Pascal II, pape, confirme les droits et les possessions du monastère de Montier-en-Der et le prend sous la protection du Siège Apostolique.

l.1 PASCHALIS, EPISCOPUS, SERVUS SERVORUM DEI, DILECTO FILIO ROGERIO, MONASTERII SANCTI BERKARII ABBATI, EJUSQUE SUCCESSORIBUS REGULARITER SUB-
l.2-STITUENDIS IN PERPETUUM. Desiderium, quod ad religiosum propositum et animarum salutem pertinere monstra-
l.3-tur, auctore Deo sine aliqua est dilatione complendum. Tuis igitur, fili in Christo karissime, precibus annuentes
l.4 presentis decreti stabilitate sanccimus, ut monasterium vestrum ab omnium personarum molestiis liberum
l.5 perseveret, quatinus sanctȩ religionis cultores Deo inibi quiete deservire valeant et apostolica auctoritate muniti,
l.6 jugiter in Christi laude consistant. Sub inviolabili enim tuitione et defensione apostolici privilegii omnes ipsius
l.7 monasterii facultates esse censemus, omnia, que vel a predecessoribus nostris ei indulta vel a regibus concessa vel
l.8 piis fidelium votis oblata, juste et legaliter tenet vel in posterum juste et legaliter adquisierit, statu-
l.9-entes ei jure perpetuo possidenda et, ut nemo secularium, nemo ecclesiasticorum cogat te vel successores tuos seculari
l.10 curie interesse, presenti auctoritate decernimus. Illud quoque precipue observare cupimus, quod sacrum Calcidonen-
l.11-se concilium de quiete statuit monachorum, ut scilicet orationibus et silentio vacare valeant. Cumque sacrorum
l.12 canonum scita abbates etiam ad sinodum nisi ob causam fidei cogi non sinant, ne tu vel successores tui ab aliquo episcopo monasterii vestri
l.13 sollempnitates relinquere et urbanis, quod absit, interesse cogamini, omnimodis prohibemus. Raptores autem
l.14 et invasores possessionum monasterii vestri, ut a tanto sacrilegio abstineant, apostolica auctoritate precipimus. Si quis vero
l.15 hunc nostri privilegii tenorem temerario ausu infringere voluerit, secundo terciove commonitus, si non emendaverit, a liminibus
l.16 sanctȩ Dei ecclesiȩ arceri se sciat, et a corpore domini nostri Jhesu Christi apostolica auctoritate se removeri cognoscat.
l.17 Scriptum per manum Petri notarii, regionarii et scriniarii sacri palatii.
l.18 Ego Pascalis, episcopus apostolicȩ ecclesiȩ, subscripsi.
l.19 Ego Albertus, indignus cardinalis tituli Sanctȩ Savinȩ, subscripsi. Ego Augustinus, indignus cardinalis Sanctorum IIII Coronatorum, subscripsi.
l.20 [rota] [benevalete].
l.21 Datum Lateranis, III idus aprilis, indictione VIII, per manum Landranci, scriptoris palatii, anno dominicȩ incarnationis MoCo, pontificatus autem domni PASCHALIS secundi pape anno primo.
l.22 [sceau].

JAFFE-LOEWENFELD, n° 5827.

PFLUGK-HARTTUNG (J. von), Acta pontificum romanorum inedita. Urkunden der Päpste 97-1197. rééd, 3 vol., Graz, 1958, t. 1, p. 70-71, n° 77.

FALKENSTEIN (Ludwig), Les privilèges et les lettres de la chancellerie pontificale dans le chartrier de Montier-en-Der (XIe et XIIe siècles), in Les moines du Der : 673-1790, actes du colloque international d'histoire, Joinville-Montier-en-Der, 1er-3 oct. 1998, Langres, 2000, p. 259-294, p. 273-275.