Ascaricus donne à l'abbaye de Cluny une cour avec une église dédiée à saint Didier, située dans la villa Poliago, dans le pagus de Lyon, sous réserve d'usufruit.

l.1 [chrisme] Sicut indubitanter fides credencium tenet, ita Christi benignitas mortalibus consulit ut ex bonis temporalibus, quȩ lege mortis amissuri sunt, mansura perennis vite premia sibi valeant preparare, ut scriptum est : Diviciae viri
l.2 redempcio animȩ ejus. Quapropter ego Aschericus nomine dono Deo et sanctis apostolis ejus Petro et Paulo in monasterio Cluniaco ex voluntate cordis mei dono quadam res juris meis pro remedium animȩ mee et pro animabus patris et matris
l.3 mee, et pro omnibus parentibus meis ut cunctis in comune proficiat. Que sunt site ipse res in pago Ludunense, in comitatu Formense, hoc est curte mea indominicata, is nominibus Poliago villa, cum hecclesia qui in onore beati Desiderii
l.4 est dedicata et cum omnibus apendiciis ejus quia ad ipsa villa Poliago, ad ipsa hecclesie aspiciunt. Hoc sunt servi et ancille denominati Adalardus cum uxore sua et infantibus ejus, Johannes similiter cum uxore sua et infantibus, Flavardus similiter cum uxore sua et infantibus
l.5 nisi unum clericum dimito liberum pro remedium animȩ mee, Archinaldus similiter cum uxore sua et infantibus, Arlabertus cum omni domu sue, similiter Girfredo et uxore sua cum unum puerum quale voluerit reservo, alios infantes illorum sive masculos sive feminas ad ipsa
l.6 sanctorum in servicio dimitto. Et dono alias res que supraposita sunt. Hoc sunt franchicias bene inquisitas cum vineis, campis, pratis, silvis, pascuis, aquis aquarumque decursibus, domibus, edificiis cum homni supraposito, cultis et incultis, exitibus et egressibus, cum homni
l.7 integritate cum homnibus ajacenciis. Quiquid ergo in denominatis res predictis ego Aschericus visus fui habere totum Deo et prefatis apostolis ejus Petri et Pauli in cenobio Cluniense quod domnus Maiolus reverendissimus abba ad regendum
l.8 cum caterva monacorum tenere videtur, in tale tenore dummodo vivo usum et fructum et post meum discessum dono atque trasfundo ut rectores predicti cenobii Cluniensis de isdem rebus faciant in omnibus sine ullius contrarietate quiquid facere
l.9 voluerint excepto unum mansso reservo quod vocatur Montepileto. Si quis vero, quod evenire non estimo, aliquis ex eredibus meis au propinquis meis seu aliqua oposita persona contra hanc donacionem istam aliquem litem commovere temtaverit primus
l.10 ira Dei omnipotentis incurrat, auferatque Deus partem illius de terra vivencium et deleat nomen ejus de libro vitȩ, nisi cito resipuerit, fiatque pars illius cum his qui dixerunt domino Deo : Recede a nobis et cum Dathan et Abiron quos terra aperto ore deglutivit et infernus
l.11 vivos absorbuit et omnes maledictiones quae in libro legis Moysi conscriptȩ sunt super eum descendant et omnem incurrat dampnacionem ; secundum vero mundialem legem his quibus litem intulerit, XV libras auri cogente judicaria potestate coactus persolvat
l.12 et conatus illius nullum consequatur effectum, sed husus donacionis firmitas omni corroborata auctoritate in perpetuum inconvulsa permaneat, stipulacione subnixa. Signum Ascherig qui fieri et firmare rogavit. Signum Gausberti. Signum Ugonis. Signum Galdrig.
l.13 Signum Igberti. Signum Almandi. Signum Fulgerii.
l.14 Data mense marcio, anno XXX Hlotharii regis. Aynaldus ad vicem cancellarii recognovit.

1