idem coenobium ubi prenominatus sanctus pontifex Maximinus, cui preesse videtur predictus venerabilis abbas Volcmarus, sicut sub antecessorum nostrorum sic sub nostro quoque successorumque nostrorum jure mundiburdio et defensione consistat nec alicui sedi aut aecclesiae, excepto nostrae rega-
l.7-litati successorumque nostrorum, famulum aut appendex vel beneficiarium subjaceat. Concedimus etiam eisdem monachis liberum inter se eligendi abbatem arbitrium, ut eo securius divinum ab illis impleatur officium summaeque propensius majestatis implorent auxilium. Insuper etiam concedimus ut idem abbas sibique commissa congregatio eorumque sucessores
l.8 potestatem habeant advocatias monasterii sui cui velint dandi cuique velint tollendi, advocati quoque constituti in villis eorum nec cum hominibus illius loci qui vocantur scararii, nisi in presentia abbatis vel ejus prepositi placitum habere presumat bannumque in placito cum scarariis hominibus habito non advocatus sed abbas accipiat, aliaque
l.9 familia abbati subjecta placitum nullius nisi abbatis vel ab eo constitutorum adtendat, bannum et fredum nulli nisi abbati persolvat, et nulla cujuslibet judiciariae dignitatis persona in curtibus eorum placitum teneat, theloneum a navibus eorum nullus exigat et in singalis civitatibus regalibus vel prefectoriis liberam
l.10 potestatem habeant intrandi et exeundi, vendendi et emendi, pascendi et adaquandi, eique opera imperialia vel comitialia funditus perdonamus. Et ut hoc auctoritatis nostrae preceptum stabile et inconvulsum permaneat, privilegium hoc conscribi et anuli nostri inpressione signari jussimus, quod propria manu subtus firmavimus.
l.11 SIGNUM DOMNI OTTONIS [monogramme] GLORIOSISSIMI REGIS.
l.12 HILDIBALDUS EPISCOPUS ET CANCELLARIUS VICE VUILLIGISI ARCHIEPISCOPI RECOGNOVI [sceau].
l.13 Data XVI kalendas julii, anno dominicȩ incarnationis DCCCCXC, indictione III, anno autem tertii Ottonis regnantis septimo. Actum Franconovurt. Feliciter. Amen.

2