Renard, évêque de Langres, donne à l'abbaye de Molesmes l'église de Bologne, à la condition que les moines de Buxereuilles perçoivent la moitié des revenus.

l.1 Ego Renardus, Dei gratia miseratione Lingonensis ecclesiȩ episcopus, notum facio presentibus et futuris quod pro anime mee salute donavi
l.2 monachis Molismensibus, de voluntate et consensu capituli nostri, ecclesiam de Bolognia jure perpetuo possidendam; de qua
l.3 donatione sollempniter investivi reverendum virum Robertum, primum Molismi abbatem, statuens etiam et consen-
l.4-su capituli nostri disponens ut monachi apud Buxerolias Deo servientes, in cunctis oblationibus, que ad manum venerint
l.5 sacerdotis, in predicta ecclesia medietatem percipiant, et similiter in trecenariis, et in confessionibus et reconciliationibus,
l.6 et in nuptiis et in redencione caritatum et in redencione oblationum annualium, et in testamentis mortuorum tam
l.7 parvulorum quam senum, medietatem habeant, et presbiter alteram. Cum vero jamdicta ecclesia presbitero vacaverit,
l.8 monachi idoneum Lingonensem episcopo presentabunt; investito autem de cura sacerdote ab episcopo, accedet apud
l.9 Molismum sacerdos, et suam in capitulo fidelitatem faciet, scilicet de conservandis partibus monacho-
l.10-rum. Et si quis prescriptos monachos super hiis molestare vel defraudare presumserit, donec ad emenda-
l.11-tionem venerit, perpetue excommunicationi subjaceat. Testes enim sunt de istis rebus: Jocelinus, Garne-
l.12-rius, archidiaconi nostri, et Amauricus decanus, Lambertus erarius. Actum hoc Lingonis in capituloque
l.13 collaudatum et sigillo nostro confirmatum, anno ab incarnatione Domini MoCo primo.
l.14 [sceau].